ភ្នំពេញ ៖ដោយមានការយកចិត្តទុកដាក់ ពីឯកឧត្តម ឃួង ស្រេង អភិបាលនៃរាជធានីភ្នំពេញ និងលោក សក់ ចន្ទកញ្ញារិទ្ធិ អភិបាលនៃគណៈអភិបាលខណ្ឌពោធិ៍សែនជ័យ នាព្រឹកថ្ងៃព្រហស្បតិ៍ទី១២ ខែកញ្ញាឆ្នាំ២០២៤
លោក កង វង ចៅសង្កាត់ចោមចៅទី១ ព្រមទាំងលោកប្រធានភូមិត្រពាំងថ្លឹង២ លោកប្រធានភូមិគោកចំបក់ និងបងៗប្រជាការពារភូមិ បានដឹកនាំគ្រឿងចក្រចុះកាយប្រលាយ១ខ្សែ ដែលមាន ប្រវែង៥០០m ដើម្បីបង្ហូរជំនន់ទឹកភ្លៀង ទៅចាក់ប្រលាយមេ(ប្រលាយបារាំង) .នេះមិនមែនជាលើកទីមួយទេ ដែលអាជ្ញាធរមូលដ្ឋាន ដែលលោក បានខិតខំព្យាយាមយកចិត្តទុកដាក់ ដោះស្រាយបញ្ហារបស់បងប្អូនប្រជាពលរដ្ឋ ។
ជាចុងក្រោយលោក កង វង ចៅសង្កាត់ចោមចៅទី១ លោកក៏សុំពាវនាវ ដល់បងប្អូនប្រជាពលរដ្ឋ ក៏ដូចជាបងប្អូនកម្មករ កម្មការនី រោងចក្រទាំងអស់ សូមមេត្តាជួយថែរក្សាអនាម័យបរិស្ថាន ជាពិសេសហាមបោះចោល សំរាមផ្តេសផ្តាស តាមប្រព័ន្ធលូ ឬប្រលាយ ដែលជាបណ្តាលអោយ មានការកកស្ទះ ចរន្តទឹកហូរ និងលិចលង់ផ្ទះសំបែង និងផ្លូវធ្វើដំណើររបស់បងប្អូនទៅវិញទេ៕
