ភ្នំពេញ៖នាព្រឹកថ្ងៃព្រហស្បតិ៍ ១៣រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៤ ខែឧសភា ឆ្នាំ២០២៦ លោក សេង គន្ធ អភិបាលនៃគណៈអភិបាលខណ្ឌមានជ័យ តំណាងដ៏ខ្ពង់ខ្ពស់ ឯកឧត្ដម ឃួង ស្រេង អភិបាលនៃគណៈអភិបាលរាជធានីភ្នំពេញ បានចុះសំណេះសំណាលសួរសុខទុក និងនាំយកអំណោយចែកជូមបងប្អូនប្រជាពលរដ្ឋ០៥គ្រួសារ ស្ថិតនៅភូមិឫស្សី០២ សង្កាត់ស្ទឹងមានជ័យ០២ ខណ្ឌមានជ័យ។អំណោយដែលបាននាំយកទៅចែកជូននេះ គឺជាការចូលរួមចំណែកសម្រាលការលំបាកក្នុងជីវភាពរស់នៅប្រចាំថ្ងៃរបស់បងប្អូនប្រជាពលរដ្ឋ និងបង្ហាញពីការយកចិត្តទុកដាក់របស់អាជ្ញាធរខណ្ឌចំពោះប្រជាពលរដ្ឋគ្រប់រូប។
ក្នុងកិច្ចសំណេះសំណាលនេះដែរ លោក សេង គន្ធ បាននាំយកប្រសាសន៍សួរសុខទុក របស់ថ្នាក់ដឹកនាំ ក៏ដួចជា ឯកឧត្ដម អភិបាល ជម្រាបជូនបងប្អូនប្រជាពលរដ្ឋផងដែរ។ពិធីចុះសំណេះសំណាលនេះមានការចូលរួមពីលោក ថាន់ ណារិន
ប្រធានក្រុមការងារចលនាកសាងសមាជិកគណបក្សប្រជាជនកម្ពុជាខណ្ឌមានជ័យ លោកស្រី រឿន សុខឿន. លោកស្រី ច័ន្ទ សុភាព. លោក ជា យ៉ាម៉ន
សមាជិកក្រុមការងារចលនាកសាងសមាជិកបក្សខណ្ឌមានជ័យ ព្រមទាំងក្រុមការងារខណ្ឌ។
ជាចុងក្រោយ នៃកម្មពិធី តំណាងប្រជាពលរដ្ឋ០៥គ្រួសារ បានថ្លែងអំណអរគុណដល់ ឯកឧត្ដម ឃួង ស្រេង អភិបាលរាជធានីភ្នំពេញ បានឧបត្ថម្ភ គ្រឿង ឧបភោគបរិភោគ នឹងថវិការមួយចំនួនតាមរយៈ លោក សេង គន្ធ អភិបាលខណ្ឌមានជ័យ និងសូមគោរពជូនពរ ឯកឧត្ដម នឹងលោកអភិបាលខណ្ឌ ព្រមទាំងក្រុមការងារទាំងអស់ទទួលបាននូវសេចក្ដីសេចក្ដីសុខ សេចក្ដីចំរើន គ្រប់ពេលវេលា សម្រេចការងារជោគជ័យ គ្រប់ភារកិច្ច ជាពិសេសសមប្រកបទៅដោយពុទ្ធិពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
សួមរំលឹកផងដែរថា លោក សេង គន្ធ អភិបាលខណ្ឌមានជ័យ តែងតែយកចិត្តទុកដាក់ទៅលើបងប្អូនប្រជាពលរដ្ឋ និងចុះជួយដោះស្រាយរាល់ទុក្ខលំបាកបងប្អួនក្នុងមូលដ្ឋានរបស់លោកជានិច្ច៕
