ត្បូងឃ្មុំ៖ ឯកឧត្ដម ង៉ូវ បូរីណា រដ្ឋលេខាធិការ ដំណាងដ៏ខ្ពង់ខ្ពស់ ឯកឧត្ដមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន បានបន្ដដឹកនាំមន្រ្ដីរាជការ ប្រជាពលរដ្ឋ សិស្សានុសិស្ស ក្នុងឃុំចក ចូលរួមអនុវត្តយុទ្ធនាការ “ពន្លកបៃតង”ដេីម្បីដាំដេីមឈេី ស្ថិតឃុំចក ស្រុកអូររាំងឪ ខេត្តត្បូងឃ្មុំ នាព្រឹកថ្ងៃទី៦ ខែកក្កដា ឆ្នាំ២០២៥។
ស្របតាមយុទ្ធសាស្ត្រចក្រាវិស័យបរិស្ថាន “ភាពបៃតង” ក្រសួងបរិស្ថានបានដាក់គោលដៅ ការពារ ពង្រីក ភាពបៃតង សំដៅលើការដាំដេីមឈេី តាមមូលដ្ឋាន ទីសាធារណៈ តំបន់ដីសិករិចរិល ដេីម្បីបំពេញនូវគម្របបៃតង និងអព្យាក្រឹតកាបូននៅកម្ពុជា។
ឯកឧត្ដម ង៉ូវ បូរីណា រដ្ឋលេខាធិការក្រសួងបរិស្ថាន បានថ្លែងប្រាប់ថា យុវជន យុវនារី សិស្សានុសិស្ស លោកគ្រូ អ្នកគ្រូ និងប្រជាពលរដ្ឋកម្ពុជា ត្រូវមានរួបរួមគ្នា ថែរក្សា ការពារ បរិស្ថានកម្ពុជា ពង្រឹង ពង្រីក គម្របបៃតង ដាំដេីមឈេីឱ្យច្រេីន ដេីម្បីអព្យាក្រឹតកាបូន។
ជាមួយគ្នានេះដែរ ឯកឧត្ដម បានបន្ដទៀតថា ក្រសួងបរិស្ថាន និងមន្ទីរបរិស្ថានគ្រប់ រាជធានី ខេត្ត នឹងផ្ដល់ ឬចែកកូនឈេីជូនប្រជាពលរដ្ឋយកទៅធ្វេីការដាំដុះ ដោយឥតគិតថ្លៃ៕
