ភ្នំពេញ៖នាថ្ងៃអាទិត្យ ២រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែឧសភា ឆ្នាំ២០២៦ លោក សេង គន្ធ អភិបាលនៃគណៈអភិបាលខណ្ឌមានជ័យ នៅតែបន្តដឹកនាំក្រុមការងារ ចុះបំពេញភារកិច្ចជាបន្តបន្ទាប់ នេះ បង្ហាញពីការយកចិត្តទុកដាក់យ៉ាងខ្លាំងរបស់លោកអភិបាលខណ្ឌ ចំពោះសុខសុវត្ថិភាព និងសុខមាលភាពរបស់ប្រជាពលរដ្ឋនៅក្នុងមូលដ្ឋាន។
ការងារដែលត្រូវបានអនុវត្តជាប្រចាំនេះ ក៏ជាការបញ្ជាក់ពីការខិតខំប្រឹងប្រែងរបស់អាជ្ញាធរខណ្ឌ ក្នុងការធានាឲ្យមូលដ្ឋានមានសុខសន្តិភាព សណ្ដាប់ធ្នាប់ល្អ និងបង្កើនភាពជឿជាក់របស់ប្រជាពលរដ្ឋចំពោះការគ្រប់គ្រងរដ្ឋបាលមូលដ្ឋាន។
ក្នុងឱកាសជាមួយគ្នានេះដែរ លោកអភិបាលខណ្ឌមានជ័យ ដើម្បីបន្តផ្សព្វផ្សាយអនុក្រឹត្យលេខ ០៣ អនក្រ.បក ព្រមទាំងពិនិត្យ និងពង្រឹងការគ្រប់គ្រងជនបរទេសនៅក្នុងមូលដ្ឋាន។
ក្នុងសកម្មភាពនេះ លោកអភិបាលខណ្ឌមានជ័យ លោក សេង គន្ធ ក៏បានដឹកនាំក្រុមការងារ កងកម្លាំង និងមន្ត្រីក្នុងការចុះអនុវត្តយ៉ាងសកម្មជារៀងរាល់ថ្ងៃនៅក្នុងមូលដ្ឋានខណ្ឌមានជ័យ រហូតដល់បញ្ចប់ភារកិច្ចការងារដោយជោគជ័យ៕
