បាត់ដំបង៖ លោក សុខ លូ អភិបាលខេត្តបាត់ដំបង នៅព្រឹថ្ងៃទី១៦ខែមេសា ឆ្នាំ២០២៦ បានអញ្ជើញទទួលជួបសាកសួរសុខទុក្ខជាមួយអ្នកស្រី គាត គីម លន ដែលត្រូវជាភរិយារបស់ កវី គង្គ ប៊ុនឈឿននិងថតរូបនៅទីតាំងផ្ទាល់ ។
ខណៈដែលក្រុងបាត់ដំបងបាននិងកំពុងបន្តកសាង កែលម្អទីក្រុងស្អាត គ្រប់ទីកន្លែង និងកន្លែងផ្សេងៗជាច្រើននៅតាមដងស្ទឹងសង្កែ ពិសេសសួនសិល្ប:នៅមាត់ស្ទឹងសង្កែ ដោយបានរូបសំណាកកវីនិពន្ធជំនាន់ដើម តារាចម្រៀងជើងចាស់ដែលមានដើមកំណើតជាអ្នកខេត្តបាត់ដំបង។
ក្នុងនាមរដ្ឋបាលខេត្តបាត់ដំបងដែលមានរូបលោកជាអភិបាលខេត្ត និងជាអ្នកផ្តួចផ្តើមគំនិតផ្ទាល់បង្កើតក្រុមការងារដែលបានផ្តល់ការយកចិត្តទុកដាក់ចំពោះកវីនិពន្ធ តារាចម្រៀង ជំនាន់ដើម ទុកជូនកូនចៅ ប្រជាពលរដ្ឋខេត្តបាត់ដំបង និងភ្ញៀវទេសចរណ៍ជិតឆ្ងាយ ជាតិ និងអន្តរជាតិ បានឃើញ បានស្គាល់ ដើម្បីតម្កល់ទុក តាមរយៈការរៀបចំសួនសិល្បៈនេះឡើង ។
ដោយការកសាងរូបសំណាក និងរៀបចំមិនទាន់ហើយ រដ្ឋបាលខេត្តបានសម្រេចចិត្តសម្ពោធដាក់ឲ្យប្រប្រាស់បណ្តោះសិនក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ គឺមានរូប កវី គង្គ ប៊ុនឈឿន និង អធិរាជសម្លេងមាស ស៊ិន ស៊ីសាមុត លុះក្រោយចូលឆ្នាំថ្មីប្រពៃណីជាតិខ្មែរឆ្នាំ២០២៦ហើយ និងបន្តតាំងរូបសំណាក តារាចម្រៀង ប្រុស ស្រី បន្ថែមមួយចំនួនទៀតនៅតាមទីកន្លែងដែលបានកំណត់រួចហើយ។
លោកស្រីជាភរិយាកវី គង្គ ប៊ុនឈឿន បានថ្លែងអំណរគុណដល់លោកអភិបាលខេត្តបាត់ដំបង និងក្រុមការងារដែលបានផ្តល់ការយកចិត្តទុកដាក់ចំពោះកវីនិពន្ធជំនាន់ដើម តាមរយៈការរៀបចំសួនសិល្បៈ និងសាងសង់រូបសំណាកកវី គង្គ ប៊ុនឈឿន ដែលជាស្វាមីរបស់អ្នកស្រី និងកវីនិពន្ធ តារាចម្រៀងដទៃទៀត ដែលមានដើមកំណើតចេញពីខេត្តបាត់ដំបង។
សូមជម្រាបថា សួនសិល្បៈនេះបានសាសង់បានប្រមាណ៨០%ហើយ។ ក្រុមការងារយើងនឹងធ្វើការកែលំអ និងសាងសង់បន្ថែមទៀត ហើយនៅពេលសម្ពោធដាក់ឱ្យប្រើប្រាស់ជាផ្លូវការនឹងអញ្ជើញសាច់ញាតិ ក្រុមគ្រួសារនៃកវីនិពន្ធ តារាចម្រៀង មកចូលរួមនៅពេលក្រោយផងដែរ៕
