ភ្នំពេញ៖នាថ្ងៃព្រហស្បតិ៍ ៤កើត ខែបឋមាសាឍ ឆ្នាំមមី អដ្ឋស័ក ពុទ្ធសរាជ២៥៧០ ត្រូវនឹងថ្ងៃទី១៨ ខែមិថុនា ឆ្នាំ២០២៦ គណៈបញ្ជាការឯកភាពខណ្ឌមានជ័យ ដឹកនាំដោយ លោក សេង គន្ធ អភិបាលនៃគណៈអភិបាលខណ្ឌ បានអញ្ជើញចុះរៀបចំសន្តិសុខសណ្តាប់ធ្នាប់រៀបរយ (ហាមរថយន្តធំៗចតលេីចិញ្ចេីមផ្លូវ) ឃ្លាំងស្តុក និងចែកចាយទំនិញ ផ្លូវ៩អឹមសុី (ទីលានចាក់សំរាមចាស់) ស្ថិតនៅភូមិដំណាក់ធំ និងភូមិដំណាក់ធំ១ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។
ដោយមានសមាសភាពចូលរួម៖
-គណ:នាយកខណ្ឌ
-អធិការរងនគរបាលខណ្ឌមានជ័យ
-កងរាជអាវុធហត្ថខណ្ឌមានជ័យ
-កម្លាំងសន្តិសុខសណ្តាប់ធ្នាប់ខណ្ឌ
-ចៅសង្កាត់ស្ទឹងមានជ័យទី២
-ប៉ុស្តិ៍នគរបាលរដ្ឋបាលស្ទឹងមានជ័យទី២
-និងលោក-លោកស្រីជាម្ចាស់ឃ្លាំងមានចំនួន ១០ទីតាំង រួមមាន៖
១-លោក ហុង សិត្ថា ភេទប្រុស ឃ្លាំងស្តុកសម្ភារៈអគ្គិសនី
២-លោក ស៊ិន វ៉ាន់នី ភេទប្រុស ឃ្លាំងប៉េ០៣(ប៉េសូន្យ បី)
៣-លោក ឯម រដ្ឋា ភេទប្រុស ឃ្លាំងការ៉ូ
៤-លោក ជាន វណ្ណឆៃ ឃ្លាំងភេសជ្ជៈ
៥.លោកស្រី ម៉ារិន ខាន់ណារ៉ា ភេទស្រី ឃ្លាំងនំគ្រប់មុខ
៦-លោក រាម សារិន ភេទប្រុស ឃ្លាំងដាក់ឡាន
៧-លោក តែ ផល្លា ភេទប្រុស ឃ្លាំងការ៉ូ
៨-លោក ផល សិទ្ធ ភេទប្រុស ឃ្លាំង០៦(សូន្យប្រាំមួយ)
៩-លោក ម៉ែន ស្រ៊ុន ឃ្លាំងខោអាវជជុះ
១០-ឈាង វ៉ា ឃ្លាំងការ៉ូ។
ក្រោយពីជួបជុំគ្នាលោកអភិបាល បានធ្វើការណែនាំដូចខាងក្រោម៖
១.ម្ចាស់ទីតាំងត្រូវណែនាំដល់អ្នកបើកបររថយន្ដ មិនត្រូវឈប់ ឬចតយានយន្តគ្រប់ប្រភេទ នៅលើដងផ្លូវ។
២.មិនអនុញ្ញាតឲ្យផ្ទេរអីវ៉ាន់ ពីរថយន្តមួយទៅរថយន្តមួយ នៅលើដងផ្លូវ។
៣.មិនអនុញ្ញាតឲ្យរថយន្តធុនធំ ចេញចូលខុសពេលវេលាកំណត់របស់សាលារាជធានីភ្នំពេញ។
៤.ត្រូវថែរក្សាបរិស្ថាន អនាម័យ សណ្តាប់ធ្នាប់មុខឃ្លាំងរបស់ខ្លួនឲ្យបានស្អាតជាប់ជាប្រចាំ ។
៥.រៀបចំកម្លាំងប្រជាការពារសង្កាត់ និងសន្តិសុខសណ្តាប់ធ្នាប់ខណ្ឌ ដាក់ប៉ារ៉ាស់គោលដៅយាមប្រចាំការជាប់ជាប្រចាំ នៅចំណុចច្រកចូល (ផ្លូវទីលានចាក់សំរាមចាស់) ហាមមិនឱ្យរថយន្តធុនធ្ងន់ចរាចណ៍ទេ។
ក្រោយពីបានទទួលការណែនាំពី លោកអភិបាល រួចមក លោក-លោកស្រី ម្ចាស់ និងតំណាងម្ចាស់ទីតាំងឃ្លាំងខាងលើ បានឯកភាពទទួលយក និងសន្យាអនុវត្តតាមការណែនាំខាងលើ ក្នុងករណីមិនគោរពតាមការណែនាំ សុខចិត្តទទួលខុសត្រូវចំពោះមុខច្បាប់ ដោយបានផ្តិតមេដៃស្តាំទុកជាភស្តុតាង៕
