ចេញផ្សាយថ្ងៃអាទិត្យទី២៧ខែវិច្ឆិកាឆ្នាំ២០២២
ខេត្ដព្រៃវែង៖ប្រភពច្បាស់ការពីប្រជាពលរដ្ឋ ដែលរស់នៅភូមិកគោ ឃុំបន្ទាយចក្រី ស្រុកព្រះស្តេច ខេត្តព្រៃវែង បានអោយអង្គភាពយើងដឹងថា៖(CASINO HOTEL HERO 777)កំពុងតែបើកដៃអោយប្រជាពលរដ្ឋចូលលេងល្បែងសុីសងបញ្ជល់មាន់យ៉ាងពពាក់ពពូនជារៀងរាល់ថ្ងៃ។
ប្រភពលេីកឡេីងថា កាសុីណូយីហោ (CASINO HOTEL HERO 777) មួយនេះពួកគាត់ឃេីញមានតែពលរដ្ឋខ្មែរចូលលេងល្បែងប្រជល់មាន់យ៉ាងគគ្រឹកគគ្រេងដោយមិនខ្លាចញញ្ញេីតអ្វីទាំងអស់ហាក់បីដូចប្រទេសគ្មានច្បាប់អញ្ចឹង ។ចំណែកអាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋានវិញមិនមានចំណាត់ការនោះទេ បែរជានាំគ្នាសម្ងំស្ងៀមទៅវិញ ។
ពលរដ្ឋបានលេីកឡេីងនិងខ្សឹបប្រាប់អ្នកសារព័ត៌មានយើងថា ពួកគាត់មានការព្រួយបារម្មណ៍អំពីសុវត្ថិភាពនិងសន្តិសុខនៅក្នុងមូលដ្ឋានរបស់ពួកគាត់ រស់នៅខ្លាចកេីតមាននូវអំពេី លួច.ឆក់.ប្លន់.និងការប្រើអំពេីហឹង្សាក្នុងគ្រួសារជាដេីម ព្រោះល្បែងសុីសងជាដេីមចម នៃបទល្មេីស ផ្សេងៗ ។ ពលរដ្ឋឆ្ងល់ថា ឯណាទៅភូមិឃុំមាន សុវត្ថិភាព ទាំង៧ចំណុចរាដ្ឋាភិបាលកម្ពុជា ដែលបានអោយមន្ត្រីក្រោមឱវាទអនុវត្តន៍នោះ ។
គួររំលឹកថា ស,ជ,ណ ដែលចេញដោយទីស្តីការគណៈរដ្ឋមន្ត្រីអនុញ្ញាតផ្តល់អាជ្ញាប័ណ្ណឲ្យបើកមជ្ឈមណ្ឌលកំសាន្ត ហើយពលរដ្ឋខ្មែរមិនត្រូវបានអនុញ្ញាតឲ្យចូលលេងល្បែងក្នុងកាស៊ីណូនោះឡើយ។តែផ្ទុយទៅវិញកាស៊ីណូដែលមានយីហោ(CASINO HOTEL HERO 777)គៀងគរបណ្ដែតបណ្ដោយឱ្យពលរដ្ឋខ្មែរចូលលេងយ៉ាងបែបនេះទៅវិញ ។
ជាក់ស្តែងនៅថ្ងៃអាទិត្យទី២៧ខែវិច្ឆិកាឆ្នាំ២០២២អង្គភាពយើងខ្ញុំបានចុះដល់ទីតាំងឃើញថាមានប្រជាពលរដ្ឋខ្មែរបានចូលលេងល្បែងសុីសងបញ្ជល់មាន់នៅក្នុងកាសុីណូខាងលើពិតប្រាកដមែននឹងបានថតយករូបភាពដើម្បីផ្សព្វផ្សាយជូនដល់ថ្នាក់លើលោកបានជ្រាបផងដែរ។
ករណីពលរដ្ឋខ្មែរចូលលេងល្បែងសុីសងខាងលើនេះប្រជាពលរដ្ឋស្នើសុំដល់លោក សេង ហ៊ាង អធិការស្រុក នឹង លោក ភុន សម្ផស្ស អភិបាលស្រុកព្រះស្ដេច សូមមេត្តាមានវិធានការចំពោះ កាសុីណូខាងលើផងទាន ព្រោះមានពលរដ្ឋខ្មែរចូលលេងល្បែងយ៉ាងច្រើន។
ជុំវិញការចុះផ្សាយខាងលើនេះអង្គភាពសារព័ត៌មានយើងខ្ញុំ នឹងរងចាំទទួលការស្រាយបំភ្លឺ ពីសំណាក់សមត្ថកិច្ចពាក់ពន្ធ័ នឹងម្ចាស់ទីតាំងរៀងរាល់ម៉ោងធ្វើការ ដើម្បីឆ្លុះបញ្ចាំងពីការពិត សុក្រឹតនិងយុត្តិធម៌តែប៉ុណ្ណោះ សូមអរគុណ!!!
