តំណាងអង្គការសង្រ្គោះកុមារ ហៅកាត់ថា Save the Children បានវាយតម្លៃជាមធ្យមពីការប្រមូលផលកសិកម្មរបស់ប្រជាកសិករអ្នកខេត្តកោះកុងក្នុង១ឆ្នាំៗអាចរកចំណូលបានពី១.០០០ដុល្លារទៅ២.០០០ដុល្លារ។ នេះជាការសន្និដ្ឋានវាយតម្លៃរបស់លោកស្រី ប៊ីយ៉ាងកា ខលីយ័រ នាយិកាស្តីទីអង្គការ Save the Children ប្រចាំនៅកម្ពុជា ក្នុងវេទិកាស្តីពីភស្តុតាងសម្រាប់កម្មវិធីលើកកម្ពស់ជីវភាពប្រជាពលរដ្ឋតាមរយៈការពង្រឹងផលិតកម្ម និងទីផ្សារ ក្រោយពីកសិករនៅខេត្តកោះកុងអនុវត្តគម្រោងស្ទៀររយៈពេល៣ឆ្នាំកន្លងទៅ។
លោកស្រី ប៊ីយ៉ាងកា ពន្យល់នៅថ្ងៃទី១៤ ខែមិថុនា ឆ្នាំ២០២២ថា ពាក់កណ្តាលអនុវត្តគម្រោងស្ទៀរនៅស្រុកថ្មបាំង ស្រុកស្រែអំបិល និងស្រុកបូទុមសាគរ ក្រុមការងាររកឃើញថា ចំណូលរបស់កសិករ អ្នកលក់ធាតុចូល និងអ្នកប្រមូលទិញ គឺកើនឡើងពី១ឆ្នាំទៅ១ឆ្នាំ។ រីឯ២៤ភាគរយនៃអ្នកលក់ផលកសិកម្មជាមួយដៃគូអភិវឌ្ឍន៍សម្រេចបាន៨០ភាគរយនៃចំណូលប្រចាំឆ្នាំរបស់ពួកគាត់។
លោកស្រីនាយិកាអង្គការសង្រ្គោះកុមារ បន្ថែមទៀតថា ស្រ្តីមានការចូលរួមច្រើនបង្កបង្កើនផល ទិញ និងលក់ផលកសិកម្មដែលអនុវត្តបានពី១៧ទៅ៣១ភាគរយ។ តាមរយៈគម្រោងស្ទៀរនេះដែរ ក៏រកឃើញថា កុមារកុមារ២០ភាគរយត្រូវបានកាត់បន្ថយពីផលប៉ះពាល់ ឬភាពងាយរងគ្រោះ។ គួរជម្រាបថា គម្រោងស្ទៀរនេះ មានបំណងធ្វើយ៉ាងណាសេដ្ឋកិច្ចគ្រួសារ និងផ្តល់ភាពធន់ដល់ប្រជាកសិករ តាមរយៈវិធីសាស្រ្តរកទីផ្សារលក់ផលិតកម្មកសិកម្ម។
ជាក់ស្តែង៣ឆ្នាំកន្លងទៅនេះ អង្គការ Save the Children វិធីសាស្រ្តសំខាន់ទាក់ទងនឹងការផ្តល់ប្រាក់ចំណូលបែកកសិកម្មវៃឆ្លាត និងសមភាពយេនឌ័រដល់កុមារ។ ក្នុងនោះខេត្តកោះកុង បានអនុវត្តគម្រោងពីខែឧសភា ឆ្នាំ២០១៨ដល់ខែមេសា ឆ្នាំ២០២២។
