ខេត្តព្រះវិហារ៖នៅថ្ងៃចន្ទ ៩រោជសប្ពស័ក ព.ស២៥៦៩ ត្រូវនឹងថ្ងៃទី២១ ខែមេសា ឆ្នាំ២០២៥លោក សំ លាងទ្រី ប្រធានមន្ទីរសាធារណការនិងដឹកជញ្ជូន
បានចុះជួបសំណេះសំណាលជាមួយថ្នាក់ដឹកនាំ មន្រ្តីរាជការ មន្រ្តីជាប់កិច្ចសន្យា បុគ្គលិក កម្មករ តាមការដ្ឋាននានា ក្រោយវិល ត្រទ្បប់មកពីស្រុកកំណើតជួបជុំគ្រួសារ បន្ទាប់ពីបានឈប់សម្រាកជាច្រើនថ្ងៃក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ។
ក្នុងឱកាសនោះដែរលោក សំ លាងទ្រី បានមានប្រសាសន៍ណែនាំដល់ បុគ្គលិក កម្មករដែលវិលត្រទ្បប់ ទៅកាន់ការដ្ឋានរៀងៗខ្លួន សូមបន្តយកចិត្តទុកដាក់បំពេញតួនាទីភារកិច្ចរបស់ខ្លួនប្រកបដោយមានការទទួលខុសត្រូវខ្ពស់ យកចិត្តថែទាំគ្រឿងចក្រ ក៍ដូចជាសម្ភារះផ្សេងៗនៅក្នុងការដ្ឋានឲ្យបានល្អ ដើម្បីឲ្យការប្រើប្រាស់បានយូរអង្វែង ត្រូវមានការប្រុងប្រយ័ត្នជានិច្ច រាល់ពេលទ្បើងបើករថយន្ត ឬគ្រឿងចក្រ ត្រូវត្រួតពិនិត្យជុំវិញ ឬផ្នែកខាងក្រោមរថយន្ត ឬគ្រឿងចក្រ ការពារគ្រោះថ្នាក់ជាយថាហេតុផ្សេងៗ ត្រូវពាក់ឯកសណ្ឋានជានិច្ចពេលបំពេញការងារនៅលើដងផ្លូវ ពិសេសមិនត្រូវសេពគ្រឿងស្រវឹងក្នុងពេលបំពេញការងារជាដាច់ខាត៕
ដោយលោកខៀវ ផល្លា
