ភ្នំពេញ៖នាព្រឹកថ្ងៃច័ន្ទ ១កេីត ខែបុស្ស ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៩ ខែមករា ឆ្នាំ២០២៦ ដោយមានការណែនាំពី ឯកឧត្ដម ឃួង ស្រេង អភិបាលនៃគណៈអភិបាលរាជធានីភ្នំពេញ និងមានការយកចិត្តទុក្ខដាក់ពីសុខទុក្ខប្រជាពលរដ្ឋធ្វើដំណើរមានការកកស្ទះ នឹងគ្រោះថ្នាក់ចរាចរណ៍ផងនោះ លោក សេង គន្ធ អភិបាលនៃគណៈអភិបាល ខណ្ឌមានជ័យ បានបន្តដឹកនាំកម្លាំងគណៈបញ្ជាកាឯកភាពរដ្ឋបាលខណ្ឌ សហការជាមួយកម្លាំងសង្កាត់ស្ទឹងមានជ័យ១ បន្តរចុះអនុវត្តវិធានការណ៍រដ្ឋបាលទៅលើការលក់ដូរ និងប្រកបអាជីវកម្ម ដែលរំលោភបំពានប៉ះពាល់លើចំណីផ្លូវសាធារណៈ នៅតាមបណ្តោយផ្លូវមុន្នីរ៉េត ស្ថិតក្នុងសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។
ដោយកម្លាំងគណៈបញ្ជាការឯកភាព បានធ្វើការរុះរើចោលនូវសំណង់ផ្សេងៗ ដូចជាជញ្ជាំងបេតុង សម្ភារៈលក់ដូរ និងចាក់សាបលយចូលចំណីផ្លូវ ដកហូតយកសំភារៈទៅរក្សាទុកនៅសាលាខណ្ឌមានជ័យ ដើម្បីធ្វើការអប់រំ ណែនាំដល់ម្ចាស់ទីតាំង ឈប់បន្តលក់ដូរប៉ះពាល់លើចំណីផ្លូវសាធារណៈបន្តទៅទៀត។
គួររំលឹកផងដែរថា ការលក់ដូរ ទុកសំភារៈ និងសាងសង់ផ្សេងៗលើចំណីផ្លូវសាធារណៈ បណ្ដាលអោយមានការកកស្ទះចរាចរណ៍ នឹងគ្រោះថ្នាក់ចរាចរណ៍ ដោយ យថាហេតុ៕
