ភ្នំពេញ៖នាថ្ងៃអង្គារ ទី២០ ខែមករា ឆ្នាំ២០២៦ ដោយមានការណែនាំពី ឯកឧត្ដម ឃួង ស្រេង អភិបាលនៃគណៈអភិបាលរាជធានីភ្នំពេញ និងមានការយកចិត្តទុក្ខដាក់ពីសុខទុក្ខប្រជាពលរដ្ឋធ្វើដំណើរមានការកកស្ទះ នឹងគ្រោះថ្នាក់ចរាចរណ៍ផងនោះ លោក សេង គន្ធ អភិបាលនៃគណៈអភិបាល ខណ្ឌមានជ័យ បានបន្តដឹកនាំកម្លាំងគណៈបញ្ជាកាឯកភាពរដ្ឋបាលខណ្ឌ សហការជាមួយកម្លាំងសង្កាត់ស្ទឹងមានជ័យទី៣ បន្តរចុះអនុវត្តវិធានការណ៍រដ្ឋបាលទៅលើការលក់ដូរ និងប្រកបអាជីវកម្ម ដែលរំលោភបំពានធ្វើអោយប៉ះពាល់លើចំណីផ្លូវសាធារណៈ នៅតាមបណ្តោយផ្លូវមុន្នីរ៉េត និងផ្លូវវេង ស្រេង ស្ថិតក្នុងសង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។
ក្នុងការចូលរួមរៀបចំសណ្ដាប់ធ្លាប់ ទាំង២លើក រួមមាន៖
លោក ឌី សុខខែម អភិបាលរង លោក យាន ឧត្ដម លោកចៅសង្កាត់ស្ទឹងមានជ័យទី៣ ព្រមទាំងមន្ត្រីជាច្រើនអ្នកទៀត ក្នុងការចុះប្រតិបត្តិការទាំង២លើកមាន លើកទី១ តាមបណ្តាយផ្លូវមុន្នីរ៉េត ចាប់ពីច្រមុះជ្រូកស្ទឹងមានជ័យ រហូតដល់ស្ពានដែកចំការដូង។លើកទី២ តាមបណ្តាយផ្លូវ វែង ស្រេង ចាប់ពីច្រមុះជ្រូកស្ទឹងមានជ័យ រហូតព្រុំប្រទល់ខណ្ឌពោធិ៍សែនជ័យ។
ក្នុងពេលចុះរៀបចំសណ្ដាប់ធ្នាប់ កម្លាំងគណៈបញ្ជាការឯកភាព បានធ្វើការរុះរើនូវសំណង់ផ្សេងៗ ដូចជាជញ្ជាំងបេតុង សម្ភារៈលក់ដូរ និងកាចាក់សាបលយលើចំណីផ្លូវ ហើយដកហូតយកសំភារៈមួយចំនួនទៅរក្សាទុកនៅសាលាខណ្ឌមានជ័យ ដើម្បីអោយម្ចាស់របស់ទៅនឹងធ្វើការអប់រំ ណែនាំដល់ម្ចាស់ទីតាំង ឈប់បន្តលក់ដូរ ធ្វើអោយប៉ះពាល់លើចំណីផ្លូវសាធារណៈ បណ្ដាលមានកាកកស្ទះបន្តទៅទៀត។
យើងដឹងហើយថាចំណីផ្លូវ គឺទុកសម្រាប់អោយថ្មើជើងធ្វើដំណើរ ដូចនេះសូមបងប្អូនអាជីវកលក់ដូរតាមដងផ្លូវទាំងអស់គោរពតាមអាជ្ញាធរដែលបានណែនាំ ជាក់ស្តែង លោក សេង គន្ធ អភិបាលខណ្ឌមានប្រសាសន៍ថា(ទុកផ្លូវអោយគេដើរផង កុំបំពាន់ច្បាប់)៕
