ភ្នំពេញ៖ដោយទទួលបានការជូនដំណឹងពីប្រជាពលរដ្ឋ បានប្រាប់ដល់អង្គភាពសារព័ត៌មាន យើងខ្ញុំឱ្យបានដឹងថា នៅក្នុងតំបន់របស់ពួកគាត់រស់នៅ មានទីតាំងរោងចក្រផលិតជីមួយកន្លែង បាននឹងកំពុងបង្កបញ្ហា សាយភាយក្លិនស្អុយ ដុតបង្ហុយផ្សែង នឹង ហ៊ាហូរទឹកកខ្វក់ ចូលតាមប្រព័ន្ធប្រឡាយទឹក នឹងដីវាលស្រែ បងប្អូនប្រជាពលរដ្ឋ ដែលបណ្តាលឱ្យប៉ះពាល់ ដល់ការរស់នៅ ធ្វើស្រែចំការ ពិសេសគឺបរិស្ថាន នឹង សុខភាពរបស់ពួកគាត់នៅក្នុងតំបន់ក្បែរទីតាំងនោះយ៉ាងធ្ងន់ធ្ងរ ។
ពេលបានទទួលដំណឹងនេះហើយ នៅថ្ងៃទី១៩ ខែឧសភា ឆ្នាំ២០២៦ក្រុមការងារអង្គភាពសារព័ត៌មានយើងខ្ញុំ បានចុះទៅដល់ទីតាំងដែលពករដ្ឋជូនដំណឹង ក៏បាន ឃើញថា ពិតជាដូចអ្វីដែលប្រជាពលរដ្ឋបានរាយការណ៍ពិតប្រាកដមែន នឹងបានថតផ្ដិតយករូបភាព ទិដ្ឋភាពជាក់ស្តែង និងធ្វើសេចក្ដីរាយការណ៍ជូនលោក ឃឹម ស៊ុនសូដា អភិបាល នៃគណៈអភិបាលខណ្ឌកំបូល ដើម្បីជ្រាប នឹងមានវិធានការ ចំពោះម្ចាស់ទីតាំងដែលបានបង្កអោយមានផ្សែង ទឹកកខ្វក់ និង ក្លិនស្អុយសាយភាយ ធ្វើឱ្យប៉ះពាល់ដល់ បរិស្ថាន និង រំខានដល់ប្រជាពលរដ្ឋ ។លោកអភិបាលខណ្ឌកំបូល ក៏បានឆ្លើយតបជាមួយអ្នកសារព័ត៌មានយើងវិញថា «ករណីនេះលោកបានរាយការណ៍ការទៅមន្ទីរបរិស្ថានរាជធានី គេចុះមកម្ដងរួចហើយ» ។
ដើម្បីទទួលបានព័ត៌មានបន្ថែមទៀតនោះ ក្រុមអ្នកសារព័ត៌មាន បានសុំកិច្ចសម្ភាសន៍ ជាមួយប្រជាពរដ្ឋរស់នៅតំបន់នោះ ពួកគាត់បានរៀបរាប់ឱ្យដឹងថា«ការដែលសាយភាយក្លិនស្អុយនេះ គឺកើតឡើងច្រើនឆ្នាំមកហើយ។»ពលរដ្ឋបន្តថា «កន្លងមកពួកគាត់បានឃើញមានមនុស្សមួយក្រុមបានចុះមកទីតាំង ហើយបានឃើញមានការដងទឺក នៅកន្លែងក្បែនោះ តែមិនដងទឹកដែលកំពុងហូរចេញមានពណ៌ខ្នៅនោះឡើយ ពួកគាត់ក៏មិនបានដឹងថាគេដងទឹកនោះទៅធ្វើអ្វីដែរ ព្រោះគាត់ជាប្រជាពលរដ្ឋមិនសូវដឹងមិនសូវយល់។ប៉ុន្តែតាំងពីពេលនោះមក អ្វីដែលពួកគាត់ជូបប្រទះកន្លងមក គឺនៅដដែល?»។
ចំពោះករណីខាងលើ ក្រុមអ្នកសារព័ត៌មាន បានទំនាក់ទំនងទៅលោក គេត រង្សី ប្រធានមន្ទីរបរិស្ថានរាជធានីភ្នំពេញ លោកបានឆ្លើយតបថា«អរគុណៗចាំមើលខ្ញុំអោយក្រុមការងារខ្ញុំចុះទៅពិនិត្យ»លោកបន្តទៀតថា«អរគុណបង ករណីបើសិនយើងធ្លាប់ចុះរួចហើយ យើងណែនាំអោយបញ្ចប់បញ្ហាហើយគាត់មិនទាន់បញ្ចប់ យើងចុះលើកនេះ យើងនឹងជម្រុញការវិធានការច្បាប់ហើយបង»។ចំពោះម្ចាស់ទីតាំងផលិតជីកសិកម្មខាងលើក្រុមការងារសារព័ត៌មានមិនអាចសុំការបំភ្លឺបានទេ ដោយសារមិនមានលេខទូរសព្ទដើម្បីទំនាក់ទំនង។
ករណីទីតាំងផល្លិតជីកសិកម្មជះសាយភាយក្លិនស្អុខាងលើ ប្រជាពលរដ្ឋស្នើសុំដល់ ឯកឧត្ដម ឃួង ស្រេង អភិបាលនៃគណៈអភិបាលរាជធានីភ្នំពេញ ជាពិសេសគោរពរស្នើសុំដល់ ឯកឧត្ដម បណ្ឌិត អ៊ាង សុផល្លែត រដ្ឋមន្រ្តី ក្រសួងបរិស្ថាន មេត្តាចាត់កម្លាំងជម្នាញចុះពិនិត្យទៅលើទីតាំងផល្លិតជីកសិកម្មខាងលើនេះផងទាន ដើម្បីសុខទុក្ខប្រជាពលរដ្ឋ នឹងបរិស្ថានល្អ ទីក្រុងស្អាត។
ពាក់ព័ន្ធនឹងការចុះផ្សាយខាងលើ អង្គភាពយើងខ្ញុំ ធ្វើការផ្សព្វផ្សាយទៅតាមវិជ្ជាជីវៈអ្នកសារព័ត៌មាន គឺរិះគន់ក្នុងន័យស្ថាបនា មិនមានចេតនាញុះញង់បំបែកបំបាក់មួលបង្កាច់ បង្ខូចបុគ្គល ស្ថាប័ន ឬអង្គភាពណាមួយឡើយ យើងខ្ញុំរងចាំទទួលការបកស្រាយបំភ្លឺ ពីភាគីម្ចាស់ទីតាំង ស្ថាប័នពាក់ព័ន្ធ រៀងរាល់ម៉ោងធ្វើការ តាមច្បាប់ស្ដីពីរបបអ្នកសារព័ត៌មាននៅកម្ពុជា៕សូមអគុណ!
