ប្រជាពលរដ្ឋនៅមូលដ្ឋានបានស្នើសុំឱ្យអាជ្ញាធរមានសមត្ថកិច្ច និងមន្ត្រីពាក់ព័ន្ធ មេត្តាចុះពិនិត្យសំណង់មួយកន្លែង ស្ថិតនៅភូមិព្រែកស្វាយ២ ឃុំឈើទាល ស្រុកកៀនស្វាយ ខេត្តកណ្ដាល ដើម្បីបញ្ជាក់ពីភាពស្របច្បាប់នៃការសាងសង់។
ប្រជាពលរដ្ឋបានលើកឡើងថា សំណង់ខាងលើកំពុងដំណើរការសាងសង់ ហើយស្នើឱ្យអាជ្ញាធរឃុំ មន្ត្រីជំនាញ និងស្ថាប័នពាក់ព័ន្ធ ចុះត្រួតពិនិត្យថា តើសំណង់នេះមានលិខិតអនុញ្ញាតសាងសង់ និងឯកសារច្បាប់គ្រប់គ្រាន់ដែរឬទេ ដើម្បីធានាថាការសាងសង់ប្រព្រឹត្តទៅស្របតាមនីតិវិធី និងបទប្បញ្ញត្តិជាធរមាន។
ប្រជាពលរដ្ឋក៏សង្ឃឹមថា អាជ្ញាធរនឹងយកចិត្តទុកដាក់ពិនិត្យករណីនេះដោយតម្លាភាព និងផ្តល់ព័ត៌មានជូនសាធារណជនឱ្យបានច្បាស់លាស់ ដើម្បីបញ្ចៀសការយល់ច្រឡំ និងរក្សាសណ្តាប់ធ្នាប់ក្នុងមូលដ្ឋាន។
សូមបញ្ជាក់ថា ការលើកឡើងខាងលើគឺជាការស្នើសុំឱ្យមានការត្រួតពិនិត្យពីសំណាក់អាជ្ញាធរពាក់ព័ន្ធប៉ុណ្ណោះ ហើយមិនទាន់មានការបញ្ជាក់ជាផ្លូវការណាមួយថា សំណង់នេះខុសច្បាប់ ឬស្របច្បាប់នៅឡើយទេ។
ពាក់ព័ន្ធនឹងការចុះផ្សាយខាងលើ អង្គភាពយើងខ្ញុំ ធ្វើការផ្សព្វផ្សាយទៅតាមវិជ្ជាជីវៈអ្នកសារព័ត៌មាន ហើយជាសេចក្តីជូនដំណឹង ដល់អាជ្ញាធរតែប៉ុណ្ណោះ មិនមានចេតនាញុះញង់បំបែកបំបាក់មួលបង្កាច់ បង្ខូចបុគ្គល ស្ថាប័ន ឬអង្គភាពណាមួយឡើយ គោលបំណង់ចូលរួមក្នុងការថែរក្សាសម្បត្តិ សារធារណៈរបស់រដ្ឋតែប៉ុណ្ណុះ យើងខ្ញុំរងចាំទទួលការបកស្រាយបំភ្លឺ ពីម្ចាស់ទីតាំង នឹង ស្ថាប័នពាក់ព័ន្ធ រៀងរាល់ម៉ោងធ្វើការ តាមច្បាប់ស្ដីពីរបបអ្នកសារព័ត៌មាននៅកម្ពុជា៕សូមអគុណ!