អ្នកស្រី នុត ដានី និងលោក ញឹម សាវុធ តំណាងប្រជាកសិករមកពីឃុំឬស្សីជ្រុំ ស្រុកថ្មបាំង ដែលរកប្រាក់ចំណូលបានច្រើនពីចូលរួមសិក្សាវគ្គបណ្តុះបណ្តាលជំនាញបច្ចេកទេសកសិកម្មរបស់គម្រោងស្ទៀរ លើកឡើងថា ជីវភាពរបស់ពួកគាត់ហាក់ប្រែប្រួលច្រើន និងមានប្រាក់ចំណូលចាយវាយផ្គត់ផ្គង់គ្រួសារឥតដាច់ឡើយ។ នេះដោយសារតែមានចំណេះដឹងជំនាញធ្វើកសិកម្ម តាមរយៈគម្រោងស្ទៀររបស់អង្គការសង្រ្គោះកុមារក្នុងមូលដ្ឋានរយៈកាល២ឆ្នាំមកនេះ។
តំណាងកសិករ ឱ្យដឹងដែរថា ពួកគាត់ដាំដុះឪឡឹកពណ៌លឿង ចេក ត្រសក់ត្រើង ឆៃថាវ ខាត់ណា និងស្ពៃក្តោប ពិតជាមានផលច្រើនមិននឹកស្មានហើយមានទីផ្សារលក់ចេញមិនចាំបាច់បារម្ភអ្វីនោះទេ។ ធៀបនឹងការដាំដុះបែបបូរណពុំសូវមានទិន្នផល និងចំណូលច្រើនឡើយ។ កសិករ ផ្តាំផ្ញើដល់កសិករដ៏ទៃទៀតដែរថា ចូលបានទិន្នផលច្រើន លុះត្រាតែឧស្សហ៍ព្យាយាមបង្កបង្កើនផល និងមានចំណេះដឹងបច្ចេកទេសច្បាស់លាស់។
តំណាងកសិករគំរូនៅស្រុកថ្មបាំង ទាំងពីរនាក់នេះ ថ្លែងអរគុណដល់អង្គការសង្រ្គោះកុមារ រដ្ឋបាលស្រុក និងមន្រ្តីការិយាល័យកសិកម្មដែលយកចិត្តទុកដាក់អប់រំពីវិធីសាស្រ្តធ្វើកសិកម្មទទួលបានផលដូចនេះ។ ហើយពួកគាត់នឹងចែករំលែកចំណេះដឹង បទពិសោធន៍ការធ្វើកសិកម្មទទួលបានផលនេះទៅកាន់ប្រជាកសិករក្នុងមូលដ្ឋានដ៏ទៃទៀតផងដែរ។
លោក សំឃិត វៀន អភិបាលរងខេត្តកោះកុង បង្ហាញគាំទ្រជំរុញលើកទឹកចិត្តដល់មន្ទីរជំនាញ អង្គការស្ថាបនាដៃគូអភិវឌ្ឍន៍នានា បន្តពង្រីក និងកិច្ចសហការគ្នាឱ្យកាន់តែប្រសើរឡើងថែមទៀតលើវិស័យកសិកម្មនេះ ដើម្បីជាឧត្តមប្រយោជន៍ដល់ពលរដ្ឋ និងកុមារ ទាំងបច្ចុប្បន្ន និងទៅអនាគត។ លោកអភិបាលរងខេត្ត ក៏ចាត់ទុកថាវត្តមានអង្គការដៃគូអភិវឌ្ឍន៍វិស័យកសិកម្ម ពិតជាមានសារៈសំខាន់ក្នុងការផ្តល់កំណើនសេដ្ឋកិច្ចដល់ប្រជាកសិករនៅខេត្តកោះកុង ព្រោះបង្ហាញពីភាពជាម្ចាស់ការ ការទទួលខុសត្រូវ និងតម្លាភាព។ រាជរដ្ឋាភិបាលនៅតែជាវិស័យកសិកម្ម ជាវិស័យអាទិភាពសម្រាប់ជំរុញកំណើនសេដ្ឋកិច្ចប្រជាពលរដ្ឋ និងសេដ្ឋកិច្ចជាតិុ។ជាពិសេសក្នុងបរិបទកូវីដ១៩ អង្គការសង្គមស៊ីវិល វិស័យឯកជន និងអាជ្ញាធរដែនដីសហការរួមគ្នាដោះស្រាយ ដើម្បីឱ្យវិស័យកសិកម្មក្នុងខេត្តកាន់តែល្អប្រសើរឡើង៕
