អភិបាលខណ្ឌមានជ័យអញ្ជើញជាអធិបតី ក្នុងពិធីបើកការដ្ឋានគម្រោងមូលនិធិអភិវឌ្ឍន៍សង្កាត់ឆ្នាំ២០២៥ ស្ថិតនៅ​ភូមិទួលរកា១ សង្កាត់​ចាក់អង្រែក្រោម​ ខណ្ឌមានជ័យ រាជធានីភ្នំពេញ​..!

ភ្នំពេញ​៖ដោយមានការចង្អុលបង្ហាញ ពីឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ ក្នុងការយកចិត្តទុកដាក់ចំពោះបងប្អូនប្រជាពលរដ្ឋរស់នៅក្នុងរាជធានីភ្នំពេញ មិនអោយមានការលំបាកក្នុងធ្វើដំណើរ នឹងការរស់នៅដោយសារជម្នន់ទឹកភ្លៀងផងនោះ នាព្រឹកថ្ងៃសុក្រ ១០រោច ខែអស្សុជ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៧ ខែតុលា ឆ្នាំ២០២៥ លោក សេង គន្ធ អភិបាលនៃគណៈអភិបាលខណ្ឌមានជ័យ បានអញ្ជើញ ជាអធិបតី​ក្នុងពីធីបើកការដ្ឋាន គម្រោងមូលនិធិអភិវឌ្ឍន៍សង្កាត់ឆ្នាំ២០២៥ ជួសជុលផ្លូវបេតុងគ្មានសសៃដែក ប្រវែង១,៥៤១ ម៉ែត្រ​ ទទឹង៤ម៉ែត្រ កម្រាស់០.១៥ម៉ែត្រ ស្ថិតនៅក្នុងភូមិទួលរកា១ ភូមិទួលរកា៣ និងភូមិព្រែកតាឡុង១ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។​

ក្នុងពិធី​នេះដែរមានការចូលរួមពីក្រុមការងារខណ្ឌ លោក លោកស្រី ចៅសង្កាត់ទាំង៧ សមត្ថកិច្ចទាំងបីប្រភេទ និងបងប្អូនប្រជាពលរដ្ឋ​ទាំង៣ភូមិចូលរួម។​លោក សេង គន្ធ បានសំណេះសំណាល នឹងពាំនាំនូវប្រសាសន៍​សួរសុខទុក្ខរបស់រាជរដ្ឋាភិបាល នឹង ឯកឧត្ដម​អភិបាលក្រុង​ជូនដល់បងប្អូនប្រជាពលរដ្ឋក្នុងពិធីនោះផងដែរ។​

លោក អភិបាលខណ្ឌ បានលើកឡើងថា យើងត្រូវរួមគ្នាកសាង ថែរក្សា​ការពារកុំអោយមានសំរាមបណ្ដាលអោយកកស្ទះផ្លូវទឹកនាំអោយជន់លិច ផ្លូវអាចធ្វើឱ្យផ្លូវខូច ព្រោះថារដូវនេះជារដូវទឹកឡើង និងមានភ្លៀងធ្លាក់ ដូចនេះសុំអោយបងប្អូនទាំងអស់ទុកដាក់ វិចខ្ចប់ កាកសំណល់ សំរាម អោយបានល្អ កុំអោយរាយប៉ាយ នាំអោយខ្យល់បកប៉ើងចូលប្រពន្ធ័លូនាំអោយមានការកកស្ទះ ជាយថាហេតុ នៅមុនពេលខាងប្រមូលសំរាមមកយក។​

មុននឹងបញ្ជប់ លោកអភិបាលបានផ្ដាំផ្ញើដល់បងប្អូនប្រជាពលរដ្ឋចេះជួយគ្នាថែរក្សាបរិស្ថានឱ្យបានស្អាត និងមានការប្រុងប្រយត្ន័អោយបានខ្ពស់ចំពោះមុសខ្លាំបណ្ដាលកើតជំងឺគ្រុឌឈាម ព្រោះរដូវនេះជារដូវភ្លៀងធ្លាក់ និងជូនពរបងប្អូនសុខភាបល្អកម្លាំងមាំមួន និងសំប្រកបទៅដោយ ពុទ្ធពរទាំង ៤ ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។​

សូមបញ្ជាក់ផងដែរថា លោក សេង គន្ធ អភិបាលនៃគណៈអភិបាលខណ្ឌ​មានជ័យ លោកតែងតែយកចិត្តទុកដាក់ទៅលើបងប្អូនប្រជាពល ចុះដល់ទីតាំងផ្ទាល់ជាមួយប្រជាពលពេលមានទុក្ខលំបាក និង ឧបត្ថម្ភ គាំទ្រប្រជាពលរដ្ឋជានិច្ច៕