កំពង់ចាម៖បងប្អូនប្រជាបលរដ្ឋរស់នៅ០៣ក្បាល់ដី ដែលមានគ្នារស់នៅចំនួន១០គ្រួសារគោរពស្នើសុំដល់អាជ្ញាធរក្នុងមូលដ្ឋាន ក៏ដូជាអាជ្ញាធរពាក់ពន្ធក្នុងខេត្តកំពង់ចាម ជួយចុះអន្តរាគមន៍ ទៅលើករណីដាំបង្គោលថ្មចំនួន០៥ដើមនៅលើផ្លូវសាធារណៈ ដែលពួកគាត់ធ្លាប់ធ្វើដំណើរកន្លងមកនោះផង។បើតាមការរៀបរាប់របស់បងប្អូនប្រជាពលរដ្ឋបានឱ្យអង្គភាពសារព័ត៌មានយើងខ្ញុំដឹងថា៖កន្លងមកករណីដាំបង្គោលលើផ្លូវសាធារណៈមិកអោយពួកគាត់ធ្វើដំណើរនេះ គាត់បានដាក់ពាក្យបណ្ដឹងទៅដល់តុលាការសាលាដំបូងខេត្តកំពង់ចាម ហើយតុលាការ ក៏បានចេញសាលក្រមជាស្ថាពររួចរាល់ហើយដែរ តែអ្វីដែលពួកនៅតែទទូចស្នើសុំដល់អាជ្ញាធរមូលដ្ឋាននោះគឺ អោយដកបង្គោលថ្មចំនួន៥ដើមចេញពីផ្លូវដែលពួកគាត់ធ្វើដំណើរ។
ពួកគាត់បន្តទៀតថា កន្លងទៅគាត់បានទៅជម្រាបលោកមេភូមិដើម្បីសុំការ អន្តរាគមន៍ ក្នុងការដកបង្គោល តែមេភូមិបានអោយពួកគាត់ទៅឃុំ ពួកគាត់ក៏ទៅជូបលោកមេឃុំៗប្រាប់ថាជាប់រវល់ ១ដងរវល់២ដងរវល់ ដោយពួកគាត់រងចាំយូរក៏បានសុំដឹកដីចាក់សម្រួលផ្លូវ តែត្រូវគេយកបង្គោលថ្មមកដាំមិនអោយពួកគាត់ធ្វើផ្លូវ។
សូមរំលឹកថា៖ពេលមុនដាំបង្គោលឈើតែត្រូវមន្ត្រីពាក់ពាន់ ត្រូវដកចេញម្ដងរួចមកហើយ តែនៅពេលមន្ត្រីទៅជូបជំគ្នាសាលាឃុំ គេបានយកបង្គោលថ្មមកដាំវិញ។
អ្វីដែលបងប្អូនប្រជាពលរដ្ឋងឿងឆ្ងល់នោះគឺ អាជ្ញាធរ មានសិទ្ធគ្រប់គ្រាន់ក្នុងការការពារសម្បត្តិរដ្ឋ ចុះមកពីមូលហេតុអ្វីបានជាមិនហ៊ានមានដំណោះស្រាយបែបនេះ? ហើយលោកមេឃុំបាននិយាយថាបើថាចង់អោយគាត់រកដំណោះស្រាយលុះត្រាពួកគាត់ទៅសុំចុងសន្លឹកពីតុលាការមកសិន សួរថាអាជ្ញាធរមូនដ្ឋានមានស្មារតីការពារសម្បត្តិរដ្ឋដែរឬទេ? បានជាទុកអោយបុគ្គលម្នាក់ពី ធ្វើព្យុះធ្វើភ្លៀង បំពាន បោះបង្គោលលើផ្លូវសាធារណៈ មិនអោយពលរដ្ឋធ្វើដំណើរ ដើម្បីយកធ្វើជាកម្មសិទ្ធផ្ទាល់ខ្លួនដូចនេះ?។
បងប្អូនប្រជាពលរដ្ឋ ដោយមើលឃើញថាអាជ្ញាធរក្នុងមូលដ្ឋាន មិនហ៊ានរកដំណោះស្រាយយកផ្លូវសាធារណៈ ទាំងដែលតុលាការបានចេញសាលក្រមសម្រេចជាស្ថាពរ អោយបើកផ្លូវ រួចហើយ ចុះហេតុអ្វីអាជ្ញាធរមូលដ្ឋាន មិនបើកផ្លូវអោយ ពួកគាត់បានធ្វើដំណើរវិញនោះ ពួកគាត់ស្នើសុំដល់ ឯកឧត្ដម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ជាពិសេស គោរពស្នើសុំ សម្ដេចតេជោ ហ៊ុន សែន សម្ដេចបវធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា មេត្តាជួយរកដំណោះស្រាយ យកផ្លូវអោយពួកគាត់បានធ្វើដំណើរវិញផង។
សូមបញ្ជាក់ថា៖អង្គភាពសារព័ត៌មានយើងខ្ញុំដើម្បីផ្សព្វផ្សាយទៅមានភាព សុក្រិត យុត្តិធម៌នោះក្រុមការងាបានទំនាក់ទំនងទៅលោកមេភូមិដើម្បីសុំកាបំភ្លឺតែលោក បានឆ្លើយថា(ជាប់ប្រជុំ)ចំណែកលោកមេឃុំ តេចូលតែមិនមានអ្នកទទួល។
ជុំវិញការផ្សព្វផ្សាយនេះ អង្គភាពយើងខ្ញុំផ្សព្វផ្សាយតាមតែការលើកឡើងរបស់ប្រជាពលរដ្ឋតែប៉ុណ្ណោះ អង្គភាពយើងខ្ញុំ មិនមានចេតនាញុះញង់បំបែកបំបាក់មួលបង្កាច់ បង្ខូចបុគ្គល ស្ថាប័ន ឬអង្គភាពណាមួយឡើយ យើងខ្ញុំរងចាំទទួលការបកស្រាយបំភ្លឺ ពីភាគី ស្ថាប័នពាក់ព័ន្ធ រៀងរាល់ម៉ោងធ្វើការ តាមច្បាប់ស្ដីពីរបបអ្នកសារព័ត៌មាននៅកម្ពុជា៕ សូមអគុណ! 
