ខេត្តក្រចេះ÷ តើពិតដែរឬទេ.? លោក អោម ដីលុច មានតួនាទីជាប៉េអឹមបម្រើការនៅខេត្តកំពង់ធំ និងជាងស្នួលដឹកជញ្ជូនមនុស្សទៅធ្វើសកម្មភាពខួងរុករករ៉ែមាសបំផ្លិចបំផ្លាញធនធានធម្មជាតិនៅក្នុងដែនជំរកសត្វព្រៃព្រៃឡង់ត្រង់ចំណុចថ្មពួយជើងភ្នំជីស្ថិតនៅភូមិយាវ ឃុំកំពង់ចាម ស្រុកសំបូរ ខេត្តក្រចេះ ភ្លេចតួនាទីថាខ្លួនជាអ្នកបង្ក្រាបនិងទប់ស្កាត់រាល់បទល្មើសទាំងអស់ ខណៈទីតាំងនោះមិនមានច្បាប់អនុញ្ញាត.។
សូមបញ្ជាក់ក្រោយពីអង្គភាពសារព័ត៌មានយើងបានចុះផ្សាយថា មានមនុស្សបានធ្វើសកម្មភាពខួងរុករករ៉ែមាសបំផ្លិចបំផ្លាញធនធានធម្មជាតិនៅក្នុងដែនជំរកសត្វព្រៃព្រៃឡង់. ស្រាប់នៅព្រឹកថ្ងៃទី១៧ ខែកក្កដា ឆ្នាំ២០២៦ មានលេខទូរសព្ទមួយខ្សែបានទំនាក់ទំនងមកកាន់អង្គភាពសារព័ត៌យើងខ្ញុំ និងបាននិយាយថាការចុះផ្សាយនិងដាក់រូបលោកនោះគឺមិនពិតទេ លោកអត់បានធ្វើអញ្ចឹងទេ.។
លោកបានទទួលស្គាល់ថារូបភាពស្លៀកខោក្រហមឈរមើលគេខួងរុករករែ គឺរូបលោក តែលោកមិនជាប់ពាក់ព័ន្ធធ្វើការងារអញ្ចឹងទេ.គឺលោកជាអ្នកស៊ីឈ្នួលដឹកគេឡើងទៅទីតាំងនោះដោយយកតម្លៃឈ្នួលជាង ១០០ដុល្លារ។
លោកបានបន្តទៀតថា.ការដឹកជញ្ជូនមនុស្សទៅទីតាំងខួបរុករ៉ូរ៉ែនោះមានផ្លូវឆ្ងាយលោកក៏បានសម្រាកនៅទីនោះហើយលោកក៏បានឈរមើលពីសកម្មភាពខួងរុករករ៉ែមាសផងដែរ។
ករណីនេះបញ្ជាក់ឲ្យឃើញថាលោក អោម ដឺលុច ដែលជាប៉េអឹមបំរើការងារនៅខេត្តកំពង់ធំ បានឃុបឃិតបិតបាំងនៅបទល្មើស ដែលក្រុមឈ្មួញខួងរុករករ៉ែមាសបំផ្លិចបំផ្លាញធនធានធម្មជាតិ នឹងមិនបានគោរពតាមប្រសាសន៍ថ្នាក់ដឹកនាំដែលបានដាក់បទបញ្ជាឲ្យធ្វើការទប់ស្កាត់និងបង្ក្រាបបទល្មើសនោះឡើយ។
សូមរំលឹកថា កន្លងមក ឯកឧត្ដមនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស បានដាក់បទបញ្ជាដាច់ណាត់ បើបើមន្ត្រីកងរាជអាវុធហត្ថណាប្រព្រឹត្តបទល្មើស ពាក់ពន្ធ័ប្ញហាព្រៃឈើ បញ្ហាធន់ធានធម្មជាតិ គឺត្រូវអនុវត្តច្បាប់លក្ខន្តិកៈកងកងយុទ្ធពលខេមរភូមិន្ទ ដោយគ្មានការរើសមុខ.ក្នុងនោះក៏មានការដេញចេញពីជួរកងទ័ព នឹងលុបឈ្មោះចេញពីយោធិនកងយុទ្ធពលខេមរភូមិន្ទផងដែរ នាយឧត្តមសេនីយ៍ សៅ សុខា បានមានប្រសាសន៍សង្កត់ធ្ងន់ទៀតថា បើធ្វើជាអ្នករកស៊ីសូមឈប់ធ្វើជាអាវុធហត្តទៅ ទោះបីស្របច្បាប់ក៏ដោយ.។
