បើតាមសំដីអាជីរករលក់ដូរនៅក្នុងផ្សារទំនើបសូរិយ៉ាម្នាក់មិនបញ្ចេញអត្តសញ្ញាណ បានបង្ហើមអោយអ្នកសារព័ត៌មានយើងខ្ញុំដឹងថា នៅជាន់ទី៥ មានកន្លែងល្បែងសុីសងហ្គេមបាញ់ត្រី និងហ្គេមផ្សេងៗទៀត បានបើកអោយភ្ញៀវចូលលេង មានចាស់ មានក្មេង ប្រុស ស្រី មានអ្នកខ្លះឈ្នះមានអ្នកខ្លះចាញ់។ប្រជាពលរដ្ឋម្នាក់ទៀតលើកឡើងថា ចុះមកពីមូលហេតុអ្វីបានអជ្ញាធរមានសមត្ថកិច្ច ក្នុងមូលដ្ឋាន មិនមានចំណាត់ការក្នុងការទុបស្កាត់ ឬបង្ក្រាបបែបនេះ ឬមួយម្ចាស់បើកល្បែងនេះមានខ្នងបង្អែកធំ បានជាមិនហ៊ានបង្ក្រាប?។
ប្រជាពលរដ្ឋបន្តថា បើមានល្បែងសុីសងបែបនេះច្បាស់ជាកើតមាន បទល្មើសផ្សេងៗមិនខាន យើងដឹងហើយថា ទីណាមានល្បែងសុីសងទីនោះ និងមានអំពើហិង្សាក្នុងគ្រួសារ ចោរលួច ចោរឆក់ ចោរផ្លន់គាស់ផ្ទះ ជាក់ជាមិនខាន។
ពេលនោះដែរប្រជាពលរដ្ឋ ស្នើសុំដល់លោក ជា ខេមា អភិបាលនៃគណៈអភិបាលខណ្ឌដូនពេញ និងលោក វរសេនីយ៍ឯក ទៀង ចន្ទ័សា អធិការខណ្ឌដូនពេញ មេត្តាចុះ អន្តរាគមន៍ ទៅលើទីតាំងល្បែងខាងលើនោះផងទាន ដើម្បីកុំអោយអាជីវករលក់ដូរមានការព្រួយបារម្ភ ក្នុងកាបាត់បង់របស់ពួកគាត់ នឹងដើម្បីចូលរួមទប់ស្កាត់ការលេងល្បែងស៊ីសង ខុសច្បាប់ដែលជាផ្នែកមួយនៃការអនុវត្តគោលនយោបាយ “ភូមិ-ឃុំ-សង្កាត់មានសុវត្ថិភាព” របស់ រាជរដ្ឋាភិបាល ដាក់អោយថ្នាក់ក្រោមជាតិអនុវត។
សូមរំលឹកថា៖កាលពីរសៀលថ្ងៃទី០៦ មករា ២០២៦ កន្លងទៅ ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ និងជាប្រធានគណៈបញ្ជាការឯកភាពរាជធានីភ្នំពេញ បានណែនាំឱ្យកម្លាំងមានសមត្ថកិច្ច កងកម្លាំងនគរបាល កងកម្លាំងរាជអាវុធហត្ថ និងអាជ្ញាធរខណ្ឌទាំង១៤ ប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (ONLINE SCAMS) និងបង្ក្រាប់ល្បែងស៊ីសងគ្រប់ប្រភេទឱ្យអស់ពីក្នុងមូលដ្ឋាន ជាមួយនិងការពង្រឹងសន្តិសុខ សណ្តាប់ធ្នាប់ឱ្យកាន់តែល្អប្រសើរថែមទៀត។
ការណែនាំបែបនេះរបស់ឯកឧត្ដមបានធ្វើឡើង ក្នុងកិច្ចប្រជុំគណៈបញ្ជាការឯកភាពរាជធានីភ្នំពេញ ជាមួយកម្លាំងមានសមត្ថកិច្ចទាំង២ប្រភេទ និងអាជ្ញាធរខណ្ឌទាំង១៤ និងមន្ទីរពាក់ព័ន្ធ នៅសាលារាជធានីភ្នំពេញ។
ពាក់ព័ន្ធនឹងការចុះផ្សាយខាងលើ អង្គភាពយើងខ្ញុំ ធ្វើការផ្សព្វផ្សាយទៅតាមវិជ្ជាជីវៈអ្នកសារព័ត៌មាន គឺរិះគន់ក្នុងន័យស្ថាបនា មិនមានចេតនាញុះញង់បំបែកបំបាក់មួលបង្កាច់ បង្ខូចបុគ្គល ស្ថាប័ន ឬអង្គភាពណាមួយឡើយ យើងខ្ញុំរងចាំទទួលការបកស្រាយបំភ្លឺ ពីភាគីម្ចាស់ទីតាំង ស្ថាប័នពាក់ព័ន្ធ រៀងរាល់ម៉ោងធ្វើការ តាមច្បាប់ស្ដីពីរបបអ្នកសារព័ត៌មាននៅកម្ពុជា៕សូមអគុណ!
