ព្រះវិហារ៖រដ្ឋបាលស្រុករវៀង មន្ត្រីជំនាញព្រៃឈើ និងមន្រ្តីបរិស្ថានសហការជាមួយកម្លាំងនគបាលស្រុករវៀង ខេត្តព្រះវិហារ បានធ្វើការឃាត់គោយន្តចំនួន០៣គ្រឿងដឹកឈើ ខណៈពេលឈ្មួញកំពុងលួចលាក់ដឹកបញ្ជូនឈើតាមដងផ្លូវជាតិលេខ៦២ដោយមិនស្របច្បាប់។
កិច្ចប្រតិបត្តិការខាងលើនេះធ្វើឡើងនៅវេលាម៉ោង១២.៣០នាទីយប់ឈានចូលថ្ងៃ អាទិត្យទី២៧ ខែមេសា ឆ្នាំ២០២៥ នៅចំណុច ភូមិរំចេក ឃុំរមណី ស្រុករវៀង ខេត្តព្រះវិហារ ដោយបានធ្វើការនាំយកវត្ថុតាងនិងគោយន្កកន្រ្តៃ និងឈើប្រភេទគ្រឿង៥គុណ១៥មានប្រវែង៦ម៉ែត្រ ៧ម៉ែត្រ និង៨ម៉ែត្រ មានចំនួន ជាច្រើនសន្លឹកផងដែរ។
ក្រោយពេលធ្វើការបង្រ្កាបនឹងរឹបអូសបាន វត្ថុតាងខាងលើត្រូវមន្រ្តីជំនាញយកទៅរក្សាទុកនៅផ្នែករដ្ឋាបាលព្រៃឈើមានចំនួន០១គ្រឿង និងស្នាក់ការបរិស្ថានមានចំនួន០២គ្រឿង ដើម្បីចាត់ការតាមនីតិវិធី៕ដោយលោកខៀវ ផល្លា