ករណីនេះសូម ឯកឧត្តម ទេសរដ្ឋមន្រ្តី ឱម យិនទៀង ប្រធានអង្គភាពប្រឆាំងអំពើពុករលួយ គួរបើកការស៊ើបអង្កេត លើលោក អោម ដឺលុច មានតួនាទីជាប៉េអឹមនៅខេត្តកំពង់ធំ ខណៈប្រភពបានអះអាងថាលោកជាមេខ្លោងបាននាំបក្សពួកទៅខួងរុករករ៉ែមាសបំផ្លិចបំផ្លាញធនធានធម្មជាតិនៅក្នុងដែនជំរកសត្វព្រៃ.មិនតែប៉ុណ្ណោះលោកបានប្រើរំសេវបំផ្ទុះបំបែកយកអាចម៍រ៉ែយកមកកិនចេញជារ៉ែមាស ធ្វើឲ្យរំខាននិងប៉ះពាល់ដល់បងប្អូនប្រជាពលរដ្ឋនៅទីនោះ ខណៈការធ្វើនោះគឺមិនមានច្បាប់អនុញ្ញាតរុករករ៉ែ និងមិនមានច្បាប់អាជីវកម្មរ៉ែនោះទេ”។
ដូច្នេះស្នើសុំដល់លោកឧត្តមសេនីយ៍ត្រី មាស យ៉ត មេបញ្ជាការកងរាជអាវុធហត្ថខេត្តកំពង់ធំ មេត្តាជួយពិនិត្យមើលលោក អោម ដីលុច ជាប៉េអឹមនៅក្នុងខេត្តកំពង់ធំផង តើការសុីស្នួលដឹកមនុស្សចូលទៅខួងរុករករ៉ែមាសបំផ្លិចបំផ្លាញធនធានធម្មជាតិនៅក្នុងដែនជម្រកសត្វព្រៃ “ភ្លេចតួនាទីខ្លួន ” តើខុសវិន័យកងកម្លាំងដែលទេ.? ម្យ៉ាងទៀតការស៊ីស្នួលដឹកមនុស្សនោះស្ថិតនៅក្នុងម៉ោងការងាររដ្ឋឬក៏ម៉ោងសម្រាក។
អង្គភាពសារព័ត៌មានយេីងខ្ញុំ ចុះផ្សាយខាងលើនេះ ក្នុងគោលបំណងចូលរួមចំណែកថែរក្សាធន់ធានធម្មជាតិ ដែលជាទ្រព្យសម្បត្តិរបស់រដ្ឋ និងដោយយោងទៅតាមប្រភព. និងស្របតាមក្រមសីលធម៌ វិជ្ជាជីវៈ និងធម្មនុញ្ញ វិជ្ជាជីវៈសារព័ត៌មាន ពុំបានមូលបង្កាច់បង្ខូចកេរ្ដិ៍ឈ្មោះ និងសេចក្ដីថ្លៃថ្នូរ អាជ្ញាធរ និងអ្នកពាក់ព័ន្ធណាមួយនោះឡើយ. អង្គភាពសារព័ត៌មានយើងខ្ញុំ នឹងរងចាំទទួលការបកស្រាយបំភ្លឺពី ភាគីពាក់ពន្ធ័ និងស្ថាប័ន ពាក់ពន្ធ័ នៅរៀងរាល់ម៉ោងធ្វើការ តាមច្បាប់ស្តីពីរបបអ្នកសារព័ត៌មាននៅកម្ពុជា៕សូមអរគុណ!
