ខេត្តកំពង់ស្ពឺ៖ដោយអនុវត្តតាមបទបញ្ជារបស់ លោក ឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ និងមានការសម្របសម្រួលនីតិវិធីពី លោក ទិន សុចិត្រា ព្រះរាជអាជ្ញារង អមសាលាដំបូងខេត្តកំពង់ស្ពឺ
កាលពីថ្ងៃទី២៧ ខែមីនា ឆ្នាំ២០២៥ វេលាម៉ោង ១៧:០០នាទី កម្លាំងមន្ទីរស្រាវជ្រាវ និងបង្រ្កាបបទល្មើស សហការជាមួយកម្លាំងមូលដ្ឋានកងរាជអាវុធហត្ថស្រុកសំរោទង ដឹកនាំដោយលោក វរសេនីយ៍ទោ ណុល ដារ៉ា(ប្រធានមន្ទីរស្រាវជ្រាវនិងបង្ក្រាបបទល្មើស)
បានធ្វើការបង្ក្រាបនិងឃាត់ខ្លួនជនសង្ស័យចំនួន ០២នាក់ ពាក់ព័ន្ធករណីគ្រឿងញៀន
ស្ថិតនៅចំណុចភូមិត្រពាំងឬស្សី ឃុំសំបូរ ស្រុកសំរោងទង ខេត្តកំពង់ស្ពឺ។
ជនសង្ស័យទី១ ឈ្មោះ សឿន ឈិន ភេទប្រុស អាយុ២៨ឆ្នាំ និងទី២ ឈ្មោះ ម៉ុក ដា ហៅ ឆាយ ភេទប្រុស អាយុ២៥ឆ្នាំ មានទីលំនៅភូមិត្រពាំងឬស្សី ឃុំត្រពាំងគង ស្រុកសំរោងទង ខេត្តកំពង់ស្ពឺ។
ចាប់យកវត្ថុតាងរួមមាន៖ ម្សៅសរក្រាមសង្ស័យ សារធាតុញៀនចំនួន ០៧កញ្ចប់,ម៉ូតូចំនួន ០១គ្រឿង,អត្តសញ្ញាណប័ណ្ណសញ្ជាតិខ្មែរ(ឈ្មោះ ឃឹម សុខហេង)ចំនួន០១សន្លឹក,
សំបុត្របញ្ជាក់កំណើត(ឈ្មោះ ឃឹម សុខហេង) ចំនួន០១សន្លឹក,ទូរសព្ទដៃចំនួន០១គ្រឿង
និងឧបករណ៌ប្រើប្រាស់គ្រឿងញៀនមួយចំនួន។
បច្ចុប្បន្នជនសង្ស័យ រួមនឹងវត្ថុតាងត្រូវបានកម្លាំងជំនាញមន្ទីរស្រាវជ្រាវនិងបង្រ្កាបបទល្មើស នៃបញ្ជាការការដ្ឋានកងរាជអាវុធហត្ថខេត្តកំពង់ស្ពឺ កសាងសុំណុំរឿងបញ្ជូនទៅតុលាការ ដើម្បីចាត់ការតាមនីតិវិធី៕
