ភ្នំពេញ៖នាព្រឹកថ្ងៃអាទិត្យ ១៣កើត ខែផល្គុន ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១ ខែមីនា ឆ្នាំ២០២៦ ដោយមានការ ចង្អុលបង្ហាញ ពីឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ លោក សេង គន្ធ អភិបាលនៃគណៈអភិបាលខណ្ឌមានជ័យ និងជាគណៈបញ្ជាការឯកភាពខណ្ឌមានជ័យ បានដឹកនាំក្រុមការងារ នាំយកអំណោយដ៏ខ្ពង់ខ្ពស់ របស់សម្តេចគតិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាក់បាតក្រហមកម្ពុជា ថវិការចំនួន៤,០០០,០០០៛(បួនលានរៀល)ជូនដល់ក្មួយស្រីលក់ពងទាកូន ឈ្មោះ សៀត ធីតា ស្ថិតនៅភូមិខ្វាវលិច សង្កាត់ដង្កោ ខណ្ឌដង្កោ ភ្នំពេញ។
អំណោយដែលបាននាំយកទៅប្រគល់ជូនតាមរយៈលោក អភិបាលខណ្ឌមានជ័យរួមមាន៖អង្ករពីរប៉េស្មើ១០០គីឡូក្រាម មីចំនួនពីរកេស ភេសជៈពីរកេស ទឹកសុទ្ធពីរកេស នឹងថវិការចំចំនួន៤,០០០,០០០៛(បួមនលានរៀល)។
ចុងបញ្ចាប់ក្មួយស្រី សៀត ធីតា ដែលជាអ្នកលក់ពងទាកូន បានគោរពថ្លែងអំណអរគុណទៅដល់ សម្តេចគតិព្រឹទ្ធបណ្ឌិត ប៊ុន រ៉ានី ហ៊ុន សែន និងសម្តេចអគ្គមហាសេនាបតីតេជោ ហ៊ុន សែន ប្រធាព្រឹទ្ធសភានៃកម្ពុជា ព្រមទាំង បុត្រា បុត្រី ចៅប្រុស ចៅស្រី ទទួលបាននូវសេចក្តីសុខគ្រប់ពេលវេលា កម្លាំងមាំមួន និងឈ្នះអស់មាសត្រូវ ជាពិសេសន៍សមប្រកបទៅដោយ ពុទ្ធិពរទាំង ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
សូមរំលឹកថា៖កាលពីថ្ងៃទី ២៦ ខែ កុម្ភៈ ឆ្នាំ ២០២៦ វេលាម៉ោង១៥:៤៧នាទីមានករណីគ្រោះថ្នាក់ចរាចរណ៍ នៅចំណុចមុខធនាគារហត្ថា ផ្លូវមុន្នីរ៉េត ភូមិឫស្សី២ សង្កាត់ស្ទឹងមានជ័យ៣ ខណ្ឌមានជ័យ ភ្នំពេញ រវាងរថយន្តម៉ាក Lexus ពណ៌ស ពាក់ផ្លាកលេខ ភ្នំពេញ 2CG 7680 អ្នកបើកបររថយន្តឈ្មោះ វណ្ណ សុគន្ធា ភេទស្រី អាយុ៤២ឆ្នាំ មុខរបរមេផ្ទះ មានទីលំនៅ ភូមិ វាល ឃុំ វាល ស្រុក កណ្តៀង ខេត្តពោធិ៍សាត់ បានប៉ះជាមួយម៉ូតូរុឺម៉ក់ម៉ាកDream ពណ៌ខ្មៅ បើកបរដោយឈ្មោះ សៀត ធីតា ភេទស្រី អាយុ១៦ឆ្នាំ ស្នាក់នៅភូមិខ្វាវលិច សង្កាត់ដង្កោ ខណ្ឌដង្កោ ភ្នំពេញ។
គូសបញ្ជាក់ដែរថា៖នារសៀលថ្ងៃទី២៨ ខែកុម្ភៈឆ្នាំ២០២៦ វេលាម៉ោង១៥:០០នាទីភាគីទាំងសងខាងបានមកជួបគ្នានៅអធិការដ្ឋាននគរបាលខណ្ឌមានជ័យដោយភាគីខាងម៉ូតូរុឺម៉ក់បានព្រមព្រៀងបញ្ចប់សំណុំរឿងដោយមិនទាមទារសំណងទេហើយពុំប្តឹងតវ៉ាគ្នាតទៅទៀត និងសូមអោយម្ចាស់រថយន្ត នឹងម្ចាស់រ៉ឺម៉ក ធ្វើវីឌីអូសុំទោសគ្នាទៅវិញទៅមកជាសាធារណៈនូវកំហុសខុសឆ្គងដែលបានកើតហេតុកន្លងមក។
ករណីខាងលើបានចប់សព្វគ្រប់នៅម៉ោង១៦:១០នៅថ្ងៃខែឆ្នាំនិងកន្លែងដដែរ៕
