ចេញផ្សាយថ្ងៃទី០២ខែមិថុនាឆ្នាំ២០២២
ខេត្តរតនគិរី៖ប្រភពពីប្រជាសហគមន៍ជនជាតិកំណើតដើមភាគតិច ច្រាយប្រមាណជាង៩គ្រួសារសព្វថ្ងៃរស់នៅភូមិតាំងជិ ឃុំញ៉ាង ស្រុកអណ្តូងមាស ខេត្តរតនគិរី បានអោយដឹងថា៖ពួកគាត់កំពុងប្រឈមនិងការបាត់បង់ដីចំការរបស់ពួកគាត់ខំកាប់ឆ្ការជម្រះស្មៅដាំស្រូវ និងដំណាំកសិកម្មផ្សេងៗសំរាប់អាស្រ័័យផលជារៀងរាល់ឆ្នាំរហូតមក ត្រូវបានក្រុមជនឆ្លៀតឪកាស ហៅថាកន្ទេលធំបន្លំដេកនាំគ្រឿងចក្រម៉ាក អេស្កាវ៉ាទ័រចូលឈូសឆាយកាយប្រឡាយបិទផ្លូវហាមឃាត់និងបញ្ឈប់ពួកគាត់មិនអោយចូលទៅអាស្រ័យផល ដូចជាការសំអាតដាំដុះ(ដំឡូងមុីជាដើម) ព្រោះដល់រដូវដាំដុះហើយនោះ។
ប្រជាពលរដ្ឋជនជាតិភាគតិចបន្តថា៖ពួកគាត់ជាង៩គ្រួសារទទូចស្នើសុំដល់ថ្នាក់ដឹកនាំ អាជ្ញាធរគ្រប់ជាន់ថ្នាក់ ជាពិសេស ឯកឧត្ដមលោកជំទាវ លោក លោកស្រី ដែលមានភារកិច្ចនិងតួរនាទីគ្រប់គ្រងផ្នែកដីធ្លី មេតា្តចុះមកជួយអន្តរាគមន៍ តាមរយះនៃការផ្សព្វផ្សាយព័ត៌មាននេះចេញទៅ ។
ការជួបជុំទទូចស្នើសុំដល់អាជ្ញាធរនេះ ធ្វើឡើងនៅថ្ងៃទី០១.០៦.២០២២ វេលាម៉ោង១២.០០ថ្ងៃត្រង់ នៅលើដីចំការព្រៃសហគមន៍ពួកគាត់ផ្ទាល់តែម្តង ត្រង់ចំណុចខាងលិចដីចំការក្រុមហ៊ុន ៧មករាផារី ស្ថិតក្នុងភូមិតាំងជិ ឃុំញ៉ាង ស្រុកអណ្តូងមាស របស់ខេត្តរតនគិរី ។
ប្រជាសហគមន៍ជាងង៩គ្រួសារ កើតទុក្ខពុំសុខចិត្តនៅទង្វើរបស់បុគ្គលមួយចំនួនដែលអះអាងថា ជាមេកាអោយក្រុមហ៊ុន 7មករាផារី ឈ្មោះ ឃុម កាលពីថ្ងៃទី8 ខែ ឧសភាឆ្នាំ២០២២កន្លងទៅថ្មីៗនេះបាននាំគ្រឿងចក្រម៉ាក អេស្កាទ័រ ចំនួនពីបីគ្រឿងចូលឈូសកំទេចដំណាំដាំដុះផ្សេងៗនៅលើដីចំការពួកគាត់ខ្ទេចអស់គ្មានសល់ ដំណាំទាំងនោះរួមមាន៖ ស្វាយចន្ទី ដំឡូងមី ស្រូវ ជាដើម ដោយពុំមានប្រកាសជូនដំណឹងដល់ពួកគាត់ឡើយ។
ប្រជាពលរដ្ឋលើកឡើងទៀតថា៖
«សំឡេង»ពួកគាត់ ខណះកំពុងឈូសឆាយនោះមានទាំងប៉ូលិសប៉ុស្តិ៍ទៅយាមកាមឲ្យទៀត ហាមពួកគាត់ កុំឲ្យយកទូរស័ព្ទ ថត គ្រឿងចក្រនោះនិង យកទូរស័ព្ទពួកគាត់មកលុបរូបចោលហើយគំរាមពួកគាត់ដាក់គុកថែមទៀត។
សូមបញ្ជាក់ថាខាលើនេះគឺជាសំដីរបស់ប្រជាពលរដ្ឋ។
បើតាមកិច្ចសំភាសរបស់អ្នកយកព័ត៌មាន ជាមួយលោកអភិបាល ពាក់ព័ន្ធបញ្ហាដីខាងលើនេះ
«សំឡេង»លោក កង សារឿន អភិបាលស្រុកអណ្តូងមាស នៅថ្ងៃទី១ខែឧសភាឆ្នាំ២០២២នេះថា រឿងដីខាងលើនេះលោកដឹងតាំងពីលោកពុំទាន់មកកាន់ស្រុកអណ្តូងមាសម៉្លេះ ហើយលោកក៍មិនហ៊ានសន្និដ្ឋានថា ក្រុមហ៊ុនអ្នកខុសឬ ប្រជាជនអ្នកត្រូវនោះទេ ដោយសារកៀកថ្ងៃបោះឆ្នោតហើយ រងចាំបោះឆ្នោតហើយលោកនិងចាត់ចែងក្រុមការងារចុះទៅដោះស្រាយ។
ភាគច្រើនឮសូរថា
ប្រជាជនទៅធ្វើចំការលើដីក្រុមហ៊ុន។
បើតាម ខាងបច្ចេកវិទ្យាពិនិត្យលើកាមេរ៉ាUTM ដែលជាលទ្ធផលដីនេះស្ថិតក្នុងដែនជីវះចម្រុះដែលគ្រប់គ្រងដោយមន្ត្រីបរិស្ថាន មិនស្ថិតលើដីក្រុមហ៊ុន 7មករាផារី នោះឡើយ។
ដូច្នេះបុគ្គលដែលតាំងខ្លួនជាមេកាក្រុមហ៊ុន ៧ មករាផារីនោះបាននាំគ្រឿងចក្រទៅឈូសឆាយគាស់រំលើងដើមឈើធំដូចរាបស្មើ ជាពិសេសឈូសរំលោភបំពានយកដីចំការវិលជុំរបស់បងប្អូនជនជាតិដើមភាគតិចប៉ះពាល់សតិអារម្មណ៍ពួកគាត់យ៉ាងខ្លាំងសឹងពេញឃុំញ៉ាងស្រុកអណ្តូងមាសទាំងមូលកៀកថ្ងៃបោះឆ្នោតផង សូមគណះបញ្ជាការឯកភាពខេត្តដែលដឹកនាំដោយ ឯ.ឧ ញ៉ែម សំអឿន មេត្តារកយុត្តិធម៌ជូនពួកគាត់ផង៕ រាយការណ៍ចេញពីភូមិតាំងជិ ឃុំញ៉ាង ស្រុក អណ្ដូងមាស ខេត្តរតនៈគិរី
ជុំវិញការចុះផ្សាយខាងលើអង្គភាពសារព័ត៌មានយើងខ្ញុំ នឹងរងចាំការស្រាយបំភ្លឺ ពីសំណាក់សមត្ថកិច្ចពាក់ពន្ធ័ រៀងរាល់ម៉ោងធ្វើការ។ សូមអរគុណ!
