ខណ្ឌព្រែកព្នៅ៖ស្ថិតក្នុងការអភិវឌ្ឍន៍ ពង្រីកផ្លូវនិងបង្កើតសំខាន់ៗ ដើម្បីរំដោះចរាចរណ៍ ស្របពេលដែលមានកំណើនយានយន្ត រឹតតែច្រើនជាពិសេស តំបន់ផ្លូវលេខ១៥១ ភូមិសំរោងត្បូង សង្កាត់សំរោង ខណ្ឌព្រែកព្នៅ. រាជរដ្ឋាភិបាល ក៏ដូចជាសាលារាជធានីភ្នំពេញ ក៏បានបង្កើតផ្លូវថ្មី១ខ្សែទៀតហៅថាផ្លូវ(45m) ដែលឆ្លងកាត់ពីមហាវិថីឈ្នះឈ្នះ បុកចាក់ត្រង់មកផ្លូវលេខ១៥១ តែម្តង ដើម្បីងាយស្រួល អោយបងប្អូនប្រជាពលរដ្ឋទូទាំងប្រទេស ធ្វើដំណើរ។ ជាក់ស្តែងនៅតាមបណ្តោយផ្លូវ១៥១ ក្រុមអាជ្ញាធរមូលដ្ឋានខណ្ឌព្រែកព្នៅ ក៏កំពុងតែមមាញឹក ស្តារប្រឡាយមេ១ខ្សែចាប់ពីព្រំប្រទល់ខណ្ឌកំបូល រហូតចាក់ចូលទៅបឹងទន្លេសាប ដែលមានទំហំទទឹង40m ជំរៅ10m ទៅ15m។
ដោយឡែកក្នុងការកសាងផ្លូវ45m ចាប់ពីមហាវិថីឈ្នះឈ្នះ រហូតមកដល់ផ្លូវលេខ១៥១
អជ្ញាធរក៏កំពុងតែកសាង ស្ពានឆ្លងកាត់ ប្រឡាយមេ១ខ្សែផងដែរ។ ចំពោះផលប៉ះពាល់ ចំផ្ទះរបស់បងប្អូនប្រជាពលរដ្ឋ អជ្ញាធរក៏មានគោលនយោបាយដោះស្រាយ និងជូនដំណឹង អស់រយៈពេលជាច្រើនលើក ច្រើនសារ រួចមកហើយ។មកដល់ពេលនេះអជ្ញាធរនៅតែដោះស្រាយជូនតំណាក់កាល (លើកទី១) ដោយទទួលបាន ផ្ទះទំហំ4.5m×18m ព្រមទាំងថវិកា10000$.។
ប្រសិនបើថ្ងៃណាមួយ ការដោះស្រាយគោលនយោបាយរបស់រដ្ឋាភិបាល មានការប្រែប្រួល (លើកទី២) បងប្អូនបានត្រឹមតែទទួលបាន ដី១ឡូតិ៍ទំហំ4.5m×18m និងថវិកាតែ5000$តែប៉ុណ្ណោះ។
សុំរំលឹកផងដែរថា ការមករស់នៅរបស់បងប្អូនអជ្ញាធរមូលដ្ឋាន លោកបានស្រាវជ្រាវបានជាក់ច្បាស់ណាស់ ថាមកពីខេត្តណា ឆ្នាំណា ទិញដូរ សុំអាស្រយ័ផល នៅឆ្នាំណា ក្នុងនាមអជ្ញាធរមូលដ្ឋានលោកបានដឹងច្បាស់ណាស់ ទោះបីបងប្អូនខំគៀងគរ រកមនុស្សមកពីកន្លែងដ៏ទៃមកជួយធ្វើបាតុកម្ម តវ៉ាជារៀងរាល់ថ្ងៃ ក៏អជ្ញាធរមានភស្តុតាងគ្រប់គ្រាន់សំរាប់ដាក់បន្ទុក នាក់ទាំងអស់នោះដែរ។
ជាចុងក្រោយ ក្នុងនាមអាជ្ញាធរមូលដ្ឋានលោកនៅតែអំពាវនាវហើយ អំពាវនាវទៀត សុំអោយបងប្អូនប្រជាពលរដ្ឋដែលរស់នៅតាមបណ្ដោយ ចិញ្ចើមផ្លូវ១៥១ ទាំងអស់ ដែលនៅសល់ប្រមាណ ជិត៣០ផ្ទះ ក្នុងចំណោម១០៨ផ្ទះ ចុងសុំអញ្ជើញមកទទួលគោលនយោបាយពីរាជរដ្ឋាភិបាល អោយបានឆាប់រហ័សពីព្រោះជិតផុត ឱសានវាទ លើកទី១ ហើយ។
