ទីតាំងល្បែងស៊ីសងអាប៉ោង ១កន្លែង ស្ថិតនៅភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ ដែលពលរដ្ឋនិយមហៅថានៅម្ដុំបាយក្ដាំង កំពុងបើកទទួលស្វាគមន៍ក្រុមអ្នកញៀនល្បែងស្ទើរគ្រប់កន្លែងមកលេងនៅទីនេះដោយមិនខ្លាចញញើតនិងច្បាប់សោះឡើយ។
កាលពីថ្ងៃទី០២ ខែ៣ ឆ្នាំ២០២៦ អង្អភាពព័ត៌មាន វីភិអិន ធីវី អនឡាញ (VPN TV ONLINE) យើង បានទទួលការរាយការណ៍ពីប្រជាពលរដ្ឋឲ្យដឹងថា មានទីតាំងល្បែងអាប៉ោងដុះស្លែបើកលេងយ៉ាងអាណាធិបតេយ្យរួចមក អង្គភាពព័ត៌មានយើងក៏បានរាយការបន្តជូនទៅលោកនាយប៉ុស្ដិ៍នគបាលច្បារអំពៅទី 2 ដើម្បីឲ្យមានវិធានការចុះបង្ក្រាបតាមការជាក់ស្ដែង ហើយលោកនាយបុស្ដិ៍ បានចាត់កម្លាំងមន្ត្រីចុះទៅបង្ក្រាប់ម្ដងរួចទៅហើយ តែមិនបានចាប់អ្នកញៀនល្បែងទាំងនោះបានឡើង។ រហូតមកដល់ពេលនេះ ។
ជាក់ស្ដែងថ្ងៃទី១០ ខែមេសា ឆ្នាំ២០២៦ នេះ ប្រជាពលរដ្ឋបានរាយការមកដល់អង្គភាពសារព័ត៌មានយើងជាថ្មីម្ដងទៀតថាទីតាំងល្បែងស៊ីសងអាប៉ោងមួយនេះ នៅតែបើកដំណើរការបន្តលេងដដែរដោយមិនខ្លាចញញើតនិងសមត្ថកិច្ចសោះ។
ពលរដ្ឋដែលត្រូវជាប្រពន្ធ និងកូន បានបន្តថាពួកគាត់ត្រូវបានប្ដីប្រើអំពើហិង្សាលើក្រុមគ្រួសារព្រោះតែការលេងល្បែងស៊ីសងអាប៉ោងមួយនេះ ដោយលេងចាញ់រួចទៅសុំលុយពួកគាត់ដើម្បីទៅលេងល្បែងបន្ត តែពួកគាត់មិនព្រមអោយទើបប្ដីញៀនល្បែងនេះ បានប្រើអំពើហិង្សាក្នុងគ្រួសារជារឿយៗធ្វើឱ្យពួកគាត់រស់នៅដោយមានការភ័យខ្លាចនិងគ្មានក្ដីសុខសោះឡើយ។ តើនេះជាមូលហេតុអ្វី បានជាល្បែងស៊ីសងអាប៉ោងមួយនេះនៅតែបន្តលេងមិនញញើត និងសមត្ថកិច្ចទាល់តែសោះ ឬមួយក៏ត្រូវដងត្រូវផ្លែជាមួយម្ចាស់ទីតាំងទាំងនោះ ដូចដែរប្រជាពលរដ្ឋតែងតែមានមន្ទិលសង្ស័យថាទីតាំងល្បែងស៊ីសងអាប៉ោង មួយកន្លែងនេះ អាចបើកដំណើរការបានយ៉ាងរលូនទៅបាន ឬក៏ទទួលបាននូវលាបសការៈអ្វីមួយនៅទីនោះទើបបង្ក្រាបមិនបាន << ឬអាចជាអាថ៌កំបាំងអ្វីពិសេសមួយ ???
ដូចច្នេះប្រជាពលរដ្ឋសូមស្នើសុំដល់លោក ម៉ៅ សឿត អធិការដ្ឋាននគរបាលខណ្ឌច្បារអំពៅ ជាពិសេសលោក ម៉ូវ ម៉ានិត អភិបាលនៃគណៈអភិបាលខណ្ឌច្បារអំពៅ ទើបតែមកកាន់តំណែងថ្មីៗនេះ មេត្តាជួយពិនិត្យដើម្បីឈានដល់ការទប់ស្កាត់ និងបង្រាបឱ្យខានតែបានផងទាន។ ដើម្បីរក្សាបាននៅ/ភូមិ/ឃុំ/សង្កាត់ មានសុវត្ថិភាពទាំង ៧ចំណុចរបស់ប្រមុខរាជរដ្ឋាភិបាលដែលបានដាក់ចេញដោយក្រសួងមហាផ្ទៃឲ្យមន្ត្រីថ្នាក់ក្រោមអនុវត្ត។
សូមរំលឹកថា: កាលពីថ្ងៃ ទី១៨ ខែកុម្ភៈ ឆ្នាំ២០២៤ សម្តេចបវរធិបតី ហ៊ុន ម៉ាណែត បានដាក់បទបញ្ជាឲ្យអភិបាលទាំង២៥ ខេត្ត/ក្រុង/រាជធានី, តម្រូវឲ្យបង្រ្កាបទីតាំងបនល្បែងស៊ីសងតាមអនឡាញគ្រប់ប្រភេទ និងកន្លែងចែកចាយ នូវប្រភេទថ្នាំ ដែលមានសារធាតុញៀន ខុសច្បាប់គ្រប់ប្រភេទ នូវទូទាំងប្រទេស ដោយគ្មានការលើកលែងឡើយ។
