ភ្នំពេញ៖យោងតាមអនុក្រឹត្យលេខ ៤៦ អនក្រ.បក ចុះថ្ងៃទី៣១ ខែខុសភា ឆ្នាំ២០០២ ស្តីពីនីតិវិធីនៃការកសាងប្លង់ សូរិយោដី និងសៀវភៅគោលបញ្ជីដីធ្លី និងអនុក្រឹត្យលេខ ១២២ អនក្រ.បក ចុះថ្ងៃទី០៩ ខែមិថុនា ឆ្នាំ២០១៦ ស្តីពី ការកែសម្រួលមាត្រា៦ មាត្រា៧ និងមាត្រា១១ នៃអនុក្រឹត្យលេខ ៤៦ អនក្រ.បក ចុះថ្ងៃទី៣១ ខែឧសភា ឆ្នាំ២០០២ ស្តីពី នីតិវិធីនៃការកសាងប្លង់សុរិយោដី និងសៀវភៅគោលបញ្ជីដីធ្លី និងរដ្ឋបាលរាជធានីភ្នំពេញ បានជូនដំណឹងដល់ម្ចាស់នៃក្បាលដី ដែលមានក្បាលដី ស្ថិតនៅបុរី ជាទី ជាតំបន់ ឆ្វៀលក្នុងភូមិទ្រា៣ សង្កាត់ស្ទឹងមានជ័យទី១ និងបុរី ៩៩៩ ជាតំបន់ឆ្វៀល ក្នុងភូមិត្នោតជ្រុំ សង្កាត់បឹងទំពន់ទី២ ខណ្ឌ មានជ័យ រាជធានីភ្នំពេញ ឱ្យបានជ្រាបថា យោងតាមអនុក្រឹត្យលេខ ៤៦ អនក្រ បក ចុះថ្ងៃទី៣១ ខែខុសភា ឆ្នាំ២០០២ ស្តីពីនីតិវិធីនៃការកសាងប្លង់សុរិយោដី និងសៀវភៅគោលបញ្ជីដីធ្លី ក្រោមដំណើរការនៃការចុះបញ្ជីដីធ្លីមានលក្ខណៈជា ប្រព័ន្ធ មន្ទីររៀបចំដែនដី នគរូបនីយកម្ម សំណង់ និងសុរិយោដី រាជធានីភ្នំពេញកន្លងមក។
នាព្រឹកថ្ងៃចន្ទ ៧រោច ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៦ ខែកក្កដា ឆ្នាំ២០២៦ លោក សេង គន្ធ អភិបាល នៃគណៈអភិបាលខណ្ឌមានជ័យ និងលោក ពឹង រតនៈ អនុប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី រាជធានីភ្នំពេញ និងជានាយករងកម្មវិធីអនុវិស័យរដ្ឋបាលដីធ្លី រាជធានីភ្នំពេញ នឹងមានការចូលរួមពី៖
– លោកអភិបាលរងខណ្ឌមានជ័យ
-លោកនាយក នាយករងរដ្ឋបាលខណ្ឌមានជ័យ
-លោក លោកស្រី ប្រធាន អនុប្រធានការិយាល័យ មន្ត្រីរាជការ នៃរដ្ឋបាលខណ្ឌមានជ័យ
– លោកចៅសង្កាត់ស្ទឹងមានជ័យទី ១
-លោកចៅសង្កាត់បឹងទំពន់ទី ២
-លោកប្រធានភូមិទ្រា៣ លោកប្រធានភូមិត្នោតជ្រុំ និងបងប្អូនប្រជាពលរដ្ឋ ដែលជាម្ចាស់ប័ណ្ណកម្មសិទ្ធិជាច្រើនផងដែរ។
ក្នុងពិធីនេះដែរ លោក សេង គន្ធ បានមានប្រសាសន៍ សំណេះសំណាល ជាមួយបងប្អូនប្រជាពលរដ្ឋ ដោយពាំនាំយកប្រសាសន៍សួរសុខទុករបស់ថ្នាក់ដឹកនាំ រាជរដ្ឋាភិបាល ក៏ដូចជា ឯកឧត្ដមអភិបាលរាជធានីភ្នំពេញ ជម្រាជូនក្នុងអង្គពិធីផងដែរ។
