យោងតាមកិច្ចប្រជុំកាលពីថ្ងៃពុធ ទី១០ ខែធ្នូ ឆ្នាំ២០២៥ កន្លងទៅតាមលិខិត ចុះថ្ងៃទី២៣ ខែសីហា ឆ្នាំ២០២៥ របស់ឈ្មោះ ហ៊ន សារិទ្ធិ និងចំណារដ៏ខ្ពង់ខ្ពស់ ចុះថ្ងៃទី២៦ខែសីហាឆ្នាំ២០២៥របស់ឯកឧត្តមបណ្ឌិតអភិបាលខេត្ត។ក្នុងកិច្ចប្រជុំពិភាក្សា ករណីសុំទប់ស្កាត់ការចេញប្លង់កម្មសិទ្ធិលើគំនូសប្លង់ដីរបស់ ឈ្មោះ ម៉ម ម៉េង និងប្រពន្ធឈ្មោះ សៀង សាម៉េន នៅចំណុចភូមិស្រែកិន ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។
ក្នុងកិច្ចប្រជុំ ជាលទ្ធផលរួមមាន៖
១.ឯកឧត្ដមអភិបាល សម្របសម្រួលមិនអនុញ្ញាត្តិអោយបុគ្គលណាម្នាក់ដាំដំណាំលើផ្ទៃដីដែលមានទំនាស់ចំនួន៥,៦៥ហិកតានេះឡើយ។
២.ឯកឧត្ដមអភិបាល និងបង្កើតគណៈកម្មការចុះបោះបង្គោលហ៊ុំពទ្ធ័ដីចំនួន៥,៦៥ហិកតា ដើម្បីទុកដោះស្រាយបន្តទៅទៀត។
៣.ឯកឧត្ដមអភិបាលបានអនុញ្ញាត្តិអោយ លោក ហ៊ន សារិទ្ធិ តំណាងសហគមន៍មូលដ្ឋាន បន្តដាំដុះបង្កបង្កើនផលនៅលើផ្ទៃដីក្នុងអនុក្រិដ្ឋលេខ២៤៥ ដែលធ្លាប់បានអាស្រ័យផលកន្លងមក។
៤.ឯកឧត្ដមអភិបាល បានបញ្ជាក់ថាដីនៅសល់ពីអនុក្រិដ្ឋ២៤៥ គួរភាគីត្រូវរៀបចំឯកសារជូនរាជរដ្ឋាភិបានដើម្បីស្នើសុំលិខិត្តកាន់កាប់ឱ្យស្របច្បាប់
ដោយថ្មីៗនេះមានមន្ត្រីបរិស្ថាន បានចុះទៅហាមឃាត់ មិនអោយពួកគាត់ធ្វើការដាំដុះលើដីដែលធ្លាប់អាស្រ័យផលកន្លងមកក្នុងដីអនុក្រិដ្ឋលេខ២៤៥ មិនតែប៉ុណ្ណោះទេ បានចាប់យ្កត្រាក់ទ័រ ដែលពួកគាត់ទុកសម្រាប់រាស់ស្មៅតាមរងអំពៅរបស់ពួកកាត់ ធ្វើឧ្យស្មៅបោកកូនអំពៅបណ្ដាលឱ្យខូចខាតផងដែរ។
លោក ហ៊ន សារិទ្ធិ តំណាងប្រជាសហគមន៍ទាំង១៧គ្រួសារសូមថ្លែងអំណរគុណ ឯកឧត្ដមបណ្ឌិត ជាម ចន្ទ័សោភណ្ឌ័ អភិបាលនៃគណៈអភិបាលខេត្តកំពង់ស្ពឺ និងឯកឧត្តម សុខ សុទ្ធី អភិបាលរង នៃគណៈអភិបាលខេត្តកំពង់ស្ពឺ ដែលបានអនុញ្ញាត្តិអោយពួកគាត់បានបង្កបង្កើនផលលើផ្ទៃដីដែលធ្លាបអាស្រ័យផលស្ថិតនៅ
ចំណុចភូមិស្រែកិន ឃុំត្រពាំងជោ
ស្រុកឱរ៉ាល់ ខេត្តកំពង់ស្ពឺ ដែលពួកគាត់ធ្លាប់បានអាស្រ័យផងតាំងពីឆ្នាំ២០១៦.១៧.១៨។
តំណាងប្រជាពលរដ្ឋទាំង១៧គ្រួសារសូមគោរពស្នើសុំដល់ ឯកឧត្ដមបណ្ឌិត ជាម ចន្ទ័សោភណ្ឌ័ អភិបាលនៃគណៈអភិបាលខេត្ត ព្រមទាំង ឯកឧត្តម សុខ សុទ្ធី អភិបាលរង នៃគណៈអភិបាលខេត្តកំពង់ស្ពឺ សូមមេតត្តាអនុញ្ញាត្តិអោយពួកគាត់បានបន្តដាំដុះអាស្រ័យផលលើ ទំហំ ផ្ទៃដីទាំងមូលដែលពួកគាត់ធ្លាប់បានអាស្រ័យផលតាំងពីឆ្នាំ២០១៦.១៧.១៨កន្លងទៅនោះផងទាន។
ជាចុងក្រោយលោក ហ៊ន សារិទ្ធិ តំណាងប្រជាសហគមន៍ទាំង១៧គ្រួសារ សូមគោរពជូនពរ ឯកឧត្ដម បណ្ឌិត អភិបាលខេត្រ ព្រមទាំង លោកជំទាវ និងក្រុមគ្រួសារ នឹងឯកឧត្ដម សុខ សុន្ធីអភិបាលខេត្តរងខេត្តកំពង់ស្ពឺ ព្រមទាំងលោកជំទាវ ក្រុមគ្រួសារ នឹងក្រុមការងារទាំងអស់ នឹងលោក អភិបាល លោកអភិបាលរងស្រុកឱរ៉ាល សូមឱ្យជូបប្រទះតែសេចក្តីសុខ កម្លាំងមាំមួន ប្រាជ្ញាវាងវៃ ប្រកបការងារអ្វីជោគជ័យគ្រប់ភារកិច្ចជាពិសេសជាងនេះទៅទៀតសូមឱ្យសមប្រកបដោយ ពុទ្ធិពរ ទាំង ៤ ប្រការគឺ៖អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
សូមបញ្ជាក់ផងដែរថា ត្រាក់ទ័រដែលខាងបរិស្ថានចាប់យកទៅនោះគឺជាត្រាក់ទ័រសម្រាប់រាស់ស្មៅ មិនមែនជាត្រាក់ទ័រឈូសឆាយដីថ្មីដូចដែលមតិមួយចំនួនលើកឡើងនោះឡើយ៕
