ព្រៃវែង៖ដោយមានបទបញ្ជាពីលោក វរសេនីយ៍ឯក អ៊ុង ផាន អធិការនគបាល ស្រុកស្វាយអន្ទរ
កម្លាំងប៉ុស្តិ៍នគរបាលរដ្ឋបាលព្រៃខ្លា នៃអធិការដ្ឋាននគរបាលស្រុកស្វាយអន្ទរ ដឹកនាំដោយលោក អនុសេនីយ៍ឯក ផុល ភាព មេប៉ុស្តិ៍ព្រៃខ្លា បានចុះអន្តរាគមន៍ទាន់ពេលវេលា បន្ទាប់ពីទទួលបានព័ត៌មានពីប្រជាពលរដ្ឋ ពាក់ព័ន្ធនឹងករណីលួចលេងល្បែងស៊ីសង (ជល់មាន់) ខុសច្បាប់មួយកន្លែង នៅលើទីតាំងដីស្រឡះគ្មានមនុស្សនៅ ស្ថិតក្នុងភូមិព្រៃខ្លាទី២ ឃុំព្រៃខ្លា ស្រុកស្វាយអន្ទរ ខេត្តព្រៃវែង។
យោងតាមរបាយការណ៍ពីសមត្ថកិច្ចបានឱ្យដឹងថា នៅថ្ងៃទី២១ ខែតុលា ឆ្នាំ២០២៦ ក្រោយទទួលបានដំណឹងពីប្រជាពលរដ្ឋមូលដ្ឋានដែលមិនសប្បាយចិត្តនឹងសកម្មភាពល្បែងស៊ីសងនេះ កម្លាំងជំនាញរបស់ប៉ុស្តិ៍បានចេញដំណើរឆ្ពោះទៅកាន់ទីតាំងកើតហេតុភ្លាមៗ។
ទោះបីជាយ៉ាងណា ពេលកម្លាំងសមត្ថកិច្ចចុះទៅដល់ទីតាំងជាក់ស្តែង ដែលជាដីទំនេរម្ចាស់មិននៅ ក្រុមអ្នកញៀនល្បែងទាំងនោះបានដឹងខ្លួនទាន់ ក៏បាននាំគ្នា «រត់ចែកផ្លូវគ្នាគេចខ្លួនបាត់ស្រមោលអស់ឆ» មុនពេលសមត្ថកិច្ចទៅដល់។
ប្រជាពលរដ្ឋនៅក្នុងមូលដ្ឋានបានសំដែងការសាទរ និងអរគុណដល់កម្លាំងសមត្ថកិច្ចដែលតែងតែយកចិត្តទុកដាក់ខ្ពស់ចំពោះសុខសុវត្ថិភាព និងសន្តិសុខក្នុងភូមិសាស្ត្ររបស់ខ្លួន!៕
