ភ្នំពេញ÷តាមប្រភពពីប្រជាពលរដ្ឋ រស់នៅក្នុងខណ្ឌចំការមន បានអោយដឹងថា៖ផ្សារទំនើបបឹងត្របែកផ្លាហ្សានៅជាន់ខាងលើមានបើក ល្បែងខុសច្បាប់គ្រប់ប្រភេទ និងមានទាំងខារ៉ាអូខេ ក្លឹបកំសាន្ត ថែមទៀតផង បើកយ៉ាងសុខសាន្ត មិនខ្លាចមានការំខានពីអាជ្ញាធរ មានសមត្ថកិច្ចក្នុងមូលដ្ឋានអ្វីនោះឡើយ។
មហាជននិងប្រជាពលរដ្ឋរស់នៅក្នុង រាជធានីភ្នំពេញ បាននិយាយ ខ្សឹមខ្សៀវគ្នាតាម តុកាហ្វេ បានចោទសួរគ្នាថា តើភាពអសន្តិសុខសង្គមបែបនេះ គឺអាជ្ញាធរ និងសមត្ថកិច្ច ឬក៏មន្ត្រីជំនាញណាខ្លះដែលមានកាតព្វកិច្ច ក្នុងការបង្ក្រាបបទល្មើសទាំងអស់នេះ ។ដឹងហើយថា ល្បែងសុីសងខុសច្បាប់ ក្លឹបកំសាន្ត និងខារ៉ាអូខេ អាចបង្កប់ ទៅ ដោយការជួញដូរផ្លូវភេទ ឬជាកន្លែងចែកចាយ និងប្រើប្រាស់គ្រឿងញៀន ក៏ថាបាន នេះជាលើឡើងរបស់ពលរដ្ឋតាមតុកាហ្វេ។
ទោះបីយ៉ាងណាប្រជាពលរដ្ឋរស់នៅតំបន់នោះស្នើសុំលោក កៀង ល័ក្ស អភិបាលខណ្ឌចំការមន និងលោកវរសេនីយ៍ឯក ហួរ ម៉េងហួន អធិការនគរបាល ខណ្ឌចំការមន មេត្តាចុះ អន្តរាគមន៍ ទៅលើទីតាំងខាងលើនេះផងទាន ដើម្បីស្រមតាមគោនយោបាយភូមិ ឃុំ សង្កាត់ មានសុវត្តិភាព មានលក្ខណៈសម្បត្តិ៧យ៉ាងផងទាន និងជៀសវាង មតិមួយចំនួនចោទថា
កន្ទេលធំ ប្រឡំដេក ទើបបានជា បណ្ដែត បណ្ដាលឱ្យនៅក្នុងមូលដ្ឋានខណ្ឌចំការមន មានភាពអសន្តិសុខបែបនេះ។
ជាពិសេសប្រជាពលរដ្ឋ ក៏បានគោរពស្នើសុំយ៉ាងទទូចទៅដល់ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងជាគណៈបញ្ជាការឯកភាព នឹងឯកឧត្តមឧត្តមសេនីយ៍ឯក ជួន ណារិន្ទ អគ្គស្នងការរង នឹង ជាស្នងការដ្ឋាននគរបាលរាជធានីភ្នំពេញ សូមមេត្តា ចាត់កម្លាំងជំនាញចុះស៊ើបអង្កេតស្រាវជ្រាវ និងបង្ក្រាប ទីតាំងសំបុកល្បែងដុះស្លែដ៏ធំសម្បើមមហិមា មួយកន្លែងនៅផ្សារទំនើប បឹងត្របែកផ្លាហ្សា ជាន់ខាងលើដោយក្តីអនុគ្រោះផងទាន។
សូមរំលឹកថា: កាលពីថ្ងៃ ទី១៨ ខែកុម្ភះ ឆ្នាំ២០២៤ សម្តេចបវរធិបតី ហ៊ុន ម៉ាណែត បានដាក់បទបញ្ជាឲ្យអភិបាលទាំង២៥ ខេត្ត.ក្រុង.រាជធានី, តម្រូវឲ្យបង្រ្កាបទីតាំងបនល្បែងស៊ីសងតាមអនឡាញគ្រប់ប្រភេទ និងកន្លែងចែកចាយ នូវប្រភេទថ្នាំ ដែលមានសារធាតុញៀន ខុសច្បាប់គ្រប់ប្រភេទ នូវទូទាំងប្រទេស ដោយគ្មានការលើកលែង។
អង្គភាពសារព័ត៌មានយេីងខ្ញុំ គ្រាន់តែជាកញ្ចក់ឆ្លុះបញ្ចាំង ពីទិដ្ឋភាពសង្គម ផ្សាយចេញនូវ កាអភិវឌ្ឍន៍របស់រាជរដ្ឋាភិបាលជូនប្រជាពលរដ្ឋបានដឹង នឹងពីសុខទុក្ខរបស់ប្រពលរដ្ឋឱ្យថ្នាក់ដឹកនាំលោកបានជ្រាបតែប៉ុណ្ណោះ ស្របតាមក្រមសីលធម៌ វិជ្ជាជីវៈសារព័ត៌មាន ពុំបានមូលបង្កាច់បង្ខូចកេរ្ដិ៍ឈ្មោះ និងសេចក្ដីថ្លៃថ្នូរ មន្ត្រីជំនាញពាក់ព័ន្ធណាមួយនោះឡើយ។
ជុំវិញការចុះផ្សាយខាងលើនេះ អង្គភាពសារព័ត៌មានយើងខ្ញុំ នឹងរងចាំទទួលការបកស្រាយបំភ្លឺ ពីអាជ្ញាធរមានសមត្ថកិច្ចពាក់ពាន់រៀងរាល់ម៉ោងធ្វើការ តាមច្បាប់ស្តីពីរបបនៃសារព័ត៌មានកម្ពុជាគឺឲ្យមានភាពសុក្រឹត្យ-និងយុត្តិធម៌ សូមអរគុណ ៕
