ចេញផ្សាយដោយ គេហទំព័ររដ្ឋាអភិវឌ្ឍន៍ញូស៍ នាថ្ងៃទី១១ ខែឧសភា ឆ្នាំ២០២៣
កំពង់ធំ៖ប្រភពព័ត៌មានបានអោយអង្គភាពយើងដឹងថា មានទីតាំងល្បែងសុីសងខុសច្បាប់ បញ្ជល់មាន់និងអាប៉ោ មួយកន្លែងនៅក្នុងចំការស្វាយចន្ធី មានកាភ្នាល់ដាក់លុយធំៗកំពុងបើកលេងជារៀងរាល់ថ្ងៃ ។(ប្រភពបន្តថា កាលពីកន្លងមកថ្មីៗនេះម្ចាស់សៃវៀនបញ្ជល់មាន់នេះ ត្រូវបានកំលាំងសមត្ថកិច្ចឃាត់ខ្លួនហើយ ប៉ុន្តែពេលនេះគឺប្រពន្ធនឹងកូនក្លាយជាម្ចាស់សៃវៀនជំនួសប្តីម្តង) ចំពោះករណីខាងលើនេះលោកអធិការស្រុកសន្ទុក លោកបានជ្រាបឬមិនបានជ្រាប យ៉ាងណានោះទេ ព្រោះថាអង្ភាពយើងមិនមានលេខទំនាក់ទំនងរាយការណ៍ជូនលោក។
ជុំវិញករណីសៃវៀនបញ្ជល់មាន់នឹងអាប៉ោងខាងលើប្រជាពលរដ្ឋ បានធ្វើការស្នើសុំលោកអភិបាលស្រុកសន្ទុកនឹងលោកអធិការស្រុកសន្ទុក មេត្តាចាត់កម្លាំងជម្នាញចុះពិនិត្យមើលទីតាំងខាងលើនេះផងទាន។
គួររំលឹកថាកាលពីថ្ងៃទី១៧ ខែកញ្ញា ឆ្នាំ២០២២ សម្ដេចបានបញ្ជាឲ្យបិទល្បែងស៊ីសងគ្រប់ប្រភេទនៅកម្ពុជា។ សម្តេចតេជោហ៊ុនសែន បានបញ្ជាក់យ៉ាងច្បាស់ដាច់ណាត់ទៀតថា អាជ្ញាធរនិងសមត្ថកិច្ចស្រុក ក្រុង ខេត្តណា ដែលមិននាំគ្នាទប់ស្កាត់និងបង្ក្រាប បទល្មើសល្បែងស៊ីសង នៅក្នុងមូលដ្ឋានរបស់ខ្លួនទេ? អាជ្ញាធរនិងសមត្ថកិច្ចទាំងនោះ និងត្រូវប្រឈមបាត់បង់មុខតំណែងទៀតផង។
អង្គភាពអ្នកសារព័ត៌មានយើងខ្ញុំផ្សព្វផ្សាយគ្រាន់តែជាកញ្ចក់ឆ្លុះបញ្ចាំង រិះគុនក្នុងន័យស្ថាបនា ចូលរួមចំណែកជាមួយរាជរដ្ឋាភិបាល។ជុំវិញការចុះផ្សាយខាងលើនេះអង្គភាពសារព័ត៌មានយើងខ្ញុំ នឹងរងចាំទទួលការស្រាយបំភ្លឺ ពីសំណាក់សមត្ថកិច្ចពាក់ពន្ធ័នឹងម្ចាស់ទីតាំង រៀងរាល់ម៉ោងធ្វើការ ដើម្បីឆ្លុះបញ្ចាំងពីការពិត សុក្រឹតនិងយុត្តិធម៌តែប៉ុណ្ណោះ សូមអរគុណ!!!
