កំពង់ស្ពឺ៖កន្លងទៅថ្មីៗនេះគេឃើញ មេឈ្មួញពីរនាក់ប្តីប្រពន្ធនោះបានទៅប្រមូលឈើឡាំងរួចជ្រុងៗ(ឈើឃ្លុំ) នៅតំបន់ខាងលិចភូមិជាំ ក្នុងឃុំតាសាល ស្រុកឱរ៉ាល់ ពីឈ្មួញកណ្តាលដែលបានប្រមូលទិញពីប្រជាពលរដ្ឋចូលព្រៃកាប់ឈើ រួចលើកដាក់ក្នុងរថយន្តកែច្នៃរបស់ខ្លួនពណ៌ខ្មៅ ដោយរៀបដាក់ឈើឃ្លុំខាងក្រោម រួចដាក់ថង់ធ្យូងពីលើ រហូតដល់ពេលយប់ជ្រៅទើបមេឈ្មួញពីរនាក់ប្តីប្រពន្ធបើករថយន្តដឹកឈើ មកតាមបណ្តោយផ្លូវលំពីផ្សារជាំ ឆ្លងកាត់ស្នាក់ការដែនជម្រកសត្វព្រៃខាងត្បូងបឹងទន្លេសាប ឆ្ពោះទៅទិសខាងកើត ឆ្លងកាត់ស្នាក់ការងដែនជម្រកសត្វព្រៃភ្នំឱរ៉ាល់ខាងកើតផ្សារជាំ រួចហើយរថយន្តកែច្នៃដឹកឈើនោះបើកឆ្លងកាត់តំបន់ទេទឹកពុះ និងឆ្លងកាត់ស្នាក់ការរងដែនជម្រកបរិស្ថានតេទឹកពុះ ស្នាក់ការយោធា កុងត្រូលជជុះប៉ូលីសសេដ្ឋកិច្ចខេត្ត និងប៉ូលីសសេដ្ឋកិច្ចក្រសួង ស្នាក់ការដែនជម្រកសត្វព្រៃភ្នំឱរ៉ាល់ រួចបើក ឆ្លងកាត់រង្វង់មូលផ្សារកន្តួត តាមបណ្ដោយផ្លូវជាតិលេខ៤៤ ឆ្លងកាត់តាមមុខសាលាស្រុកឱរ៉ាល់ អធិការនគរបាលស្រុកឱរ៉ាល់ និងកងរាជអាវុធហត្ថស្រុកឱរ៉ាល់ និងមានស្នាក់ការរដ្ឋបាលព្រៃឈើជាច្រើនកន្លែងទៀត ឆ្ពោះមកខេត្តកំពង់ស្ពឺ មកស្តុកទុកក្នុងផ្ទះរបស់ខ្លួន។
ប្រភពពីឈ្មួញឈើមួយចំនួនដែលស្និទ្ធនឹងមេឈ្មួញពីរនាក់ប្ដីប្រពន្ធឈ្មោះ មុំ និងឈ្មោះ ស្រីចិន បានឲ្យដឹងថា ដោយសារមេឈ្មួញពីរនាក់ប្ដីប្រពន្ធនេះ មានខ្នងបង្អែករឹងមាំ ទើបអាចបន្តសកម្មភាពដឹកជញ្ជូនឈើចេញពីស្រុកឱរ៉ាល់ ខេត្តកំពង់ស្ពឺ ដោយគ្មានសមត្ថកិច្ចណាបង្ក្រាប។
ព្រោះកន្លងមកក្រុមឈ្មួញរកសុីដឹកជញ្ជូនឈើ ត្រូវបានកម្លាំងរដ្ឋបាលព្រៃឈើ
នឹងកម្លាំងកងរាជអាវុធហត្ថខេត្តកំពង់ស្ពឺបង្ក្រាប
ដូចភ្លៀងរលឹម ចំឡែកតែមេឈ្មួញពីរនាក់ប្តីប្រពន្ធខាងលើ នៅតែដឹកជញ្ជូនឈើ ដោយគ្មានក្តីព្រួយបារម្មណ៍ អំពីសមត្ថកិច្ចពាក់ពន្ធ័ អីបន្តិចសោះយ៉ាងនេះ?។
ប្រជាពលរដ្ឋដែល
ស្រឡាញ់ធន់ធានសម្បត្តិធម្មជាតិ ស្នើសុំលោកឧត្តមសេនីយ៍ត្រី ម៉ែង ស៊្រុន មេបញ្ជាការកងរាជអាវុធហត្ថខេត្តកំពង់ស្ពឺ លោកឧត្តមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ នឹង ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ ជាពិសេសគោរពស្នើសុំ
ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន នឹងឯកឧត្តម ឌិត ទីណា រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ មេត្តាចាត់កម្លាំងជម្នាញ ចុះស្រាវជ្រាវ ទៅលើសមត្ថកិច្ចពាក់ពន្ធ័ នឹងមេឈ្មួញពីរនាក់ប្ដីប្រពន្ធឈ្មោះ មុំ និងឈ្មោះ ស្រីចិន ផងទានកុំអោយធ្វើអ្វីៗតាមតែអំពើចិត្តយ៉ាងនេះ។
សូមរំលឹកផងដែរថា៖សម្តេចតេជោ ហ៊ុន សែន អតីតនាយករដ្ឋមន្រ្តីនៃកម្ពុជា បានចេញបទបញ្ជាយ៉ាងម៉ឺងម៉ាត់មួយ ឱ្យក្រសួងស្ថាប័នពាក់ព័ន្ធ និងអភិបាលខេត្តត្រូវធ្វើការទប់ស្កាត់ និងបង្រ្កាបឱ្យខានតែបានចំពោះការកាប់បំផ្លាញព្រៃឈេី៕នៅមានត
