ខេត្តកំពង់ស្ពឺ៖ដោយមានសេចក្តីរាយការណ៍ មកកាន់អង្គភាពសារព័ត៌មានយើងខ្ញុំអោយបានដឹងថា៖មានកសិដ្ឋានចិញ្ចឹមជ្រូក មួយកន្លែងនៅក្នុងឃុំខាងលើ សាយភាយក្លិនស្អុយ ធ្វើអោយប៉ះពាល់ដល់ការរស់នៅរបស់ពួកគាត់ ជាពិសេសសុខភាពផ្លូវដង្ហើម គ្រប់វយ័តែម្តង។ ពេលបានទទួលដំណឹងនេះហើយ នៅព្រឹកថ្ងៃទី០៩ខែឧសភា ឆ្នាំ២០២៦ ក្រុមការងារអង្គភាពយើងខ្ញុំ បានចុះទៅដល់ទីតាំង ក៏បានធុមក្លិនស្អុយដូចអ្វីដែល បងប្អូនប្រជាពលរដ្ឋរាយការណ៍មកមែន មិនតែប៉ុណ្ណុះក្រុមការងារសង្កេតឃើញថា កសិដ្ឋានចិញ្ចឹមជ្រូកមួយកន្លែងនេះ បានបង្ហូរទឹកដែលមានក្លិនស្អុយចេញមកក្រៅ ហូរពាសវាលពាសកាល ធ្វើអោយក្លិនស្អុយសាយភាយ បណ្ដាលអោយប៉ះពាល់សុខភាពមនុស្ស សត្វ។
បើតាមការរៀបរាប់ របស់បងប្អូនប្រជាពលរដ្ឋ ដែលរស់នៅជុំវិញកសិដ្ឋាននេះ បានអោយក្រុមអ្នកសារព័ត៌មានដឹងបន្ថែមទៀតថា ជារៀងរាល់ថ្ងៃពួកគាត់ហាក់បីដូចរស់នៅក្នុងពិភពមួយដែលគ្មានខ្យល់បរិសុទ្ធសម្រាបដកដង្ហើម ពលរដ្ឋខ្លះលើកឡើងថា ពួកគាត់ហូរបាយម្តងៗគឺហូបលាយឡំក្លិនស្អុយ ជូនកាលសឹងតែសន្លប់ដោយសារតែក្លិនស្អុយនេះ។
ប្រជាពលរដ្ឋបន្តថា កន្លងមកពួកគាត់បានរាយការណ៍ជូនលោកមេឃុំ ហើយលោកមេឃុំបានចុះទៅណែនាំជាច្រើនដងដែរ តែកសិដ្ឋាននេះ នៅតែជះក្លិនស្អុយមកលើពួកគាត់ដដែល។
ករណីខាងលើ អ្នកសារព័ត៌មានយើងខ្ញុំបាន សុំកិច្ចសម្ភាសន៍ លោក មេឃុំព្រះនិព្វានតាមរយៈលេខទូរសព្ទ័011495222 លោកបានប្រាប់មកអ្នកសារព័ត៌មានយើងអោយបានដឹងថា(ករណីខាងលើនេះ លោកបានដឹងហើយៗលោកក៏បានរាយការណ៍ជូនទៅស្រុក នឹងមន្ទីរបរិស្ថានខេត្តរួចហើយដែរ។ ហើយខាងមន្ត្រី ស្រុក បន្ទីរបរិស្ថានខេត្តក៏បានចុះមកណែនាំ ដល់ម្ចាស់កសិដ្ឋាន តែម្ចាស់កសិដ្ឋានបាន និយាយថាគាត់ឈប់ចិញ្ចឹមនៅទីនេះហើយ ទៅចិញ្ចឹមនៅកន្លែងផ្សេងវិញ តែរហូតមកទុលពេលនេះ កសិដ្ឋាននៅតែចិញ្ចឹម នឹងការសាយភាយនៅតែកើតមានដដែល។)
ដើម្បីចង់ទទួលបានព័ត៌មានបន្ថែមនោះក្រុមអ្នកសារព័ត៌មានបានរាយការណ៍ជូនលោក ហន ពិសិដ្ឋ អភិបាលស្រុកគងពិសី តាមរយៈវតអាប់លេខ016988699 លោកបានចូលមើល និងដាក់រូបស្ទីកគ័រសំពះចំនួនពីរ បន្ទាប់មក លោកបានសរសេរជាអក្សថា(បើយកល្អ អោយផ្តិតមេដៃ ដាក់ពាក្យបណ្ដឹងតិចមកល្អ) ចំណែកលោក ចន្ទថេត ថានរៈ ប្រធានមន្ទីបរិស្ថានខេត្តកំពង់ស្ពឺ ក្រុមការងារបានរាយការណ៍ តាមរយៈតេឡេក្រាមលេខ011888088 លោកបានចូលមើល តែមិនមានការឆ្លើយតបឡើយ។ចំពោះម្ចាស់កសិដ្ឋាន ក្រុមអ្នកសារព័ត៌មាន មិនអាចសុំកិច្ចសម្ភាសន៍ បានទេ ដោយសារមិនមានលេខទូរសព្ទ័។
ករណីកសិដ្ឋានចិញ្ចឹមជ្រូក ជះភាយក្លិនស្អុខាងលើ ប្រជាពលរដ្ឋស្នើសុំដល់ ឯកឧត្ដម ជាម ចន្ទ័សោភណ្ឌ័ អភិបាលនៃគណៈអភិបានខេត្តកំពង់ស្ពឺ ជាពិសេសគោរពរស្នើសុំដល់ ឯកឧត្ដម បណ្ឌិត អ៊ាង សុផល្លែត រដ្ឋមន្រ្តី ក្រសួងបរិស្ថាន មេត្តាចាត់កម្លាំងជម្នាញចុះពិនិត្យទៅលើទីតាំង កសិដ្ឋានចិញ្ចឹមជ្រូកខាងលើនេះផងទាន ជៀសវាងប្រជាពលរដ្ឋមានជំងឺ ឬខ្យល់គរស្លាប់ដោយសារតែក្លិនស្អុយនេះ។
ពាក់ព័ន្ធនឹងការចុះផ្សាយខាងលើ អង្គភាពយើងខ្ញុំ ធ្វើការផ្សព្វផ្សាយទៅតាមវិជ្ជាជីវៈអ្នកសារព័ត៌មាន គឺរិះគន់ក្នុងន័យស្ថាបនា មិនមានចេតនាញុះញង់បំបែកបំបាក់មួលបង្កាច់ បង្ខូចបុគ្គល ស្ថាប័ន ឬអង្គភាពណាមួយឡើយ យើងខ្ញុំរងចាំទទួលការបកស្រាយបំភ្លឺ ពីភាគីម្ចាស់ទីតាំង ស្ថាប័នពាក់ព័ន្ធ រៀងរាល់ម៉ោងធ្វើការ តាមច្បាប់ស្ដីពីរបបអ្នកសារព័ត៌មាននៅកម្ពុជា៕សូមអគុណ!
