ចេញផ្សាយថ្ងៃអង្គារទី២៩ខែវិច្ឆិកា ឆ្នាំ២០២២
ខេត្តព្រៃវែង៖ប្រជាពលរដ្ឋកំពង់តែឆ្ងល់ថាហេតុអ្វីបានជាអាជ្ញាធរពាក់ពន្ធ័ក្នុងមូលដ្ឋានបណ្តោយអោយកាស៊ីណូ(casino HoTel HeRo 777)មួយកន្លែងដែល ស្ថិតនៅក្នុងឃុំបន្ទាយចក្រី ស្រុកព្រះស្តេច ខេត្តព្រៃវែង បើកអោយពលរដ្ឋខ្មែរ ចូលទៅលេងល្បែងស៊ីសង «ជល់មាន់ អាប៉ោង យូគឺ» យ៉ាងគឃ្លើន ផ្គើននឹងប្រសាសន៍ សម្តេចតេជោនាយករដ្ឋមន្ត្រីនឹងសម្តេច ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលបានដាក់បទបញ្ជាអោយបង្ក្រាបបទល្មើសគ្រប់ប្រភេទ ក្នុងតំបន់ដែលខ្លួនគ្រប់គ្រង។
ប្រជាពលរដ្ឋដែលរស់នៅនៅតំបន់នោះ បានលួចបង្ហើបប្រាប់សារព័ត៌មានទាំងភ័យខ្លាចថា ទីតាំងខាងលើនេះ សម្បូរពលរដ្ឋខ្មែរ ចេញចូលយ៉ាងស្រស្រាក់ស្រស្រាំ ដូចនេះពួកគាត់មានការភ័យខ្លាចចំពោះសុខទុក្ខរបស់គាត់នៅពេលយប់ «ពោលគឺ៖ ទីណាមានអ្នកលេងល្បែង ទីនោះមានចោរលួច ចោឆក់ ចោរប្លន់ វ៉ៃកាប់ចាក់ គោសផ្ទះប្រជាពលរដ្ឋជាមិនខាន»ល្បែងជាដើមចមនៃការបង្កបង្កើតបទល្មើសក្នុងមូលដ្ឋាន។
ករណីប្រជាពលរដ្ឋខ្មែរចូលលេងល្បែងសុីសងក្នុងកាសុីណូខាងលើប្រភពស្នើសុំលោកឧត្តមសេនីយ៍ទោ ព្រុំ សន្ធរ ស្នងការនគរបាលខេត្តព្រៃវែង
ឯកឧត្តម ជា សុមេធី អភិបាលខេត្តព្រៃវែងគួរតែចាត់មន្ត្រីជំនាញគណៈបញ្ជាការឯកភាពខេត្តចុះពិនិត្យនិងធ្វើការបង្ក្រាបដើម្បីចូលរួមគោរពតាមប្រសាសន៍សម្តេចតេជោនឹងសម្តេច ស ខេង ផងទាន។(នៅមានត)
ជុំវិញការចុះផ្សាយខាងលើនេះអង្គភាពសារព័ត៌មានយើងខ្ញុំ នឹងរងចាំទទួលការស្រាយបំភ្លឺ ពីសំណាក់សមត្ថកិច្ចពាក់ពន្ធ័ នឹងម្ចាស់ទីតាំងរៀងរាល់ម៉ោងធ្វើការ ដើម្បីឆ្លុះបញ្ចាំងពីការពិត សុក្រឹតនិងយុត្តិធម៌តែប៉ុណ្ណោះ សូមអរគុណ!!!
