រដ្ឋបាលស្រុកលើកដែក ខេត្តកណ្តាល ចេញសេចក្តីជូនដំណឹងស្តីពីការសាងសង់បង្គោលព្រំកន្លែងអភិរក្សជលផលអតីតឡូតិ៍នេសាទលេខ០៩

-យោងអនុក្រឹត្យលេខ ៥៣ អនក្រ បក ចុះថ្ងៃទី០៦ ខែមេសា ឆ្នាំ២០១២ របស់រាជរដ្ឋាភិបាល។

-ស្មារតីកិច្ចប្រជុំនាថ្ងៃទី២៧ ខែឧសភា ឆ្នាំ២០២៥ ដឹកនាំដោយឯកឧត្តម ហាក់ សុខមករា អភិបាលរង ខេត្តកណ្តាល ។

រដ្ឋបាលស្រុកលើកដែក សូមជម្រាបជូនដំណឹងដល់សាធារណៈជន ដែលមានក្បាលដី នៅចំណុច ជាប់ទីតាំងអតីតឡូតិ៍នេសាទលេខ០៩ ស្ថិតនៅភូមិបឹងលើ ភូមិបឹងក្រោម ឃុំខ្ពបអាទាវ ស្រុកលើកដែក ឱ្យ បានជ្រាបថា ៖ ចាប់ពីថ្ងៃទី១០ ខែមិថុនា ឆ្នាំ២០២៥ ក្រុមការងារខណ្ឌរដ្ឋបាលជលផលកណ្តាល នៃ មន្ទីរ កសិកម្ម រុក្ខាប្រមាញ់ និងនេសាទ ខេត្តកណ្តាល នឹងចុះមកសាងសង់បង្គោលព្រំដែនអភិរក្សជលផលអតីត ឡូតិ៍នេសាទលេខ០៩ ចំនួន០៣បង្គោល ដោយក្នុងបង្គោល១១ ស្ថិតក្នុងអក្ស(X:515247/Y:1225430) បង្គោល១២ស្ថិតក្នុងអក្ស (X:517090/Y:1225459) ស្ថិតនៅភូមិបឹងលើ ឃុំខ្ពបអាទាវ, និងបង្គោល១៣ ស្ថិត ក្នុងអក្ស (X:517242/ Y:1221259) ស្ថិតនៅភូមិបឹងលើ ភូមិបឹងក្រោម ឃុំខ្ពបអាទាវ ស្រុកលើកដែក ខេត្តកណ្តាល ។

គួរបញ្ជាក់ផងដែរថា ខណ្ឌរដ្ឋបាលជលផលខេត្តកណ្តាល បានទទួលគម្រោងផែនការសាងសង់ បង្គោលព្រំដែនអភិរក្សជលផលអតីតឡូតិ៍នេសាទលេខ០៩នេះ ក្នុងឆ្នាំ២០២៤ តែដោយមូលហេតុស្ថិតក្នុង កំឡុងពេលទឹកដំឡើង ទើបលើកពេលមកអនុវត្តក្នុងឆ្នាំនេះវិញ ។
អាស្រ័យដូចបានជម្រាបជូនខាងលើ សូមសាធារណៈជន មេត្តាទទួលជ្រាបជាព័ត៌មាន ៕