ខេត្តរតនគិរី៖កន្លងមកក៏ដូចជាបច្ចុប្បន្ន ក្រោយពីប្រមូលផលកសិកម្មរួច ប្រជាកសិករ បងប្អូនជនជាតិដើមភាគតិចរបស់យើងនៅ ភូមិសោមគល់ ឃុំសោមធំ ស្រុកអូរយ៉ាដាវ តែងតែនាំគ្នាទៅកាយដីតាមមាត់អូរ តាងើល រួចយកអាចម៏ដីដាក់ចូលឆាងម៉ាង ហ្នឹងរែងចុះរែងឡើង ដោយប្រើកម្លាំងពលកម្ម តាមរបៀបធម្មជាតិ ជាប្រពៃណីតាំងពីដូនតារៀងមក។តែពេលសម័យជឿនលឿនគេឃើញ មួយរយៈនេះ មានថៅកែខ្មែរ ម្នាក់ដែលជាអ្នកមានលុយ បានយកម៉ាស៊ីន ចំនួន 2 គ្រឿង និងរៀបចំឧបករណ៍មានដូចជា កញ្ច្រែង រែងមាសខ្នាតធំ ទុយយោបូមយករ៉ែមាស ព្រមទាំងឧបករណ៍ជាច្រើន ដើម្បី ផលិតយករ៉ែមាសពីក្នុងដី ។
នៅថ្ងៃទី២៤ ខែតុលា ឆ្នាំ២០២៤ ក្រោយពីទទួលបានសេចក្តីរាយការណ៍ពីប្រជាពលរដ្ឋ ពាក់ព័ន្ធទៅ នឹងករណីខាងលើ ក្រុមការងារអ្នកសារព័ត៌មានយើង ជាច្រើនអ្នក បានចុះទៅដល់ចំណុច អូរតាងើយ ដែលប្រជាពលរដ្ឋបានរាយការណ៍ ក៏បានឃើញពិតប្រាកដមែន ហើយក្រុមអ្នកសារព័ត៌មានបានថតផ្តិតយកឧបករណ៍ និងសម្ភារៈបទល្មើសខុសច្បាប់ ទាំងអស់នេះដើម្បីផ្សព្វផ្សាយជូនថ្នាក់ដឹកនាំលោកបានជ្រាបផងដែរ ហើយក្រុមអ្នកសារព័ត៌មានយើង ក៏បានសាកសួរព័ត៌មាន ខ្លះៗ ពីបងប្អូនដែលជាកម្មករ មកស៊ីឈ្នួល រែងយករ៉ែមាសឲ្យថៅកែពេលនោះ បងប្អូនកម្មករបានប្រាប់មកដល់អ្នកសារព័ត៌មានយើងថា ខ្ញុំអត់ដឹងអីទេ ពួកខ្ញុំគ្រាន់តែមកស៊ីឈ្នួលឲ្យគេតែប៉ុណ្ណោះ។
នៅថ្ងៃទី២៧ ខែតុលា ឆ្នាំ២០២៥ ក្រុមការងារអ្នកសារព័ត៌មានយើង ក៍បានសាកសួរព័ត៌មានទៅលោក ហេងម៉នី អភិបាលនៃគណៈអភិបាលស្រុកអូយ៉ាដាវ ពាក់ព័ន្ធទៅនឹងការដាក់ម៉ាស៊ីនបូមយក រ៉ែមាសមួយកន្លែងខាងលើនេះ ពេលនោះលោកអភិបាលបានឆ្លើយតប មកអ្នកសារព័ត៌មានយើងវិញថា«
អត់ទាន់ដឹងទេ សូមបងជួយផ្ញើ រូបភាពទីតាំងនិយាមការអោយខ្ញុំផង ខ្ញុំអោយកម្លាំងចុះបង្ក្រាប សូមអរគុណ»
ប្រជាពលរដ្ឋបងប្អូនជនជាតិដើមភាគតិចដែលកំពុងប្រកបមុខរបរែងយករ៉ែមាសដោយដៃតាមរបៀបធម្មជាតិ គ្រាន់បានប្រាក់កម្រៃចំណូលតិចតួច បំពេញបន្ថែម ប្រចាំថ្ងៃ ក្នុងគ្រួសារ សុំសំណូមពរ ទៅអាជ្ញាធរ ពាក់ព័ន្ធ សមត្ថកិច្ច ជំនាញ ជាពិសេសលោកអភិបាលស្រុកអូយ៉ាដាវ មេត្តាកុំឲ្យមានករណី យកម៉ាស៊ីនទៅដាក់បូមយករ៉ែមាស ដូចករណីខាងលើនេះអី ។
ពួកគាត់បានបន្ថែមទៀតថា សូមទុករ៉ែមាស ដែលនៅសេសសល់ តិចតួចនេះ ឲ្យពួកគាត់ គ្រាន់បាន
ដោះស្រាយ ជីវភាពគ្រួសារ ប្រចាំថ្ងៃផង៕សូមអរគុណ!
