ខេត្តមណ្ឌលគិរី៖ជនសង្ស័យជួញដូរគ្រឿងញៀន០៧នាក់ រួមនិងគ្រឿងញៀន១៦កញ្ចប់ ត្រូវបានសមត្ថកិច្ចបង្ក្រាប កាលពីថ្ងៃទី១២ ខែមីនាឆ្នាំ ២០២៤ ត្រង់ចំណុច គីឡូម៉ែត្រលេខ ៣៤ ស្ថិតនៅក្នុងភូមិឆ្នែង ឃុំស្រែខ្ទុមស្រុកកែវសីខេត្តមណ្ឌលគិរី។
កម្លាំងប៉ុស្តិ៍នគរបាលរដ្ឋបាលស្រែខ្ទុម សហការ ជាមួយកម្លាំងជំនាញផ្នែកគ្រឿងញៀនស្រុក និង កម្លាំងជំនាញព្រហ្មទណ្ឌស្រុកកែវសីមា បានចុះល្បាតតាមគោលដៅងាយរងគ្រោះស្ថិតនៅក្នុងភូមិឆ្នែង ឃុំស្រែខ្ទុម ស្រុកកែវសីមា ខេត្តមណ្ឌលគិរី ក៏ប្រទះឃើញមុខសញ្ញាសង្ស័យ កម្លាំងសមត្ថកិច្ចបានហៅធ្វើការសួរនាំ និងឆែកឆែរ បានរកឃើញសារធាតុ សង្ស័យថាជាសារធាតុញៀន មានសណ្ឋានជាក្រាមព៌ណសរ ថ្លាចំនួន០១កញ្ចប់ធំល្មម និងបានធ្វើការឃាត់ខ្លួនជនសង្ស័យចំនួន ០២នាក់តែម្តង ជនសង្ស័យទី
១/ ឈ្មោះជី ពិសិទ្ឋ ( ហៅប្រុស ) ភេទប្រុស អាយុ ២៨ឆ្នាំ ជនជាតិខ្មែរ មុខរបរមិនពិតប្រាកដ បានធ្វេីតេស្តវិភាគរកសារធាតុញៀនក្នុងទឹកម៉ូត្រ ជាលទ្ធផលវិជ្ជមាន ( + ) ។
មានទីលំនៅបច្ចុប្បន្នស្ថិតនៅភូមិអូអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី ស្រុកកំណេីតភូមិកោះធំ ឃុំកោះធំ ស្រុកកោះធំ ខេត្តកណ្តាល ។ ទី២ ឈ្មោះ ណេង ផង ហៅ( ក្បង់ ) ភេទប្រុស អាយុ៣២ឆ្នាំ ជនជាតិខ្មែរ មុខរបរមិនពិតប្រាកដ បានធ្វេីតេស្តវិភាគរករកសារធាតុញៀនក្នុងទឹកម៉ូត្រ ជាលទ្ធផលវិជ្ជមាន ( + )។ ទីលំនៅបច្ចុប្បន្នស្ថិតនៅភូមិអូអាម ឃុំស្រែខ្ទុម ស្រុកកែវសីមាខេត្តមណ្ឌលគិរី ។ មានស្រុកកំណេីតភូមិព្រែកឬស្សី ឃុំកំពង់កុង ស្រុកកោះធំ ខេត្តកណ្តាល ។ សម្ភារៈមធ្យោបាយរួមមានដូចខាងក្រោម៖
១/ ម៉ូតូកែច្នៃ ពណ៌ទឹកមាស គ្មានផ្លាកលេខ ចំនួន 01 គ្រឿង ។
២/ ទូរសព្ទម៉ាក oppo ពណ៌ក្រហម ចំនួន 01 គ្រឿង ។
៣/ សារធាតុសង្ស័យថាជាសារធាតុញៀនមានសណ្ឋានជាក្រាមព៌ណសរថ្លា ចំនួន ០១កញ្ចប់ធំល្មម ។ ក្រោយពីបានចម្លើយសារភាពពីជនសង្ស័យឈ្មោះ ជី ពិសិដ្ឋ បានទិញថ្នាំញៀនពីឈ្មោះ ជាប ផានិត ។
