ខណ្ឌមានជ័យ៖នារសៀលថ្ងៃសៅរ៍ ១១រោច ខែផល្គុន ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៤ ខែមីនា ឆ្នាំ២០២៦ ព្រះគ្រូ ព្រះសុមេធវង្ស បណ្ឌិត សុខ ប៊ុនធឿន ព្រះគ្រូចៅអធិការ ព្រះសង្ឃ អាចារ្យ គណៈកម្មការ និង ពុទ្ធបរិស័ទចំណុះជើងវត្តនន្ទមុនី ស្ថិតនៅក្នុងភូមិដំណាក់ធំ១ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ បានប្រារពពិធីកាត់ខ្សែបូ បើកមហាសង្ក្រាន្ដបុណ្យចូលឆ្នាំថ្មីប្រពៃណីខ្មែរ ឆ្នាំមមី ក្រោមអធិតីភាព លោក សេង គន្ធ អភិបាលនៃគណៈអភិបាល ខណ្ឌមានជ័យ។
នាឱកាសអញ្ជើញជាអធិបតី លោក សេង គន្ធ បានមានប្រសាសន៍ ផ្ដាំផ្ញើដល់បងប្អូនប្រជាបលរដ្ឋ នឹងក្មួយៗយុវជន យុវនារី ទាំងអស់ នាំគ្នារាំលេង លេងល្បែងប្រជាប្រិយខ្មែរឱ្យបានសប្បាយ ចាប់ពីថ្ងៃបើកមហាសង្ក្រាន្ដនេះតទៅ ហើយកុំបង្ករបញ្ហា ឈ្លោះទាស់ទែញគ្នា នាំឱ្យកើតមាន អសន្តិសុខសង្គម ព្រោះថារាជរដ្ឋាភិបាល លោកខិតខំ ស្វែងរកសន្តិភាព នឹងថែរក្សាសន្តិភាព ដើម្បីឱ្យប្រជាពលរដ្ឋទូរទាំងប្រទេស បានសេចក្តីសុខសាន្ត សប្បាយរីករាយ ទាំងអស់គ្នាក្នុងនាមយើងជាកូនខ្មែរ។
លោកអភិបាលបន្តទៀតថា ប្រហែលជាវត្តនន្ទមុនី ដែលបើកមហាសង្ក្រាន្ដនេះមុនគេ ដូចនេះសូមចូលរួមសប្បាយរីករាយ និងលេងល្បែងប្រជាប្រិយ ចាប់ពីថ្ងៃនេះទៅរហូតដល់ថ្ងៃបុណ្យចូលឆ្នាំថ្មីមកដល់ យើងនាំគ្នា ទៅលេងសង្រ្កាន្ដ នៅវត្តភ្នំវិញវិញម្តង។
សូមបញ្ជាក់ថាក្នុងពិធីមហាសង្ក្រាន្ត នៅក្នុងវត្តនន្ទមុនី មានការរាំលេងបែបប្រពៃណីខ្មែរ និងល្បែងប្រជាប្រិយដូចជា៖ចោលឈូង បោះអង្គុញ លាក់កន្សែង ទាញព្រ័ត្រ លោតបាវ ពង្រត់កូនក្រមុំ ឡើងសសរខ្លាញ់ ញាំបិគួក ស្តេចចង់ ដណ្តើម ស្លឹកឈើ ចាប់កូនខ្លែង។ល។
*សូមបងប្អូនកុំលេងល្បែងណាដែលនាំឱ្យកើតមាន គ្រោះថ្នាក់ជាយថាហេតុ នឹងល្បែងដែលថ្នាក់ដឹកនាំបានហាមឃាត់ជាដាច់ខាត៕
