មណ្ឌលគីរី៖នៅយប់ថ្ងៃទី ១២ ខែវិច្ឆិកាឆ្នាំ២០២៤ យប់រំលងអាធ្រាតឈានចូលថ្ងៃទី១៣ ល្បីដល់ឋានព្រះឥសូរ ខណៈពេលដែររថយន្តដឹកឈើចំនួន៥គ្រឿង ត្រូវបានបង្ក្រាបដោយជោគជ័យក្នុងទឹកដីនៃស្រុកកែវសីមាពិតជាទឹកដៃមិនធម្មតា កម្លាំងមន្ត្រីជំនាញរដ្ឋបាលព្រៃឈើថ្នាក់ជាតិបានចុះមកដល់ទឹកដីស្រុកកែវសីមាជួបប្រទះរថយន្តដឹកប្រភេទឈើសិប្បកម្មកែច្នៃចំនួន៥ គ្រឿងស្នើសុំសហការជាមួយនឹងកម្លាំងជំនាញបរិស្ថានភ្លាម ដើម្បីធ្វើការបង្ក្រាបរថយន្ត ទាំង៥ គ្រឿងខាងលើដែលកំពុងព្យាយាមបើកដឹកជញ្ជូនគ្រឿងសិប្បកម្មកែច្នៃអត់ច្បាប់ចេញពី ឃុំពូជ្រៃស្រុកពេជ្រាតា ខេត្តមណ្ឌលគិរី ទាំងកំពុងតែព្យាយាមបើករត់គេចក៏ប៉ុន្តែនៅតែមិនអាចគេចរួចពីសំណាញ់ច្បាប់បានឡើយ រថយន្តខាងលើតែងតែដឹកជញ្ជូនអនុផលព្រៃឈើ ប្រភេទសិប្បកម្មកែច្នៃឥតច្បាប់ជាច្រើនខែកន្លងមក បន្ទាប់ពីមានការបង្ក្រាបរថយន្ត៥គ្រឿងខាងលើនេះ តើជោគវាសនារថយន្តប៉ុន្មានគ្រឿងទៀតដែលមិនទាន់បានបង្ក្រាបនិងមានវាសនាដូចរថយន្តទាំង៥គ្រឿង នេះដែរឬទេ?។
មតិមហាជនទាំងអស់ដែលរស់នៅក្នុងស្រុកកែវសីមា កំពុងតែរង់ចាំមើលថាតើវិធានការនៃការបង្ក្រាបរបស់សមត្ថកិច្ចនិងជំនាញ បន្តធ្វើការបង្ក្រាប រថយន្តដឹកអនុផលព្រៃឈើផ្សេងទៀតដូចករណីខាងលើនេះដែរឬទេ?ក្នុងបេសកកម្មចុះបង្ក្រាបរថយន្តខាងលើនេះក៏មានការចូលរួមពីលោក(តាន់គីមសួរ)ដែលជាសកម្មជនការពារព្រៃឈើដ៏ល្បីល្បាញក្នុងបណ្ដាញសង្គមកន្លងមកដែលប្រជាពលរដ្ឋទាំងអស់បានស្គាល់និងល្បីឈ្មោះរបស់លោកកន្លងមកជារឿយៗ។
បើតាមប្រភពបានបញ្ជាក់ថា តៃកុងរថយន្តទាំង៥ រត់គេចខ្លួន ឃាត់ខ្លួនមេឈ្មួញយ៉ាងសកម្មបានពីរនាក់(២នាក់)។
សូមបញ្ជាក់ថា រថយន្តដែលបានបង្ក្រាបខាងលើ នឹងវត្ថុតាង ខណៈពេលនេះត្រូវបានប្រគល់ជូនជំនាញមន្ត្រីបរិស្ថាន ដែនជម្រកសត្វព្រៃកែវសមា ដើម្បីបន្តវិធានការទៅតាមច្បាប់ដែរបានកំណត់មក៕
ដោយ អ្នកសារព័ត៌មាន ប្រចាំខេត្តមណ្ឌលគិរី
