លោក បណ្ធិត ហោ គន្ធា ប្រធាន សមាគមអភិវឌ្ឍនវិជ្ជាជីវៈ​អ្នកសារព័ត៌មាន​កម្ពុជា ចាត់តំណាង ដឹកនាំ លោក លោកស្រី ចាងហ្វាង និពន្ធនាយក និពន្ធនាយក​រង អ្នកសារព័ត៌មាន ចូលរួម សន្និសីទថ្នាក់ជាតិក្នុង ឱកាសទិវាសេរីភាពសារព័ត៌មានពិភពលោក ឆ្នាំ២០២៦..!​

ភ្នំពេញ​៖ពិធីសន្និសីទថ្នាក់ជាតិក្នុង ឱកាសទិវាសេរីភាពសារព័ត៌មានពិភពលោក ឆ្នាំ២០២៦ ស្ថាបន័ សារព័ត៌មាន និងអង្គការសង្គមស៊ីវិលចំនួន១៣ បានរៀបចំប្រារព្ធទិវាសេរីភាពសារព័ត៌មានពិភពលោក២០២៦ ក្រោម ប្រធានបទ៖ « ការលើកកម្ពស់ប្រព័ន្ធផ្សព្វផ្សាយសេរី និងមានទំនួលខុសត្រូវសម្រាប់សន្តិភាព និងការអភិវឌ្ឍ» ដោយ មានកិច្ចពិភាក្សាសំខាន់ចំនួនបីផ្តោតលើសារសំខាន់នៃក្របខ័ណ្ឌច្បាប់ពាក់ព័ន្ធ ប្រព័ន្ធផ្សព្វផ្សាយ ការរាយការណ៍ក្នុង អំឡុងពេលមានវិបត្តិ និងការវិវឌ្ឍនៃបញ្ញាសិប្បនិម្មិត (AI) នៅក្នុងវិស័យសារព័ត៌មាន ។

ស្ថាប័នសារព័ត៌មាន និងអង្គការសង្គមស៊ីវិល ដែលរៀបចំសន្និសីទថ្នាក់ជាតិនេះ សមាគមសម្ព័ន្ធ អ្នកសារព័ត៌មានកម្ពុជា (ខេមបូចា) ដោយមានការអញ្ជើញចូលរួមពី ឯកឧត្តម ទេព អស្នារិទ្ធ អនុរដ្ឋលេខាធិការ និង អ្នកនាំពាក្យក្រសួងព័ត៌មាន តំណាងដ៏ខ្ពង់ខ្ពស់​ឯកឧត្តម​ នេត្រ ភក្ត្រា រដ្ឋមន្ត្រី ក្រសួងព័ត៌មាន បើកសន្និសីទថ្នាក់ជាតិក្នុងឱកាសទិវាសេរីភាពសារព័ត៌មានពិភពលោក ឆ្នាំ២០២៦ ក្រោមប្រធានបទ៖ “ការលើកកម្ពស់ ប្រព័ន្ធផ្សព្វផ្សាយសេរី និងមានទំនួលខុសត្រូវសម្រាប់សន្តិភាព និងការអភិវឌ្ឍ” ។

កម្មវិធីនេះនឹងប្រព្រឹត្តទៅនៅសណ្ឋាគារ ហ៊ីម៉ាវារី នៅថ្ងៃទី៣០ ខែមេសា ឆ្នាំ២០២៦ ចាប់ពីម៉ោង ៨:៣០ព្រឹក ដល់ម៉ោង ០៥:១៥ល្ងាច ដោយមានការចូលរួម ពីសំណាក់អ្នកសារព័ត៌មាន អ្នកធ្វើគោលនយោបាយ អ្នកជំនាញ ឌីជីថល និងបញ្ញាសិប្បនិម្មិត (AI) ដៃគូអភិវឌ្ឍន៍ យុវជន និស្សិតមកពីបណ្តាសាកលវិទ្យាល័យ អង្គការសង្គមស៊ីវិល នានា និងឯកអគ្គរាជទូត រដ្ឋទូត ឬតំណាងមកពីស្ថានទូតនានាក្នុងព្រះរាជាណាចក្រកម្ពុជា ប្រមាណ១៥០នាក់។

សន្និសីទថ្នាក់ជាតិក្នុង ឱកាសទិវាសេរីភាពសារព័ត៌មានពិភពលោកនេះ តែងតែប្រារពធ្វើឡើងរៀងរាល់១ឆ្នាំម្តង៕ ‎