កម្លាំងជំនាញបានធ្វើការស្រាវជ្រាវនិងឃាត់ខ្លួនបានជនសង្ស័យជាបន្តរបន្ទាប់ហើយបានពន្លាតដែនសម្ថកិច្ច ដោយសហការជាមួយកម្លាំងនគរបាល ប៉ុស្តិ៍ក្រញូងសែនជ័យ និងអជ្ញាធរមូលដ្ឋាន នៅទីនោះបានចំនួន២ទីតាំង ទីតាំងទី១ ផ្ទះរបស់ឈ្មោះ ប៉េះ និង ទីតាំងទី២ ផ្ទះរបស់ ឈ្មោះ ឡូញ ស្ថិតក្នុងភូមិក្រញូងសែនជ័យឃុំក្រញូងសែនជ័យ ស្រុកស្នួល ខេត្តក្រចេះ ។ ក្មុងកិច្ចសហប្រតិបត្តិការនេះយើងបានធ្វើការឃាត់ខ្លួនជនសង្ស័យ សរុបចំនួន០៧នាក់ ស្រី០០នាក់ដែលមានរាយឈ្មោះដូចខាងក្រោម :
១/ ឈ្មោះ ជី ពិសិដ្ឋ ( ហៅប្រុស ) ភេទប្រុស អាយុ28ឆ្នាំជនជាតិខ្មែរ មុខរបរមិនពិតប្រាកដ
២/ ឈ្មោះ ណេង ផង ហៅ( ក្បង់ )
ភេទប្រុសអាយុ32ឆ្នាំ ជនជាតិខ្មែរ មុខរបរមិនពិតប្រាកដ
៣/ ឈ្មោះ ជាប ផានិត ( ហៅសក់វែង ) ភេទប្រុស អាយុ21ឆ្នាំ ជនជាតិខ្មែរ មុខរបរមិនពិតប្រាកដ ។
៤ / ឈ្មោះ ហយ ផ្លេស ( ហៅប៉េះ ) ភេទប្រុស អាយុ31ឆ្នាំ ជនជាតិខ្មែ រមុខរបរមិនពិតប្រាកដ។
៥/ ឈ្មោះ អូ សីហា ភេទប្រុសអាយុ28ឆ្នាំ ជនជាតិខ្មែរ មុខរបរបំពិតប្រាកដ។
៦/ ឈ្មោះ អេម សាម៉េន ( ឡូញ ) ភេទប្រុស អាយុ 32 ឆ្នាំជនជាតិខ្មែរមុខរបរមិនពិតប្រាកដ។
៧/ ឈ្មោះ ទ្រី រិទ្ធ ភេទប្រុសអាយុ29ឆ្នាំ ជនជាតិខ្មែរ មុខរបរមិនពិតប្រាកដជនសង្ស័យទាំងអស់ខាងលើបានធ្វេីតេស្តវិភាគរកសារធាតុញៀនក្នុងទឹកម៉ូត្រ ជាលទ្ធផលវិជ្ជមាន ( + )ទាំងអស់។ សម្ភារៈវត្ថុតាងសរុបរួមមាន ១/ សារធាតុ ក្រាមព៌ណសថ្លា ជាថ្នាំញៀន(មេតំហ្វេតាមីន)ចំនួន ១៦ កញ្ចប់ ក្នុងនោះ មាន១៤កញ្ចប់តូច និង
២កញ្ចប់ធំល្មម ទម្ងន់ ៧.៨៩ ក្រាម ថ្លឹងទាំងសំបក ។
២ /ជញ្ជីងសម្រាប់ថ្លឹងថ្នាំញៀនចំនួន ០១គ្រឿង។
៣/ ឧបករណ៍កែច្នៃសម្រាប់ជក់ថ្នាំញៀនមួយចំនួន។
៤/ ថង់សម្រាប់វេចខ្ចប់ថ្នាំញៀនមួយចំនួន។
៥/ ទូរសព្ទចំនួន ០៥គ្រឿង ។
៦ / ម៉ូតូចំនួន ០៤គ្រឿង ។
ករណីនេះកម្លាំងការិយាល័យប្រឆាំងគ្រឿងញៀន និងកម្លាំងអធិការដ្ឋាននគរបាលស្រុកកែវសីមា កំពុងកសាងសំណុំរឿងចាត់ការតាមនីតិវិធីច្បាប់ ៕រាយការណ៍ពីខេត្តមណ្ឌលគីរី ដោយលោក គង់ វុទ្ធី
