(អូររាំងឪ) ៖ ឯកឧត្តម ង៉ូវ បូរីណា សមាជិកយុវជនគណបក្សថ្នាក់កណ្តាល ប្រធានក្រុមការងារយុវជនគណបក្សក្រសួងបរិស្ថាន និងជាអនុប្រធានទី២ ក្រុមការងារគណបក្សចុះជួយមូលដ្ឋានស្រុកអូររាំងឪ អញ្ជើញចូលរួមក្នុងកម្មវិធីអប់រំសុខភាព អនាម័យបរិស្ថាន និងពិនិត្យព្យាបាលជំងឺទូទៅដោយឥតគិតថ្លៃ របស់ក្រុមគ្រូពេទ្យស្ម័គ្រចិត្ត នៃអង្គការគ្រូពេទ្យគ្មានព្រំដែន ប្រទេសម៉ាឡេស៊ី ក្រោមអធិបតីភាព ឯកឧត្តមបណ្ឌិត អ៊ាង សុផល្លែត ជាប្រធានក្រុមការរាជរដ្ឋាភិបាលចុះជួយមូលដ្ឋានខេត្តត្បូងឃ្មុំ និងជាប្រធានក្រុមការងារគណបក្ស ចុះជួយមូលដ្ឋានស្រុកអូររាំងឪ ពញាក្រែកនិងត្បូងឃ្មុំ និង ឯកឧត្តម Shaharuddin Bin Onn ឯកអគ្គរាជទូតម៉ាឡេស៊ីប្រចាំប្រទេសកម្ពុជា ស្ថិតនៅក្នុងបរិវេណវិទ្យាល័យ ហេង សំរិន ចក ស្ថិតនៅភូមិចំឡាក់ ឃុំចក ស្រុកអូររាំងឪ ខេត្តត្បូងឃ្មុំ នៅព្រឹកថ្ងៃទី៣០ ខែសីហា ឆ្នាំ២០២៥ ។
ថ្លែងក្នុងកម្មវិធី ឯកឧត្តមបណ្ឌិតប្រធានក្រុមការងារ បានថ្លែងអំណរគុណដល់ ក្រុមគ្រូពេទ្យស្ម័គ្រចិត្ត នៃអង្គការគ្រូពេទ្យគ្មានព្រំដែន ប្រទេសម៉ាឡេស៊ី ដែលបានចំណាយពេលវេលាដ៍មានតម្លៃចុះមក អប់រំសុខភាព អនាម័យបរិស្ថាន និងពិនិត្យព្យាបាលជំងឺទូទៅដោយឥតគិតថ្លៃ ជូនប្រជាជនកម្ពុជាដោយយកចិត្តទុកដាក់ នេះបង្ហាញអោយឃើញថាជាការចូលរួមដល់សំខាន់ក្នុងវិស័យសុខាភិបាល ជាពិសេសរួមចំណែកជាមួយ រាជរដ្ឋាភិបាលកម្ពុជាផងដែរ ។
ឆ្លៀតក្នុងឱកាសនេះផងដែរ ឯកឧត្តមបណ្ឌិតប្រធានក្រុមការងារ បានប្រគល់នូវរទេះជនពិការ ដែលជាអំណោយរបស់សម្បុរសជន ពីប្រទេសសឹង្ហបុរី ចែកជូនប្រជាពលរដ្ឋដែលពិការភាព សម្រាប់ប្រើប្រាស់ចាំបាច់ក្នុងតម្រូវការប្រចាំថ្ងៃ៕
