ភ្នំពេញ៖ដោយមានការចង្អុលបង្ហាញពី ឯកឧត្ដម ឃួង ស្រេង អភិបាលនៃគណៈអភិបាលរាជធានីភ្នំពេញ នាព្រឹកថ្ងៃពុធ ៤រោច ខែបុស្ស ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៧ ខែមករា ឆ្នាំ២០២៦ លោក សេង គន្ធ អភិបាលនៃគណៈអភិបាលខណ្ឌមានជ័យ និងភរិយា លោក អភិបាលរង ព្រមទាំងមន្រ្តីរាជការ បានអញ្ជើញក្នុងពិធីសំណេះសំណាល សួរសុខទុក្ខ និងបាននាំយកអំណោយជាគ្រឿងឧបភោគបរិភោគមួយចំនួន ឧបត្ថម្ភជូនដល់ក្រុមគ្រួសារវីរៈកងទ័ពចំនួន ២៦គ្រួសារ ក្នុងនោះមានសង្កាត់ចាក់អង្រែលើ, សង្កាត់ចាក់អង្រែក្រោម, សង្កាត់បឹងទំពន់ទី២ និងសង្កាត់ស្ទឹងមានជ័យទី៣ ស្ថិតក្នុងបរិវេណមន្ទីរបក្សខណ្ឌមានជ័យ។
ក្នុងនោះអំណោយឧបត្ថម្ភ ១គ្រួសារទទួលបាន រួមមាន៖
១-អង្ករ ២៥គីឡូក្រាម
២-មី ១កេស
៣-ទឹកសុទ្ធ ១កេស
៤-ទឹកត្រី ១យួរ
៥-ទឹកស៊ីអ៉ីវ ១យួរ
និងថវិការមួយចំនួន។
នាឱកាសសំណេះសំណាលនោះ លោកអភិបាលខណ្ឌមានជ័យ បានពាំនាំនូវប្រសាសន៍សួរសុខទុក្ខរបស់រាជរដ្ឋាភិបាល ក៏ដូចជា ឯកឧត្ដម អភិបាលក្រុង ជម្រាបជូនដល់បងប្អូនក្រុមគ្រួសារ វីរៈកងទព័ផងដែរ។
ទីបញ្ចាប់លោក សេង គន្ធ បានជូនពរដល់វីរៈកងទ័ព នឹងក្រុមគ្រួសារ ឱ្យទទួលបានសេចក្ដីសុខឈ្នះអស់មាសត្រូវ ជាពិសេសសមប្រកបទៅដោយ ពុទ្ធិពរទាំង៤ប្រកាគឺ៖ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
