ភ្នំពេញ៖កាលពីថ្ងៃសុក្រ ៩កើត ខែមិគសិរ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី០២ ខែធ្នូ ឆ្នាំ២០២២កន្លងមកនេះ
លោកបណ្ឌិត ហោ គន្ធា ប្រធានសមាគមអភិវឌ្ឍន៍វិជ្ជាជីវៈអ្នកសារព័ត៌មានកម្ពុជា ហៅកាត់ថា CJDS បានធ្វើការអំពាវនាវ និងស្នេីសុំបណ្ដាអង្គភាព សារព័ត៌មាន ចូលរួមផ្សព្វផ្សាយពី វិស័យកសិកម្ម ទេសចរណ៍ និងឧស្សាហកម្ម ក្នុងទិសដៅលេីកស្ទួយសេដ្ឋកិច្ចជាតិ ក្នុងអំឡុងពេលកំពុងមានវិបត្តិសេដ្ឋកិច្ចសកល។
លោកបណ្ឌិតបានលេីកឡេីងដូច្នេះថា” បច្ចុបបន្ន ស្ថានភាពសេដ្ឋកិច្ចសកលកំពុងជួបវិបត្ដ ទាំងនេះក៏ជះឥទ្ធិពលមិនល្អដល់កម្ពុជាផងដែរ ក៏ប៉ុន្ដែវិស័យអទិភាពមួយចំនួន គួរតែមានការគាំទ្រ និងផ្សព្វផ្សាយឱ្យបានទូលាយ ដេីម្បីធ្វេីការទាក់ទាញវិនិយោគិន ក្នុងប្រទេស និងក្រៅប្រទេស ធ្វេីយ៉ាងឱ្យមានទីផ្សារដោះដូរ និងអភិវឌ្ឍន៍។
តួយ៉ាងដូចវិស័យកសិកម្ម ជាវិស័យមួយដេីរតួរយ៉ាងសំខាន់ក្នុងការលេីកស្ទួយសេដ្ឋកិច្ចជាតិ ស្រូវ អង្គរកម្ពុជាជាប់ចំណាត់ថ្នាក់លេខ១ លេីសកលលោកជាដេីម។ រីឯវិស័យផ្សេងៗ ក៏សំខាន់ក្នុងការពង្រឹងចរន្តសេដ្ឋកិច្ចផងដែរ”
ដោយហេតុដូច្នេះ ក្នុងនាមជាប្រជាពលរដ្ឋខ្មែរ និងជានិងជាតំណាងសមាគមអភិវឌ្ឍន៍វិជ្ជាជីវៈអ្នកសារព័ត៌មានកម្ពុជា សូមអំពាវនាវ ដល់បណ្ដាអង្គភាពសារព័ត៌មានក្នុងស្រុក មេត្តាយកចិត្តទុកដាក់ និងធ្វេីការផ្សព្វផ្សាយឱ្យបានធំទូលាយ ដោយផ្អែកលេីទិន្នន័យច្បាស់លាស់ពីបណ្ដាក្រសួងពាក់ព័ន្ធ។ នេះក៏អាចជាចលករមួយដែលធ្វេីឱ្យសេដ្ឋកិច្ចកម្ពុជាឈរលេីបន្ទាត់ពណ៌ខៀវ និងរក្សាបាននូវលំនឹងភាព សេដ្ឋកិច្ច និងស្ថេរភាពនយោបាយ សង្គម។
ទាំងនេះគឺជាទម្រង់សម្ដីដេីម របស់លោកបណ្ឌិត ហោ គន្ធា ក្នុងការអំពាវនាវ និងស្នេីសុំបណ្ដាអង្គភាពសារព័ត៌មានក្នុងស្រុក។ 