នាឱកាសនេះ លោក សេង គន្ធ បានមានប្រសាសន៍លើឡើងក្នុងអង្គពិធីដូចនេះ៖ ដោយមានការសហ ការយ៉ាងល្អពីអាជ្ញាធរដែនដី និងមានការចូលរួមពីប្រជាពលរដ្ឋម្ចាស់ដី បានបង្កលក្ខណៈងាយស្រួលដល់ក្រុមការងារ បានចុះធ្វើការវាស់វែង និងប្រមូលទិន្ន័យក្បាលដី ដែលធ្វើឲ្យដំណើរការក្នុងការអនុវត្តនីតិវិធីនៃការចុះបញ្ជីដីធ្លីមាន លក្ខណៈជាប្រព័ន្ធ ទទួលបានជោគជ័យជាលទ្ធផលសរុបប្រមូលបានចំនួន ៣២៤ ក្បាលដី ក្នុងនោះបានស្នើសុំចេញ វិញ្ញាបនបត្រសម្គាល់ម្ចាស់អចលនវត្ថុ មានចំនួន ២៦៩ ក្បាលដី និងមិនផ្តល់វិញ្ញាបនបត្រសម្គាល់ម្ចាស់អចលនវត្ថុ មានចំនួន ៥៥ ក្បាលដី តាមប្រភេទដូចខាងក្រោម÷
១- ភូមិទ្រា៣ សង្កាត់ស្ទឹងមានជ័យទី ១
– វាស់វែងសរុបមានចំនួន ២៥៩ ក្បាលដី
– ស្នើផ្តល់វិញ្ញាបនបត្រសម្គាល់ម្ចាស់អចលនវត្ថុមានចំនួន ២២០ ក្បាលដី
– ម្ចាស់ដីមិនបានចូលរួមផ្តល់ព័ត៌មានមានចំនួន ៣៩ ក្បាលដី
២- ភូមិត្នោតជ្រុំ សង្កាត់បឹងទំពន់ទី ២
– វាស់វែងសរុបមានចំនួន ៦៥ ក្បាលដីស្មីផ្តល់វិញ្ញាបនបត្រសម្គាល់ម្ចាស់អចលនវត្ថុមានចំនួន ៤៩ ក្បាលដី
– ម្ចាស់ដីមិនបានចូលរួមផ្តល់ព័ត៌មាន មានចំនួន ១៦ ក្បាលដី
លទ្ធផលដែលបានជម្រាបជូនអង្គពិធីដូចមានក្នុងអត្ថន័យ និងខ្លឹមសារខាងលើ គឺជាការខិតខំប្រឹងប្រែងរបស់ ក្រុមការងារការិយាល័យរៀបចំដែនដី នគរូបនីយកម្ម សំណង់ និងភូមិបាលខណ្ឌមានជ័យ ក្រុមការងារចុះបញ្ជីដីធ្លីមាន លក្ខណៈជាប្រព័ន្ធទី៨ និងមានការសហការល្អពីអាជ្ញាធរមូលដ្ឋាន ដែលបានបង្កលក្ខណៈងាយស្រួលដល់ក្រុមការងារ រាល់ការបំពេញភារកិច្ចក្នុងស្មារតីយកចិត្តទុកដាក់ខ្ពស់ និងមានការចូលរួមពីម្ចាស់ដីទាំងអស់ ដែលជំរុញឲ្យក្រុមការងារ ទទួលបានលទ្ធផលជាវិជ្ជមាន។
ជាទីបញ្ចប់ លោក សេង គន្ធ អភិបាលនៃគណៈអភិបាលខណ្ឌមានជ័យ ជូនពរដល់ ភ្ញៀវកិត្តិយស អស់លោក លោកស្រី និង បងប្អូនប្រជា ពលរដ្ឋទាំងអស់ សូមទទួលបាននូវសុខភាពល្អ សំណាងល្អ និងជោគជ័យគ្រប់ភារកិច្ច៕
ផ្សាយចេញពីអង្គភាព គេហទំព័រ រដ្ឋាអភិវឌ្ឍន៍ញូស៍ www.k-rathaaphiwatnews.com.kh សូមអរគុណ!
