នៅរសៀលថ្ងៃសុក្រ ៤ រោច ខែបុស្ស ឆ្នាំរោង ឆស័ក ព.ស ២៥៦៨ ត្រូវនិងថ្ងៃទី១៧ ខែមករា ឆ្នាំ២០២៥ វេលាម៉ោង ០៣:០០នាទីរសៀល ដោយមានការយកចិត្តទុកដាក់ នូវបទបញ្ជា របស់ ឯកឧត្ដម ឃួង ស្រេង អភិបាន នៃគណៈអភិបាលរាជធានីភ្នំពេញ និងលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ក្នុងការបង្ក្រាបរាល់បទល្មើស នឹងល្បែងសុីសងគ្រប់ប្រភេទក្នុងទីក្រុងភ្នំពេញ។
លោក សេង គន្ធ អភិបាល នៃគណៈអភិបាលខណ្ឌមានជ័យ និងជាប្រធានគណៈបញ្ជាការឯកភាពខណ្ឌមានជ័យ បានចង្អុលបង្ហាញ លោក ឌី សុខខែម អភិបាលរងខណ្ឌ លោកចៅសង្កាត់ស្ទឹងមានជ័យទី២ នាយប៉ុស្តិ និងកម្លាំងសណ្តាប់ធ្នាប់ខណ្ឌ បានដឹកនាំកម្លាំងចុះបង្រ្កាបទីតាំងបញ្ចូលលុយ(ណេត joker) នៅភូមិឬស្សី សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។
ជាលទ្ធផល៖ដោយធ្វើការដកហូតសម្ភារៈមួយចំនួនដូចខាងក្រោម
ទូរសព្ទដៃ ៣គ្រឿង
សៀវភៅកត់បញ្ចូលលុយ និង
ឃាត់ខ្លួនមនុស្សចំនួន ០១នាក់ ភេទប្រុស។
សម្ភារៈពាក់ព័ន្ធ បញ្ចូលលុយ(ណេត joker)ខាងលើ ត្រូវបានកម្លាំងគណៈបញ្ជាការឯកភាពរដ្ឋបាលខណ្ឌមានជ័យ យកទៅរក្សាទុក នៅសាលាខណ្ឌមានជ័យជាបណ្ដោះអាសន្ន និងមនុស្សពាក់ព័ន្ធបញ្ចូលទៅប៉ុស្តិ៍នគរបាលសង្កាត់ស្ទឹងមានជ័យទី២ ដើម្បីមានចំណាត់ការតាមនីតិវិធី។
សូមបញ្ចាក់ថា ករណីល្បែងសុីសងខុសច្បាប់ អភិបាលខណ្ឌមានជ័យតែងតែ ចាត់កម្លាំងចុះបង្ក្រាប ដូចភ្លៀងរលឹម នៅពេលមានសេចក្តីរាយការណ៍ ពីប្រជាពលរដ្ឋ ឬអ្នកសារព័ត៌ជូនដំណឹង៕
