នាព្រឹក ថ្ងៃសៅរ៍ ៤រោច ខែមាឃ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១ ខែកុម្ភៈ ឆ្នាំ២០២៥ ឯកឧត្តមបណ្ឌិត ជ្រុន ថេរ៉ាវ៉ាត សមាជិកគណៈកម្មាធិការកណ្តាល អនុប្រធានយុវជនគណបក្សថ្នាក់កណ្តាល និងជាប្រធានគណៈប្រចាំការនៃគណៈអចិន្ត្រៃយ៍យុវជនគណបក្សថ្នាក់កណ្តាល តំណាងដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងជាប្រធានយុវជនគណបក្សថ្នាក់កណ្តាលអញ្ជើញចូលរួមជាអធិបតីក្នុងពិធីប្រកាសប្រធានក្រុមការងារយុវជនគណបក្សក្រសួងក្រសួងព័ត៌មាន។
ជាមួយនោះ ឯកឧត្តមបណ្ឌិត គឹម សន្តិភាព អនុប្រធានគណៈប្រចាំការ ក៏បានធ្វើបទអន្តរាគមន៍ស្តីពីកិច្ចការសម្របសម្រួលព័ត៌មាននៃយុវជនគណបក្សប្រជាជនកម្ពុជា ជូនអង្គពិធីបានជ្រួតជ្រាប ដើម្បីចាត់តាំងអនុវត្តឲ្យមានប្រសិទ្ធភាពខ្ពស់។
ពិធីនេះមានការអញ្ជើញចូលរួមពីឯកឧត្តម នេត្រ ភក្រ្តា ប្រធានគណ:កម្មាធិការគណបក្សក្រសួងក្រសួងព័ត៌មាន ព្រមទាំងថ្នាក់ដឹកនាំ សមាជិក សមាជិកាគណ:កម្មាធិការគណបក្សក្រសួង ឯកឧត្តមអនុប្រធាន សមាជិកគណៈប្រចាំការនៃគណ:អចិន្រ្តៃយ៍យុវជនគណបក្សថ្នាក់កណ្តាល និងតំណាងផ្នែក និងឯកឧត្តម លោកជំទាវ លោក លោកស្រី សមាជិក សមាជិកាគណបក្សប្រមាណ ៣១៦នាក់ នៅសាលប្រជុំ ៧ មករា ទីស្នាក់ការកណ្តាលគណបក្សប្រជាជនកម្ពុជា(វិមាន៧មករា)។
