ខេត្តមណ្ឌលគីរី៖ប្រជាពលរដ្ឋចំនួន២ភូមិ ក្នុងស្រុកកោះញែក ខេត្តមណ្ឌលគីរី សុំឱ្យអាជ្ញាធរក្នុងមូលដ្ឋាន ក៏ដូចជាមន្ត្រីអាគ្គីសនី មេត្តាតភ្លើងឱ្យពួកគាត់បានប្រើប្រាស់ដូចភូមិឃុំដទៃផង ព្រោះពួកគាត់ត្រូវការភ្លើង ដើម្បីបំភ្លឺគេហឋាននៅពេលយប់ និងបូមទឹក ផ្សាកែឆ្នៃឧបករណ៍ សម្រាប់បង្កបង្កើនផលចិញ្ចឹមជីវិតរបស់ពួកគាត់ ប្រជាពលរដ្ឋទាំង២ភូមិរួមមាន៖
១.ប្រជាពលរដ្ឋរស់នៅភូមិមេមុំ ឃុំរយ៉ ស្រុកកោះញ៉េក ខេត្តមណ្ឌលគិរី មានចំនួនជិត៣០គ្រួសារ។
២.ប្រជាពលរដ្ឋរស់នៅ ភូមិឈួល ឃុំស្រែហ៊ុយ ស្រុកកោះញ៉េក ខេត្តមណ្ឌលគីរី មានចំនួនជាង៤០គ្រួសារ។
បើតាមកិច្ចសម្ភាសន៍៖ប្រជាពលរដ្ឋបានប្រាប់អោយអ្នកយកព័ត៌មានយើងខ្ញុំដឹងថាកន្លងមកពួកគាត់បានដាក់ពាក្យស្នើសុំទៅខាង អគ្គិសនីរួចមកហើយ ប៉ុន្តែមិនឃើញចុះមកតភ្លើងអោយពួកគាត់ទាល់តែសោះ ពួកគាត់បន្តទៀតថា បង្គោលភ្លើងមានហើយ ម្តេចឡើយមិនតភ្លើងអោយពួកគាត់?។
ប្រជាពលរដ្ឋបន្ថែមថា កន្លងមកខាងអាគ្គិសនីធ្លាប់បានប្រាប់ទៅពួកគាត់ អោយទិញខ្សែមេដាក់តែពួកគាត់មិនមានលត្ថភាពទិញខ្សែមេដាក់រាប់គីឡូដីនោះបានទេ ពួកគាត់មានលត្ថភាពត្រឹមទិញខ្សែភ្លើង នឹងគីឡូភ្លើង ដែលតចេញពីខ្សែមេចូលផ្ទះរបស់ពួកគាត់រាងៗខ្លួនតែប៉ុណ្ណោះ។
ប្រជាពលរដ្ឋទាំង២ភូមិសូមគោរពដល់ ឯកឧត្ដម អភិបាលខេត្ត មណ្ឌលគិរី លោកអភិបាលស្រុកកោះញែក លោកមេឃុំ មេភូមិមេត្តាជួយអោយ ខាងអាគ្គិសនី ចុះមកតភ្លើងអោយពួកគាត់បានប្រើប្រាស់ផង ប្រទេសជាតិ មានការរីកចំរើនពីមួយថ្ងៃទៅមួយថ្ងៃ រាជរដ្ឋាភិបាលអភិឌ្ឍន៍គ្រប់កន្លែង តែមកពីមូលហេតុអ្វីមិនតភ្លើអោយពួកគាត?។
ពាក់ព័ន្ធនឹងការចុះផ្សាយខាងលើ អង្គភាពយើងខ្ញុំ ធ្វើការផ្សព្វផ្សាយទៅតាមវិជ្ជាជីវៈអ្នកសារព័ត៌មាន គឺរិះគន់ក្នុងន័យស្ថាបនា មិនមានចេតនាញុះញង់បំបែកបំបាក់មួលបង្កាច់ បង្ខូចបុគ្គល ស្ថាប័ន ឬអង្គភាពណាមួយឡើយ យើងខ្ញុំរងចាំទទួលការបកស្រាយបំភ្លឺ ពីស្ថាប័នពាក់ព័ន្ធ រៀងរាល់ម៉ោងធ្វើការ តាមច្បាប់ស្ដីពីរបបអ្នកសារព័ត៌មាននៅកម្ពុជា៕សូមអគុណ!
