ចេញផ្សាយថ្ងៃ២៧ ខែមីនា ឆ្នាំ២០២៣
ខេត្តក្រចេះ៖បើតាមប្រភពច្បាស់ការបានប្រាប់អង្គភាបយើងថា មេឈ្មួញរកសុី អនុផលព្រៃឈើយ៉ាងសកម្មទាំងនោះរួមមាន៖
១.មេឈ្មួញ ឈ្មោះ លោកសឿង ឡុង មន្ត្រីយោធា រស់នៅភូមិដងទង់ ឃុំអាចេន ស្រុកសំបូរខេត្តក្រចេះ ២.លោកមុន្នី
៣.លោក អុងត្រូវគេស្គាល់ថាជាមន្ត្រីមុខងារយោធា ត្រូវបានមហាជនជាច្រើននៅខេត្តក្រចេះស្គាល់យ៉ាងច្បាស់ថា គឺជាឈ្មួញរកស៊ីឈើដុះស្លែដ៏ល្បីល្បាញជាច្រើនឆ្នាំមកហើយ និងមានការកាក់កបជាខ្លាំង ហើយគ្មានសមត្ថកិច្ចណា ឬមន្ត្រីជំនាញណាហ៊ានធ្វើការបង្ក្រាបជំនួញរកស៊ីឈើរបស់គាត់ឡើយមិនដឹងថា តើមន្ត្រីជំនាញ និងសមត្ថកិច្ទទាំងនោះទទួលបានលាភសក្ការៈពីមេឈ្មួញរកស៊ីឈើដុះស្លែទាំងអស់នោះឬមួយឈ្មោះ សឿង ឡុងនិង លោកមុនី លោកអ៊ុង មន្ត្រីយោធា មានខ្សែធំជាខ្នងបង្អែក ទើបបណ្តោយឲ្យឈ្មួញរូបនេះធើ្វការដឹកជញ្ជូនតាមអំពើចិត្តដូចនេះ?
ជាក់ស្តែងនៅយប់ថ្ងៃទី២៥ ខែមីនាឆ្នាំ២០២៣នៅវេលាម៉ោង០៧.៤១នាទី ក្រុមឈ្មួញបានធ្វើសកម្មភាពដឹកជញ្ជូនឈើ ហើយឈើ
ទាំងនោះបានដឹកចេញពីចំណុចព្រៃឡង់ ដោយឆ្លងកាត់ស្នាក់ការបរិស្ថាន នឹងស្នាក់ការជាច្រើនកន្លែងទៀត និងបានដឹកឆ្លងកាត់ត្រាំដុំ យកមកស្តុកទុកផ្ទះបន្ទាប់មកទើបដឹកយកទៅលក់ឲ្យឈ្មួញបន្ត។
បើតាមប្រភពនិយាយថា ឈ្មួញឈើឈ្មោះ លោកសឿង ឡុងនិងលោកមុន្នី លោកអុង រូបនេះ តែងតែដើរអួតប្រាប់គេឯងថា នៅទឹកដីខេត្តក្រចេះ គ្មានសមត្ថកិច្ចណា ឬមន្ត្រីជំនាញណាហ៊ានបង្ក្រាបឈើរបស់គាត់ឡើយ ព្រោះគាត់ចេះចែករំលែកលាភសក្ការៈ តើប្រភពខាងលើនេះជាការពិតដែរទេ?។
មហាជនមានការលើកឡើងថា តើលោក ឆាយ ដួងសាវុធ ជាពិសេសលោកប្រធានស្នាក់ការកំពតគយ លោកសាំងសុខន ហ្នឹងលោកមេព្រៃ លោក ផានសុហេងតើលោកធ្វើអ្វីបានជាមិនមានការទប់ស្កាត់ក៏ដូចជាប្រធានមន្ទីរបរិស្ថានខេត្តក្រចេះ ដាក់ពង្រាយកូនចៅដើម្បីអ្វី បើមិនព្រមបង្រ្កាបផងនោះ ? ចំណែកលោក ភារម្យ មន្ត្រីអាវុធហត្ថលើផ្ទៃប្រទេសដែលជាកម្លាំងថ្នាក់ជាតិចុះមកបង្ក្រាបបទល្មើសធនធានធម្មជាតិនៅចំណុចខាងលិចទន្លេ ស្រុកព្រែកប្រសព្វ និងស្រុកសំបូរ ក៏មិនដែលឃើញធ្វើការបង្ក្រាបដែរ? មហាជនមានរិះគន់ជាខ្លាំងថា
ទោះយ៉ាងណា ពាក់ព័ន្ធជំនួញរកស៊ីឈើរបស់ឈ្មួញឈើដុះស្លែប្រចាំខេត្តក្រចេះឈ្មោះ សឿងឡុង នេះដែរ លោក ឆាយ ដួងសាវុធ ប្រធានមន្ទីរបរិស្ថាន ខេត្តក្រចេះ អង្គភាព យើងខ្ញុំ មិនទាន់អាចទាក់ទងដើម្បីសុំការបំភ្លឺបានទេគិតត្រឹមម៉ោងផ្សាយនេះ។
ចំពោះព័ត៌មាននេះដែរ គ្រាន់តែជាសេចក្តីរាយការណ៍ជូនដល់ ឯកឧត្តម នាយឧត្តមសេនីយ៍ សៅ សុខា ប្រធានគណៈកម្មការថ្នាក់ជាតិបង្ក្រាបបទល្មើសធនធានធម្មជាតិ ជូនជ្រាប និងជួយមានវិធានការបង្ក្រាបទប់ស្កាត់ ខណៈជំនួយរកស៊ីឈើរបស់ឈ្មួញឈ្មោះ សឿងឡុងចូលទៅកាប់ អា ជ្រៀក ឈើនៅចំណុចភ្នំចែម៉ែរមានគោយន្តកន្ត្រៃ៤គ្រឿងទៅ៥គ្រឿង ឯចំណែកលោកមុន្នីមេឈ្មួញដល់ល្បីដឹកខ្នាតឡានសាំយ៉ុងចំនួនគ្រឿង បានធ្វើការដឹកជញ្ជូនយ៉ាងរលូនជារៀងរាល់យប់ ប៉ុន្តែមិនមានការរំខានទៅដល់មន្ត្រីជំនាញ និងសមត្ថកិច្ចពាក់ព័ន្ធតាមដងផ្លូវឡើយ៕
អង្គភាពអ្នកសារព័ត៌មានយើងខ្ញុំផ្សព្វផ្សាយគ្រាន់តែជាកញ្ចក់ឆ្លុះបញ្ចាំង រិះគុនក្នុងន័យស្ថាបនា ចូលរួមចំណែកជាមួយរាជរដ្ឋាភិបាល។ជុំវិញការចុះផ្សាយខាងលើនេះអង្គភាពសារព័ត៌មានយើងខ្ញុំ នឹងរងចាំទទួលការស្រាយបំភ្លឺ ពីសំណាក់សមត្ថកិច្ចពាក់ពន្ធ័នឹងសាមីខ្លួន រៀងរាល់ម៉ោងធ្វើការ ដើម្បីឆ្លុះបញ្ចាំងពីការពិត សុក្រឹតនិងយុត្តិធម៌តែប៉ុណ្ណោះ សូមអរគុណ!!!
