ក្នុងរយៈកាលចុងក្រោយនេះ កម្លាំងកងរាជអាវុធហត្ថខេត្តសៀមរាប បានធ្វើការបង្រាបក្មេងទំនើងជាច្រើននាក់ ធ្វើការអប់រំ និងមានបញ្ជូនទៅតុលាការផ្ដន្ទាទោសផងដែរ រហូតធ្វើឱ្យសកម្មភាពក្មេងទំនើងត្រូវបានស្ងប់ស្ងាត់ ទទួលបានការគាំទ្រ និងសាទរពីមហាជនគ្រប់មូលដ្ឋាន ស្រាប់តែនៅយប់ថ្ងៃទី១១ ខែសីហា ឆ្នាំ២០២៥ មានក្រុមក្មេងទំនើង ចំនួន១១នាក់ បានធ្វើសកម្មភាពប្រដាប់ដោយកាំបិតផ្គាក់ ដេញកាប់គ្នា និងកាប់ម៉ូតូ នៅចំណុចបន្ទប់ជួលស្ថិតក្នុងភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្តសៀមរាប ។ លុះដល់ម៉ោង០៩និង១០នាទី ថ្ងៃទី១២ ខែសីហា ឆ្នាំ២០២៥ ត្រូវបានកម្លាំងកងរាជអាវុធហត្ថខេត្តសៀមរាប ធ្វើការឃាត់ខ្លួន ក្នុងចំណោមក្មេងទំនើង ទាំង១១នាក់នេះ មាន០៣នាក់ បានពិនិត្យរកឃើញមានសារធាតុញៀន។
បច្ចុប្បន្ន៖ ជនសង្ស័យទាំង១១នាក់ខាងលើ ត្រូវបានការិយាល័យជំនាញកងរាជអាវុធហត្ថខេត្តសៀមរាប កសាងសំណុំរឿង បញ្ជូនទៅសាលាដំបូងខេត្តសៀមរាប ដើម្បីចាត់ការតាមនីតិវិធីច្បាប់។
