លោក សេង គន្ធ អភិបាល នៃគណៈអភិបាលខណ្ឌមានជ័យ ដឹកនាំកម្លាំងចុះ យុទ្ធនាការ “កម្ពុជាស្អាត ខ្មែរធ្វើបាន” “ផ្លូវជាតិ គ្មានសំរាមប្លាស្ទិក”

នៅថ្ងៃសៅរ៍ ៥រោច ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៨ ខែមករា ឆ្នាំ២០២៥ វេលាម៉ោង៨៖០០ ព្រឹក រដ្ឋបាលខណ្ឌមានជ័យ បានរៀបចំយុទ្ធនាការ “កម្ពុជាស្អាត ខ្មែរធ្វើបាន” និងយុទ្ធនាការ “ផ្លូវជាតិ គ្មានសំរាមប្លាស្ទិក” ដឹកនាំដោយ លោក សេង គន្ធ អភិបាល នៃគណៈអភិបាលខណ្ឌមានជ័យ នៅផ្លូវជាតិលេខ២ ក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។

ដោយមានសមាសភាពចូលរួមសរុបចំនួន៣១៧ នាក់ រួមមាន៖
-តំណាងមន្ទីរបរិស្ថានរាជធានីភ្នុំពេញ
-លោក លោកស្រីអភិបាលរងខណ្ឌ
-លោក អធិការនគរបាលខណ្ឌ
-លោក មេបញ្ជាការកងរាជអាវុធហត្ថខណ្ឌ
-លោក លោកស្រីនាយក នាយករងរដ្ឋបាល
-លោក លោកស្រី ប្រធាន អនុប្រធាន និងមន្រ្តីទាំងអស់នៃការិយាល័យ អង្គភាពទាំង១១
-លោក ចៅសង្កាត់ទាំង៧
-លោក ប្រធានផ្សារទាំង៣
-សសយកសង្កាត់ទាំង៧
-សណ្តាប់ធ្នាប់ខណ្ឌ និងកម្លាំង
-តំណាងក្រុមហ៊ុនស៊ីនទ្រី និងកម្លាំង
-ភ្នាក់ងារសុំរាមតាមសង្កាត់ទាំង៧
-ប្រជាពលរដ្ឋក្នុងសង្កាត់ចាក់អង្រែលើ
ដោយបានចុះសំអាតនិងប្រមូលសំរាម និងថង់ប្លាស្ទិកតាមដងផ្លូវជាតិលេខ២(ទាំងសងខាង)ចាប់ពីគល់ស្ពានអាកាសក្បាលថ្នល់ រហូតដល់ស្តុបវត្តចាក់អង្រែក្រោម ។

សូមបញ្ជាក់ផងដែរថា កន្លងមករដ្ឋាបាលខណ្ឌមានជ័យ តែងតែដឹកនាំកម្លាំងចុះរៀបចំសណ្តាប់ធ្នាប់ និងសំអាតតាមដងផ្លូវ នឹងបានអប់រំដល់ប្រជាពលរដ្ឋ ទុកដាក់សំរ៉ាម អោយបានត្រឹមត្រូវ និងចូលរួមសំអានបរិស្ថានទាំងអស់គ្នា៕