ខេត្តស្ទឹងត្រែង÷នាព្រឹកថ្ងៃសុក្រ ទី៣០ ខែឧសភា ឆ្នាំ២០២៥
ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញដឹកនាំប្រតិភូ ព្រម ទាំងលោក លោកស្រី អភិបាលខណ្ឌទាំង១៤ បានអញ្ជើញ ចុះសាកសួរសុខទុក្ខ ដល់ បងៗ កងទ័ព នាយទាហាន ពលទាហាន និងនាយពលនគរបាល កងពលធំអន្តរាគមន៍លេខ៣ កងពលតូចអន្តរាគមន៍លេខ១២៨ កងពលតូចអន្តរាគមន៍លេខ៩ និងវរសេនាតូចនគរបាលការពារព្រំដែនគោកលេខ៧៩៣ នៅទីបញ្ជាការកងពលតូចអន្តរាគមន៍លេខ១២៨ យោធភូមិភាគទីទី១ជាពិសេស ឯកឧត្តម ឃួង ស្រេង អភិបាលនៃរាជធានីភ្នំពេញ នាំយកអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រគលជូនផងដែរ។
ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ ៖នេះមិនមែនជាលើកទី១ ទេ ដែលលោកតែងតែ ខិតខំប្រឹងប្រែង ស្វែងរកជំនួយ ពីបងប្អូនសប្បុរធម៌ស្បៀងអាហារគ្រឿងឧបភោគបរិភោគ សំភារៈផ្សេងៗ ដើម្បីយកមកជួយឧបត្ថម្ភ ដល់បងៗកងទព័ជួរមុខ ដែលពុះពារ គ្រប់ឧបសគ្គ គ្រប់បែបយ៉ាងដើម្បីការពារបូរណភាពទឹកដីរបស់យើង។
ជាពិសេស លោក ក៏បានបែងចែកដល់គ្រប់បណ្តាខណ្ឌ ទាំង១៤ ត្រៀម មកចុះជួយឧបត្ថម្ភ ដល់គ្រប់ កងពល ទំាងអស់ នៅគោលដៅតាមព្រំដែន ដែលកំពុងរងចាំជំនួយ ពីសំណាក់បងប្អូនសប្បុរសធម៌ របស់យើងផងដែរ។
ជាចុងក្រោយ ឯកឧត្តម ឃួង ស្រេង អភិបាលនៃគណៈអភិបាលភ្នំពេញ លោកសុំបួងសួង ដល់វត្ថុស័ក្តិសិទ្ធិ ដែលរក្សាទឹកដីនៃព្រះរាជាណាចក្រកម្ពុជា យើង សុំអញ្ជើញ មកជួយប្រសិទ្ធិពរ ជ័យ ជូនដល់បងៗកងទព័ ទាំងអស់ ដែលនៅតាមបន្ទាត់ព្រំដែន និងសមរភូមិមុខ សុំអោយជួប តែភាពជោគជ័យ ឈ្នះអស់មារសត្រូវ គ្រប់ទិសទី ក្នងបុព្វហេតុ ជូនជាតិមាតុភូមិ របស់យើង៕
