ការចុះពិនិត្យទីតាំង និងស្វែងរកបទល្មើស កាលពីព្រឹកថ្ងៃទី០១ ខែមិថុនាឆ្នាំ២០២៦ បន្ទាប់ពីមានប្រជាពលរដ្ឋរាយការណ៍អំពីសកម្មភាពគួរឲ្យសង្ស័យនៅក្នុងមូលដ្ឋាន។
ប្រតិបត្តិការនេះ លោក ណាំ វុឌ្ឍី មន្ត្រីការិយាល័យនីតិកម្ម និងសម្រុះសម្រួលវិវាទមូលដ្ឋាន
អញ្ជើញ ដឹកនាំ មេបញ្ជាការកងរាជអាវុធហត្ថស្រុកជាំក្សាន្ត មានរដ្ឋបាលឃុំរំដោះស្រែ ព្រមទាំងលោករដ្ឋបាលប៉ុស្តិ៍រំដោះស្រែ និងលោកមេភូមិដំណាក់កណ្តោល។
ដើម្បីពិនិត្យទីតាំងកម្មករស្នាក់នៅធ្វើការក្នុងក្រុមហ៊ុនដោន ភូមិដំណាក់កណ្តាល ឃុំរំដោះស្រែ។
គោលបំណង: បោសសម្អាត Scam online ឱ្យអស់ពីមូលដ្ឋាន ស្រុកជាំក្សាន្ត ដើម្បីលើកមុខមាត់កិត្តិយសកម្ពុជាលើឆាកអន្តរជាតិ។
សមាសភាពចូលរួមសរុប ១៣រូប ស្រី ១រូប។
ធ្វើឡើងបន្ទាប់ពីទទួលបានបទបញ្ជាផ្ទាល់ពី ឯកឧត្តម គីម រិទ្ធី អភិបាលនៃគណៈអភិបាលខេត្តព្រះវិហារ ដើម្បីពង្រឹងការត្រួតពិនិត្យ និងបង្ក្រាបបទល្មើស Scam Online នៅតាមតំបន់ និងទីតាំងសង្ស័យនានា ក្នុងភូមិសាស្ត្រខេត្តព្រះវិហារ។
បើតាមរដ្ឋបាលស្រុកជាំក្សាន្ត កម្លាំងចម្រុះបានចុះពិនិត្យយ៉ាងម៉ត់ចត់នៅតំបន់ក្រុមហ៊ុនដោនបន្ទាប់ពីមានព័ត៌មានថា អាចមាននិងប្រព្រឹត្តសកម្មភាពពាក់ព័ន្ធ Scam Online នៅក្នុងតំបន់នោះ៕
