នាវេលាម៉ោង១៩:០០នាទីយប់
ថ្ងៃសុក្រទី២៤ខែមករា ឆ្នាំ២០២៤
អនុវត្តតាមការណែនាំរបស់ សាលារាជធានីភ្នំពេញ និងរដ្ឋបាលខណ្ឌលោក ជា ពិសី អភិបាលនៃគណៈអភិបាលខណ្ឌទួលគោក បានចាត់តាំង លោក អភិបាលរង ស៊ិន សូផង់ ដឹកនាំកម្លាំងគណៈបញ្ជាការឯកភាពខណ្ឌ ចុះរៀបចំសណ្តាប់ធ្នាប់ រំដោះយក ចំណីផ្លូវ តាមបណ្តោយមហាវិថីម៉ៅសេទុង តំបន់ស្តុប កោសដូង ដើម្បីឲ្យមានភាព ល្អស្អាត ធំទូលាយ ជាងមុន។
ក្នុងនោះផងដែរ លោកក៏សំណូមពរដល់បងប្អូនអាជីវករ លក់ដូរ ទាំងអស់ដែលកំពុងប្រកបមុខរបរតាមបណ្តោយមហាវិថី ខាងលើ សុំមេត្តាស្តាប់តាមការណែនាំរបស់អាជ្ញាធរ អោយបានទាំងអស់គ្នា។ ចំពោះការលក់ដូររបស់ បងប្អូន លោកសុំត្រឹមតែ លក់ដូរទៅតាមគំនូស ដែលអាជ្ញាធរបាន គូសជូន ឈប់នាំគ្នារំលោភបំពាន ទៅមុខបន្តទៀត ជាដាច់ខាត។
ជាចុងក្រោយនេះ ក្នុងនាមរដ្ឋបាលខណ្ឌទួលគោក នៅតែ អំពាវនាវ ហើយ អំពាវនាវ ទៀត ដល់បងប្អូនអាជីវករលក់ដូរទាំងអស់ សុំមេត្តា ចូលរួម អនុវត្តន៍ ស្តាប់តាមការណែនាំរបស់អាជ្ញាធរ អោយបានគ្រប់ៗគ្នា៕
