ត្បូងឃ្មុំ៖ ឯកឧត្ដម ម៉ៅ ឌុង ប្រធានសហភាពសហព័ន្ធយុវជនកម្ពុជាខេត្តត្បូងឃ្មុំ បានដឹកនាំសមាជិក-សមាជិកា ប្រារព្ធធ្វើទិវាបរិស្ថានជាតិ និងបរិស្ថានពិភពលោក ៥ មិថុនា ឆ្នាំ ២០២៥ ក្រោមប្រធានបទ “ ប្រយុទ្ធប្រឆាំងការបំពុលដោយផ្លាស្ទិក Beat Plastic Pollution” ស្ថិតនៅបរិវេណ អគារតេជោបូព៌ា សហភាពសារព័ន្ធយុវជនកម្ពុជាខេត្តត្បូងឃ្មុំ នារសៀលថ្ងៃទី៥ ខែមិថុនា ឆ្នាំ២០៥។
ក្នុងឱកាស ប្រារព្ធទិវាបរិស្ថានជាតិ និងបរិស្ថានពិភពលោក លេីកទី២៩ ឯកឧត្ដម បានថ្លែងអំណរគុណចំពោះ ថ្នាក់ដឹកនាំ សមាជិក សមាជិកា នៃសហភាពសហព័ន្ធយុវជនកម្ពុជាទូទាំងខេត្តត្បូងឃ្មុំ ដែលបានចូលរួមនូវការប្រយុទ្ធប្រឆាំងការបំពុលដោយប្លាស្ទិក និងតែងតែចូលរួមយ៉ាងសកម្ម ក្នុងការការពារបរិស្ថានកម្ពុជា ដោយបានចូលរួមកាត់បន្ថយកាតប្រើប្រាស់ថង់ប្លាស្ទិក ការរេីស និងប្រមូលសំណល់សំរាមប្លាស្ទិក នៅតាមដងផ្លូវ និងក្នុងសហគមន៍ដែលបានរស់នៅកន្លងមក និងសូមឱ្យ យុវជន សិស្សានុសិស្ស ក៏ដូចជាប្រជាជនក្នុងខេត្តត្បូងឃ្មុំទាំងមូល បន្ដសំអាត ទុកដាក់សំរាមឱ្យបានត្រឹម ដេីម្បីជៀសវាងការបំពុលដោយប្លាស្ទិក ដែលបង្កឱ្យមានផលប៉ះពាល់ដល់សុខភាពផ្ទាល់ខ្លួន និងក្រុមគ្រួសារ។
ឯកឧត្ដម បានបន្តឱ្យ យុវវ័យ សសយក ខេត្តត្បូងឃ្មុំ ចូលរួមយុទ្ធនាការ ពន្លកបៃតង ជាមួយក្រសួងបរិស្ថាន ក្នុងការដាំដេីមឈេី ដេីម្បីស្ដារឡេីងនៃភាពបៃតងក្នុងខេត្តត្បូងឃ្មុំ៕
